برمجة ريموت الريو 2013/2012 لتشغيل الأوبشنز

**midoooocomm** · 21-10-2013 05:00 PM

ازيكم يا اصدقائي نمور الكيا

والله موضوع برمجة الريموت للريو 2012/2013 اتسأل عليه هنا في منتدانا المحترم بس للأسف محدش جاوب

ف أنا فكرت نعمله موضوع مستقل خصوصا بعد التزايد الملحوظ لمالكي العزيزة ريو هنا

وهبدأ بنفسي وياريت كلنا نشارك المعلومات :

1- لكي تجعل السنتر لوك يفتح باب السائق بس مش كل الابواب هنضغط على زر Lock + Unlock مع بعض لمدة 30 ثانية هتلاقي العربية عملت فلاشر 3 مرات بدون صوت
وبكده بعد كده لما تيجي تدوس على اللوك او تفتح هتفتح او هتفقل باب السائق بس.

2-وهنعيد العملية دي بالظبط هيرجع يفتح او يقفل كل الابواب مع بعض.

ياللا بقى كله اللي عنده معلومة يخش بيها حتى لو ناقصة

**الجنرال** · 22-10-2013 10:59 AM

طيب خد دي

1- لو انت نزلت ونسيت النور الواطي (تاني تكة) شغال .. لما بتقفل العربية لوك النور مش بيتقفل .. لكن دوس مرتين ورا بعض هتلاقي كل الانوار اتطفت ... واول ما تدول على الـ أن لوك هتلاقي العربية كلها نورت تانى .. شكلها بصراحة بيبقى جميل لما تدوس على الـ ان لوك وتلاقي العربية كلها نورت فجأة كده

2- ولو معرفتش توصل للعربية او الريموت مش واصله .. متخافش سيبها 30 ثانية هتلاقي العربية من نفسها قفلت النور

3- لو انت قفلت العربية (لوك من الريموت) وانت قاعد جواها وبعدين فتحت الباب علشان تنزل .. هتلاقي العربية زمرت زي الانذار بصوت الكلاكس (صوته عالي قوي الصراحة) .. ودي حاجة كويسة يعنى العربية فيها انذار

بس كده :)

**mohrefaey80** · 22-10-2013 12:42 PM

موضوع جميل جدا
متاااابع

**Mohamed said** · 22-10-2013 01:50 PM

يا جماعه هو الموضوع ده فى عربيات كيا الجديده كلها و لا الريو بس؟

**MoH.SaLaDiN** · 22-10-2013 04:59 PM

انا فعلا اكتشفت الموضوع ده طبعا بالصدفة العربية فيها انذار بس بيشغل بس فى حالى فتح الابواب على الوضع unlock وده انا تاكدت منه من الكتالوج بالنسبة للنور انا كنت فاكره فى الخليجى بس لكن انا معايا وكيل وفيها نفس الخاصية دى
انا مشكلتى كلها فى الباركنج سنسور لسه مش عارف اتعود على ابعاد العربية خالص

**الجنرال** · 23-10-2013 11:59 AM

انا عربيتي وكيل بالمناسبة مش خليجي

احنا المزايا دي كلها بنتكلم عليها فى الريو .. معرفش بصراحة هل موجودة في باقي العربيات ولا لأ

بس ممكن الناس تجرب وتقول ايه الاخبار