استشارة من خبراء الشارك

**just_magdy1** · 22-10-2013 12:34 AM

كنت قلت لكم أنى بدرور على جنوط الشارك ٢٠١٣ مكان الجنوط بتاعة عربيتى النهاردة واحد عرض عليا ٤ جنوط بمبلغ ٦٠٠٠ جم وقالى أخد الجنوط بتاعتك بمبلغ ٢٥٠٠ جم يعنى الفارق ٣٥٠٠ جم واعتقد مع الضغط ممكن الفرق يكون ٣٠٠٠ جم ... ايه رأيكم ؟

**saddam** · 22-10-2013 04:08 AM

صديقي المواطن
قولا واحدا ﻷ طبعا وتجيب جنط جديد على مزاجك ونيكل أي جنوط ستوك أساسا لا تساوي يتدفع بيها جنيه إلا ما ندر ولبعض أنواع السيارات وجنط لانسر الجديدة مش حاجة متقلات أساسا عشان تفكر فيها أنا لما شفت موضوعك القديم قلت المواطن حيصرفلو قول ألف جنيه في الضياع ظنا منه إنو عربيته حتطلع حلوة ولكن حضرتك إنت طلبت الرأي والمشورة وما دام فيه فلوس خرافية بتدفع في حاجة متساويش لازم نفرملك وتنزل تجيب جنوط فخمة حتى لو bbs أضعف اﻹيمان يا راجل ده أنا النهارده عربية كاملة أمريكاني مرضيتش أشتريها ب 3500 وإنت عاوز تجيب جنط إستوك وكمان حتحط الطقم بتاعك فوق البيعة قولا واحدا أنا حاسسك مش حتقتنع بكلامي وحتروح تجيبه وأنا الليلة فعلا حنام حزين
وبالتوفيق وإلى اﻷمام ومن نصر إلى نصر
ودمتم للنضال

**Eng_hatemfathy** · 22-10-2013 09:00 AM

اخى الكريم انا اشتريت طقم جنوط سبور للشارك الله يرحمها قبل ما اقرر اني ابيعها حادثة وكان الطقم كورى رائع ب 2750 جنيه وشكله تحفة بجد واشيك مليون مرة من بتاعها الاصلى -بلاش ترمى فلوسك فى الارض
انا جبته من واحد فى شارع الجزائر بالمعادى اسمه بركات وليه فروع كتيره فى القاهرة