برمجة ريموت الريو 2013/2012 لتشغيل الأوبشنز

ازيكم يا اصدقائي نمور الكيا

والله موضوع برمجة الريموت للريو 2012/2013 اتسأل عليه هنا في منتدانا المحترم بس للأسف محدش جاوب :fun_36_3_4[1]:

ف أنا فكرت نعمله موضوع مستقل خصوصا بعد التزايد الملحوظ لمالكي العزيزة ريو هنا

وهبدأ بنفسي وياريت كلنا نشارك المعلومات :


1- لكي تجعل السنتر لوك يفتح باب السائق بس مش كل الابواب هنضغط على زر Lock + Unlock مع بعض لمدة 30 ثانية هتلاقي العربية عملت فلاشر 3 مرات بدون صوت
وبكده بعد كده لما تيجي تدوس على اللوك او تفتح هتفتح او هتفقل باب السائق بس.

2-وهنعيد العملية دي بالظبط هيرجع يفتح او يقفل كل الابواب مع بعض.


ياللا بقى كله اللي عنده معلومة يخش بيها حتى لو ناقصة

طيب خد دي

1- لو انت نزلت ونسيت النور الواطي (تاني تكة) شغال .. لما بتقفل العربية لوك النور مش بيتقفل .. لكن دوس مرتين ورا بعض هتلاقي كل الانوار اتطفت ... واول ما تدول على الـ أن لوك هتلاقي العربية كلها نورت تانى .. شكلها بصراحة بيبقى جميل لما تدوس على الـ ان لوك وتلاقي العربية كلها نورت فجأة كده

2- ولو معرفتش توصل للعربية او الريموت مش واصله .. متخافش سيبها 30 ثانية هتلاقي العربية من نفسها قفلت النور

3- لو انت قفلت العربية (لوك من الريموت) وانت قاعد جواها وبعدين فتحت الباب علشان تنزل .. هتلاقي العربية زمرت زي الانذار بصوت الكلاكس (صوته عالي قوي الصراحة) .. ودي حاجة كويسة يعنى العربية فيها انذار


بس كده :)

موضوع جميل جدا
متاااابع

يا جماعه هو الموضوع ده فى عربيات كيا الجديده كلها و لا الريو بس؟:auto:

انا فعلا اكتشفت الموضوع ده طبعا بالصدفة العربية فيها انذار بس بيشغل بس فى حالى فتح الابواب على الوضع unlock وده انا تاكدت منه من الكتالوج بالنسبة للنور انا كنت فاكره فى الخليجى بس لكن انا معايا وكيل وفيها نفس الخاصية دى
انا مشكلتى كلها فى الباركنج سنسور لسه مش عارف اتعود على ابعاد العربية خالص

انا عربيتي وكيل بالمناسبة مش خليجي

احنا المزايا دي كلها بنتكلم عليها فى الريو .. معرفش بصراحة هل موجودة في باقي العربيات ولا لأ

بس ممكن الناس تجرب وتقول ايه الاخبار

وكمان لو انت قفلت العربية من الريموت وجيت تفتح بعد اقل من دقيقة بالمفتاح مانيوال يعني مش هيضرب الانذار بس لو بعد دقيقة هيضرب الكلاكس

موضوع جميل جداً يارجاله

موجود يا باشا فى المنتدى

http://www.nilemotors.net/Nile/359925-unlock.html

وكمان شرح لمثبت السرعة

http://www.nilemotors.net/Nile/361485-a.html

اقتباس:

---

المشاركة الأصلية كتبت بواسطة yasserelsayad

موجود يا باشا فى المنتدى

http://www.nilemotors.net/nile/359925-unlock.html

وكمان شرح لمثبت السرعة

http://www.nilemotors.net/nile/361485-a.html

---

ياسر باشا طبعا معاك حق وانا اول واحد قرأ موضوعك عن اللوك وطرق تعديله بس انا بسأل على الحاجات التانية اللي هي مش مشهورة زي دي منها مثلا ان اللوك يقفل اوتوماتيك بعد التحرك لسرعة 20 كم في بعض الناس بتقول انه بيتبرمج من الريموت وحضرتك بتقول لأ لازم يتعدل ف التوكيل وده كمان اذا كان العربية فيها اصلا الخاصية دي

تقبل تحياتي

اقتباس:

---

المشاركة الأصلية كتبت بواسطة 2code

موضوع جميل جداً يارجاله

---

يا باشا دا انتا اللي جميل وانا علطول بتابع مواضيعك باهتمام

اقتباس:

---

المشاركة الأصلية كتبت بواسطة midoooocomm

ياسر باشا طبعا معاك حق وانا اول واحد قرأ موضوعك عن اللوك وطرق تعديله بس انا بسأل على الحاجات التانية اللي هي مش مشهورة زي دي منها مثلا ان اللوك يقفل اوتوماتيك بعد التحرك لسرعة 20 كم في بعض الناس بتقول انه بيتبرمج من الريموت وحضرتك بتقول لأ لازم يتعدل ف التوكيل وده كمان اذا كان العربية فيها اصلا الخاصية دي

تقبل تحياتي

---

تمام
عربيات التوكيل مفيهاش موضوع ان الباب يقفل لوك لوحده لان لما روحت اخر مرة المهندس قالى انه مش فيها

اقتباس:

---

المشاركة الأصلية كتبت بواسطة yasserelsayad

تمام
عربيات التوكيل مفيهاش موضوع ان الباب يقفل لوك لوحده لان لما روحت اخر مرة المهندس قالى انه مش فيها

---

تمام يا فندم بس انا خليجي الفئة اللي قبل الهاي لاين علطول ولو تفتكر انت اللي تفضلت وجبتلى المواصفات من الـvin بتاع العربية وكان مكتوب فيه ان فيها اوتولوك بعد ما تتحرك بس لحد دلوقتي مش عارف اشغله