تقييم ممتاز ومرجع لكل من يريد شراء الشاهين.....
تقييم ممتاز ومرجع لكل من يريد شراء الشاهين.....
الشاهين سيارة ممتازة، انا عشت معاها 5 سنوات كانت من اجمل سنوات حياتى
اسمح لى فقط ان اضيف بعض التعليقات الىت اعتقد انها مفيدة:
1- الشكل الداخلى للشاهين والتابلوه الحديث والمفاتيح الدوارة ...الخ هى هى بدون تغيير من سنة 2002 ، ما هو موجود فى سيارتك هو نفس الموجود منذ 2003، فقط اختفى الشفاط اليدوى من تحت التابلوه بعد اضافة الحقن الالكترونى وتم تغيير طفيف جدا لشكل دراع فرامل اليد، غير كدة مفيش اى تغيير من اى نوع
2-شنطة الشاهين قد تكون واسعة بالنسبة لشنطة ال 128 ، لكن لو قارنتها بشنطة اى سيارة دفع امامى من فئتها فستجد انها صغيرة جدا، مش هقول لك قارنها بشنطة الللانوس، لكن قارنها بشنطة الريجاتا وستذهل من الفارق، وده لسبب بسيط جدا هو وجود تنك البنزين بداخل الشنطة الخلفية للشاهين وليس تحت الكنبة الخلفية كما فى سيارات الدفع الامامى
3- ثبات الشاهين المتدنى عندما تكون جديدة يعود فى 80% الى كاوتش النسر عار الصناعة المصرية الموجود بها، والى المساعدين مجهولة الهوية المركبة بها، غير الكاوتش الى اى نوعية محترمة مقاس إما 175/80/13 او 185/70/13 وفى اقرب فرصة غير جوز المساعدين الى مونرو ، وستذهل من الفارق، هتحس انك راكب مرسيدس، صحيح ان ثباتها لن يصل الى ثبات الجولف مثلا لكن هيتحسن بشكل مذهل
الف شكر على التقييم
تقيم جميل واسلوبك رائع
بس ياسلام لو مدعم بالصور
حيبقى ممتاز
شكرا جزيلا
السلام عليكم ورحمة الله وبركاته
انا اول ماجبت العربيه غيرت الكاوتش الى بريدجستون وغيرت المساعدين الاماميه مع ذلك ركبت علايات كاوتش امامى وخلفى علشان مطبات مصر المحروسه ومع ذلك الثبات بقى تمام والله انا جبت بيها 162 كم/س على دائرى المعادى وكان الثبات معقول
تقييم 100 100 يا أستاذ أحمد
الشاهين دى عربية مش هايجى زيها تانى على الاقل وانت سايق بتبقى شايف أبعاد عربيتك كويس جدا عشان تصميمها سهل بسيط مش زى التصميمات الدائرية العجيبة
ربنا يباركلك فيها ويحفظهالك وكل سنة وانت طيب ( :
تقييم ممتاز وربنا يباركلك فيها ياباشا
بس ليّ تعليق بسيط على موضوع الثبات:
انا معايا موديل 2004 من 5 سنين والحمد لله عمري ماحسيت مرة انها مش ثابته يعنى 3 / 10 دي قليلة قوي
بعد كام شهر بعت الكاوتش النسر اللي كان فيها وركبت كاوتش بولندي عرضه 165 مم
حاليا ومن حوالي سنة غيرت مساعدين قدام لأنهم باظوا (وليهم حق من الطرق اللي للأسف كنت ماشي فيها) وركبت اتنين مونرو وغيرت الكاوتش بقى اعرض 185 / 70 R13 وبإختصار زي الباشا بتاعنا ما قال :
اقتباس:
3- ثبات الشاهين المتدنى عندما تكون جديدة يعود فى 80% الى كاوتش النسر عار الصناعة المصرية الموجود بها، والى المساعدين مجهولة الهوية المركبة بها، غير الكاوتش الى اى نوعية محترمة مقاس إما 175/80/13 او 185/70/13 وفى اقرب فرصة غير جوز المساعدين الى مونرو ، وستذهل من الفارق، هتحس انك راكب مرسيدس، صحيح ان ثباتها لن يصل الى ثبات الجولف مثلا لكن هيتحسن بشكل مذهل
شكرا يا بشمهندس على التقييم الجميل و المحترف,
متفق فى جميع النقاط ماعدا موضوع الثبات, ثبات الشاهين لا يمكن وصفه بالممتاز و لا السىء هو من متوسط الى جيد, و الدفع الخلفى يعوض عيوب الثبات الناتجة عن ارتفاع نقطة الثقل, و ثباتها عن تجربة أفضل من السيارات الكورية مثل الأكسنت و الاكسل كثيرا, و أنا متفق معك أن ثباتها أقل قليلا من ال128.
و هتحس فعلا بثباتها أفضل كثيرا لو غيرت الكاوتش النسر, الكاوتش النسر كاوتش جيد جدا فى رأيى لناحية العمر الافتراضى و التحمل, و ثباته معقول لكنه ليس ممتاز, أنا غيرت الى بيريللى (للأسف ملقتش نسر متوفر عند بتوع الكاوتش) و الثبات بقى أفضل كثيرا فى المنحنيات و على الطرق السريعة (مع الكاوتش النسر كان الثبات معقول لحد 120, مع البيريللى الثبات بقى جيد جدا لحد ال140, و لحد 160 معقول و محتمل), لكن عشان ندى كاوتش النسر حقه, طلع بعد حوالى 46 الف كيلو بمشاكل لا تذكر, و كان فيه اطار واحد فيه عالى و واطى, و اطار أخر كان مقطوع و اتعمله داخلى و الباقى حالته كويسة, و فى رأيى الكاوتش النسر أفضل كثيرا من الاطارات المجهولة الهوية القادمة من البلدان الأسيوية.
متفق معاك تماما
الا فى موضوع الشنطة
لان شنطة الشاهين ضيقة
ومش اوسع من الادا
وبرده موضوع الثبات
يا جماعة سعر الشاهين فى contactcars الاخير 62000 جنية ازاى يوصل للسعر 70000 جنية هل زودوا تكييف أو اى ابشن زيادة ياريت شرح وافى لآى مواصفات زيادة فى السيارة وشكرا .