المشاركة الأصلية كتبت بواسطة amr011111
الموضوع محتاج حاجتين
اول حاجه بالنسبه للسعر
انت لو متر الشقه ب الف جنيه على اساس انها 220 هيبقى سعرها 220 الف
لو صاحب البيت هيديهالك على اساس انها 1800 متر هيخلى سعر المتر 1222 جنيه يعنى برضه هيبقى سعرها 220 الف
ده هيفرق معاك فى ايه انك لما تيجى تبيع هيبقى معروف ان سعر المنطقه 1000 جنيه
وانت ساعتها هتطلب مثلا 1222 ده لو هتبيع علطول مثلا فساعتها هيبقى الرقم ده عالى
انما لو صاحب البيت مديك المتر بالف جنيه على اساس مساحه 180 يبقى الكلام ده مش هيفرق معاك فى حاجه لما تيجى تبيع
الحاجه التانيه بالنسبه للمساحه هتفرق معاك فى ايه
هتفرق ان مثلا كل مالك بيبقى له نسبه فى المنافع يعنى المفروض الشقه تبقى مساحتها 220 متر بالمنافع
فده بيفرق ان انت ليك حصه فى الارض اكتر ما يكون كاتب ليك 180 كتر
خلاصة الكلام خلى المالك يكتبلك ان مساحه الشقه 220 بالمنافع او 180 متر + 40 متر منافع