مشكلة فى السنتر بعد محاولة سرقة فاشلة بالأسكندرية :(

**rony_delta** · 21-10-2013 02:37 AM

السلام عليكم ورحمة الله

الموضوع بأختصار انا من المنصورة ومعايا إلنترا 2013 وسافرت 3 ايام أسكندرية فى العيد وأمبارح الصبح صحيت على كلمة أصحى العربيه أتسرقت وربنا مايكتب الخضه دى على حد طلعت اجرى معرفش انا لبست ازاى ونزلت من العمارة اللى كنا ماجرين فيها شقه لقيت العربيه بس الزجاج مكسور والعلبة اللى تحت الدريكسيون مفسوخه والكنتاك مفصول عن بعضه ومكسور طبعا المنظر خضنى بس ارتحت ان العربيه متسرقش وده طبعا من ستر ربنا اول حاجه وتانى حاجه لأن فيها ايموبلايزر طبعا غيرت زجاج يمين بس المشكله ان الريموت فصل لا بيفتح ولا بيقفل ولا الشنطة بتفتح تفتكرو أيه اللى حصل البرمجه بتاعته باظت ولا ايه وشكرا انى تعبتكوا معايا وعلى فكرة انا بعت العربيه النهاردة بس السؤال ده محيرنى السنتر فصل ليه ؟

**amrelsaqqa** · 21-10-2013 02:39 AM

الحرامى اول حاجة بيعملها فصل السنتر والانذار

وحمدلله على سلامتك وسلامة العربية
وللاسف العربية انتشرت سرقتها وحتى نزولها بعد كدة بايموبلايزر ما بيمنعش الفصل السخيف ده انه يحصل ( محاولة السرقة وتلفياتها في حد ذاتها )

**hugan** · 21-10-2013 02:40 AM

قدر ولطف
طب وبعت العربيه ليه

**rony_delta** · 21-10-2013 02:44 AM

المشاركة الأصلية كتبت بواسطة amrelsaqqa

الحرامى اول حاجة بيعملها فصل السنتر والانذار

وحمدلله على سلامتك وسلامة العربية
وللاسف العربية انتشرت سرقتها وحتى نزولها بعد كدة بايموبلايزر ما بيمنعش الفصل السخيف ده انه يحصل ( محاولة السرقة وتلفياتها في حد ذاتها )

شكرا جزيلا ليك وحسبى الله ونعم الوكيل وربنا يسترها علينا جميعا

**rony_delta** · 21-10-2013 02:47 AM

المشاركة الأصلية كتبت بواسطة amr011111

الحمد لله انها عدت على خير

بس بعت العربيه ليه

طبعا الحمد لله على كل حال انا اصلا كنت عارضها للبيع حتى كنت عامل بوست فى الموقع هنا لبيعها وسبحانك يارب جتلى بيعه ليها بفلوس جاهزة فا توكلت على الله مش موضوع انها كانت هاتتسرق بس بصراحه خفت استنى اكثر من كده لا اطول ابيعها ولا اطول اركبها وشكرا على مرورك

**rony_delta** · 21-10-2013 02:50 AM

المشاركة الأصلية كتبت بواسطة hugan

قدر ولطف
طب وبعت العربيه ليه

قدر ولطف والحمد لله على كل حال انا اصلا كنت عارضها للبيع حتى كنت عامل بوست فى الموقع هنا لبيعها وسبحانك يارب جتلى بيعه ليها بفلوس جاهزة فا توكلت على الله مش موضوع انها كانت هاتتسرق بس بصراحه خفت استنى اكثر من كده لا اطول ابيعها ولا اطول اركبها وشكرا على مرور حضرتك