ليه استفسار صغير بس معكننى على الاخر العربيه لما اجى اشغل الرعاش او الاضائه العاليه بلاقى
الار بى ام بينزل يعنى مثلا لو على 9 ينزل 7 وياريت اللى يجوبنى يكون جرب الموضوع عنده فى عربيته او يسبلى رقم موبيله وشكرا ليكم
عرض للطباعة
ليه استفسار صغير بس معكننى على الاخر العربيه لما اجى اشغل الرعاش او الاضائه العاليه بلاقى
الار بى ام بينزل يعنى مثلا لو على 9 ينزل 7 وياريت اللى يجوبنى يكون جرب الموضوع عنده فى عربيته او يسبلى رقم موبيله وشكرا ليكم
الموضوع ده غريب جدا
- العربية عاملة كام كيلو ؟
- و ياريت حضرتك تروح التوكيل و تبلغهم بالمشكلة دي
فى الاغلب حضرتك ديه مشكلة بطاريه بايظه
أو كابل الارضى مش واصل صح poor connection
وفى الاغلب هايكون كابل الارضى
اللي عندك ده مش طبيعي ... روح التوكيل و هما حيظبطوها
العيب دة بيحصل بسبب الاتى وبالترتيب كدة :
1- كابل ارضى
2- بطارية
3- دينامو
اكيد في عيب كهربا ولو العربية توكيل روح ليهم على طول
بس حكاية الار بي من 9 لـ 7 غريبة شوية هو الالنترا فيها ار بي 9 اصلا اكيد غلطة مطبعية لولا الوقت كنت نزلت شفت عداد الار بي اخره كام بالظبط والطبيعي يكون الار بي في حدود 3 او 4 وانت ماشي ولو فتحت الموتور يجيب 5 اوك
ان شاء الله تطلع مشكلة هايفة زي الزملا ما رجحوا
تحياتي
الموضوع ده طبيعي في اي عربية لأن النور العالي بيعتبر من الاحمال العالية high load زي التكييف و نظام القيادة المعززة اليكترونيا power steering
عندما تكون السيارة متوقفة أو تسير بسرعة منخفضة ideal speed يكون خرج المحرك من القدرة اقل مايمكن و مايكفي فقط لتحريك السيارة و هنا عند تشغيل أي من :
- التكييف
- النور العالي
- أي حمل أخر مرتفع
يحدث سحب من تلك القدرة للمحرك فتنخفض عدد لفاته بقدر ضئيل جدا يكاد يكون غير محسوس و بشكل لحظي قبل أن تدرك وحدة الكونترول الامر و تسارع بأرسال اشارة الي المحرك لزيادة ضخ الوقود لتعويض ذلك النقص و زيادة عدد لفات المحرك للوصول الي السرعة السابقة قبل تشغيل ذلك الحمل
أما في اثناء سير السيارة بسرعات مرتفعة (عدد لفات المحرك فوق ال 3000 لفة . دقيقة) بيختلف الامر و تكون القدرة الناتجة و القدرة الكهربائية الناتجة من الدينامو أعلي من احتياجات السيارة و الاحمال المضافة فلايؤثر دخول أو خروج حمل ما علي عدد لفات المحرك
و علي ذلك لا أعتقد ان هناك مشكلة بسيارتك اخي الفاضل و هذا شئ طبيعي يحدث لسياراتنا جميعا و لكنك قوي الملاحظة و هذا شئ جيد جدا
باشا عربيتك مافيهاش حاجه و استمتع بيها ده طبيعى
ولو الموضوع مضايقك ماتروحش التوكيل مخصوص علشانه استنى فى الصيانه القادمه و بلغهم بيه
كلام المهندس سمير فعلا تمام تمام هو كده اللى بيحصل فعلا وانا حتى كلمته فى الموبيل وهوه فعلا شخصيه محترمه جدا وتقربيا ده العادى لما العربيه بتبقى واقفه ومش ماشية والف مليون شكر لكل الناس اللى فادتى باجابتها وانا عارف انى موسوس شويه فده اللى بيخلينى اسال كتير
واقف على السلانسية وشغلت أحمال ذات أمبير مرتفع هيقع حمل كبيرعلى الدينمو فى حين تقل قدرته على التعويض
وبالتالى هيحصل تحميل على محرك السيارة تؤدى الى خفض سرعته مع ذلك فى بعض السيارات الجديدة فيه وحدات كنترول تتحكم فى زيادة سرعة المحرك لمواكبة الاحمال زى حمل الباور او الانوار
فعلا يا هشام بيه كانت غلطه مطبعه قصدى 0.9 وبتنزل الى 0.7 ومتشكر للاهتمامك كلكم
الالنترا و كل العربيات حتي القديمة فيها الكلام ده و لكن التردد اللي بيحصل في عدد لفات المحرك يكاد يكون غير ملحوظ ألا لو ركزت معاه أوي لأن ده طبيعي حتي في المحركات الكبيرة و مولدات الكهرباء
هاضرب لكوا مثال صغير :
في البيت لو الانوار شغالة و فجأة دخل حمل كبير زي التكييف أو سخان كهرباء مثلا
لو ركزت و لاحظت لمبة عادية ستجد أن ضوئها بيخفت لحظيا (بيتخطف لحظي) و بترجع تاني
نفس الكلام في المولدات الكهربائية ( زي الدينامو اللي في العربية):
المولد بيطلع خرج ثابت (تردد - فولت - أمبير) اللي بيحصل وقت دخول الحمل أن التردد HZ بيتغير لحظيا يعني لو هو كان 50 HZ مثلا ممكن ينزل الي 49 HZ
اللي بيقوم باعادة التردد لوضعه الطبيعي هو ال GOVERNOR و ده بيستشعر أن فيه أنخفاض في عدد لفات المحرك فيصدر أشارة الي طلمبات حقن الوقود لزيادة كمية الوقود الداخلة الي الاسطوانات و بالتالي حرق كمية أكبر من الوقود و زيادة عدد لفات المحرك و منها زيادة التردد مرة أخري
طبعا العملية دي بتتم في أجزاء من الثانية و بتعتمد دقتها و سرعتها من محرك لأخر (حتي لو نفس نوع المحرك) علي مدي حساسية ال GOVERNOR أو مانطلق عليه ال RESPONCE )
ده باختصار كده و ارجو أني أكون قدرت أوضح لكوا الفكرة
و علي فكرة الموضوع ده بيحصل فعلا في الالنترا بس و هيا واقفة (يعني عدد لفات المحرك بيكون اقل من 1000 لفة دقيقة) و يكاد يكون غير ملحوظ , أنا أضطريت الصبح أني أتوقف لثواني و كانت العربية لسه باردة و شغلت النور العالي (الرعاش) و فعلا لاحظت حركة طفيفة جدا في عدد لفات المحرك تكاد تكون غير ملحوظة مابين ال 800 و ال 700 لفة . دقيقة يعني النقص يكاد يكون حوالي 50 لفة و يمكن أقل
بجد أحب أن أشكر صديقنا سويفي اللي نبهنا لحاجة زي دي :tumb:
و ده الفرق بين واحد بيسوق و يركز في كل حاجة في العربية وواحد تاني بيدور و يمشي و خلاص :mahf(5):
الموضوع كمان ملموس قوى لو حبيت ترفع او تنزل الإزاز بعد ما يكون
اترفع للاخر او نزل للاخر
يعنى انت وقفت بترفع الإزاز الامامى (الإتنين مع بعض مثلا) و حبيت تأكد قفله بضغطة زيادة هوب rpm يوطى بس بشكل ملحوظ
حبيت أشكر الزملاء على الشرح الوافى للموضوع
سويفي بيه العفو
انا بس جه في بالي ان العربية كانت ماشية والتسعة مقصود بيها 5 مثلا وده الي خلى بعض الزملاء في البداية - وانا منهم - يعتقدوا عيب كهربا وكابل وبطارية وكده
لكن طالما تجربة والعربية واقفة على 0.9 (ألف) يبقى كلام تاني
بس موضوع حضرتك وسواس ده عيد النظر فيه يابيه لان بالعكس - من وجهة نظري - دي دقة ملاحظة تُحسد عليها (اللهم لا حسد) وكلنا استفادنا من موضوعكم الكريم ونبادلكم الشكر
تحياتي
الموضوع ده طبيعى عالفكرة وهتلاحظه كمان لما تقفل زجاج العربية وانتا واقف
بجد مش عارف اشكر حضرتك يا هندسة على اهتمامك واعمل حسابى فى المقابلة الجاية انا معاكم و اتعرف على باقى الزملاء والاعضاء وانا فعلا كل مرة بستفاد منكم كتير فى المعلومات وتوضيح والشرح وفعلا انا كتير بركز اوى مع العربيه وبخاف عليها كانها عيل من عيالى واكتر ههههههههههههههههههه
الاخ الفاضل / سويفي
أولا .. بالنيابة عن كل مالكي الالنترا أود أن أشكرك علي تنبيهك لنا لأمور صغيرة لم نكن نلقي لها بالا و لكنها مهمة و أفادتنا جميعا
ثانيا .. نظرا لأن الموضوع يحتوي علي قدر مهم من المعلومات و ماقد يعتبره البعض مشكلة أو عيب بالسيارة فأنا أستأذنك في الطلب التالي :
- أن يتم تغيير عنوان الموضوع بما يتلائم مع محتواه الجديد
- أن يتم تثبيت الموضوع بفهرس موضوعات الالنترا md
و تقبل تحياتي