هـــل الكلام دا صحيــح عن الميــجان !!!

السلام عليكم و رمضان كريم عليكو كلكلو .. اخش في الموضوع على طول لانه مستعجل ومحتاج مساعدتكوا و خبراكو ضروري
الموضوع اني كنت على وشك اني اشتري ميجان من التوكيل بعد ما عرفته من امكانيتها الهايله وكنت محتار بينها وبين السيفيك ومع ان معظم الناس كانت قالتلي خد السيفيك احسن , بس انا الصراحه من الاول ميال للميجان وخلاص ناوي اجيبها بس في كلام انا قريته لآحد الاعضاء في منتدى تاني خلاني رجعت افكر تاني و حبيت اعرف رايكوا يه في الكلام ده لاني حسيت من كلام العضو شاركي و العضو فرحات بخبرة جامده في العربيه دي , واي حد تاني ليه خبرة برضو ياريت مايبخلش بيها عليا وعلى كل الناس اللي هتقرا الموضوع ده , الكلام انا خدته كوبي و باست وياريت اعرف قد ايه الكلام ده مزبوط

اقتباس:

---

أحكي ايه وللا أيه بس يا رجاله دا غللي حصل وبيحصل معيا ومع غيري مايتحكيش

اولا العربية بتاكل بطاريه يعني كل تقريبا 25 ألف كيلو عاوزلك بطارية بـ 1150 جنيه (سعرها في التوكيل كده)

ثانيا ماتقدرش تعمل أي حاجه مهما كانت بسيطه برة التوكيل بمعنى أنك لو غيرت مثلا البطارية هاتلاقي وظائف كهربائية كثير ه توقفت عن العمل تماما زي الشبابيك والكاسيت مثلا
ولازم تروح التوكيل وتاخدلك دور عشان تبرمج الزجاج والكاسيت تاني

ولو غيرت تيل الفرامل بره هاتلاقي الـABS توقف عن العمل ولن يعمل إلا بعد ان تذهب إلى التوكيل (وهناك المجزرة شغاله مابترحمش)

وسيبكم بقى من ده كله العربية أدائها سيء جدا جدا جدا وماتخدش منها اداء ممتاز إلى على الطرق المفتوحة فقط
يعني في وسط المدينة العربية مخنوقة ولو شغلت التكييف يبقى أنت كده قتلت الموتور خالص وقتلت نفسك معاه لان التكييف نفسه مش هايديك هوا بارد إلا لما العربية تجري في طريق مفتوح

دا غير إن كل شوية الكومبيوتر يوقف حاجه عن العمل ومايرضاش يديها إشارة عشان تشتغل (لانه متبرمج على كده ) يعني بعد عدد من الكيلو مترات معينه (هو متبرمج عليها) مايبعتش إشارة للبوبينات إللي فوق البوجيهات مثلا العربيه تشتغل 3 بدلا من 4 وتبقى متضر تروح التوكيل وتغير البوبينه ومعاها طقم البوجيهات

ده غير أنك لو فوت ميعاد الصيانات إللي مطلوب فيها تغيير بعض الأشياء هاتلاقي العربيه مابتشتغلش معاك بطريقة مظبوطه وهاتلاقي الكومبيوتر عمال يطلعلعك لسانه قصدي راسايله كل شوية أشي رسالة تقولك Chek Box وإشي رساله تقولك Servece ورسالة تقولك معرفش أيه لحد ما تلاقي نفسك مدمن التوكيل ويحصل بينك وبين الناس هناك عِشرة ولا عشرة الجيران والأقارب

ده غير أن العربيه ادائها العام لا يتناسب أطلاقا مع شكلها الجميل وسعرها العالي

عرفتوا ليه بقى بتتباع بأقل من نص تمنها ؟

وعلى فكرة مافيش حد هاتلاقيه يقولكم الكلام ده وأستنوني أقولكم على كذا حوار دار بيني وبين اكتر من حد قابلته هناك وهاتعرفوا بنفسكوم أننا شعب مايحبش يقول على نفسه غلطان ابدا

---

اقتباس:

---

اولا العربية سحبها ضعيف داخل المدينة (يعني في الاشارات وتجميعها بطيئ في الأشارات)
ثانيا التكييف بيقتل الموتور قتلا مع سبق الأصرار والترصد http://www.<a href="http://www.nilem.../a>&#91;1].gif
ثالثا التكييف نفسه أداءه وحش جدا في الأشارات ودرجات الحرؤارة المرتفعه (الأيام الحر)
رابعا القعدة في العربيه غير مريحة على الأطلاق لان الكراسي عاليه زي كراسي الماتركس (بس في الماتركس الموضوع مقبول لان العربيه نفسها عاليه)
خامسا كل الميجان أبوابه بتطقطق
يعني طول ما أنت قاعد في الصالون تسمع صوت طقطقه ماتعرفش جايلك منين
ولما تروح التوكيل وتقولهم على صوت الطقطقه ده قبل ما تكمل كلامك تلاقيه جايبلك W40 ويرشلك في كوالين الأبواب ويوقلك أن الأقفال الموجوده فيا لابواب ليها جسم بلاستيك هو إللي بيعمل الصوت ده
وطبعا رد فعل التوكيل السريع ده بيدل على أن الشكوى عامة

في حد يا جدعان يدفع 160 ألف جنيه في عربيه أبوابها بتطقطق كل شوية ؟

---

:cuss::cuss::cuss:

هو في ايه هو بيكلم علي عربية أيه
بطارية ايه الي بتتغير كل 25 ألف وثمنها 1150 ليه بتمشي لوحدها أخي الفاضل البطارية لو باظت بتتغير في الضمان
بالنسبة لبرمحة الكاست بيدولك كود ليه لأنه فيه نضام كود لمنع سرقته فلما البطارية بتتغير بيقولك دخل الكود وده موجود في كل العربيات المحترمة وكان موجود في عربيتي السابقة وكانت فولفو مو 90
بالنسبة لموضوع abs في أحد الأعضاء غيره برة التوكيل ومفهوش مشكلة
بالنسبة لموضوع الأداء راجع التقيمات هتلاقي ان أدائها مش رياضي انما تسارعها رهيب بعد الثاني
ثم عربية ايه الي ثمنها 160 أعلي حاجة في الميجان 150 ألف معلش هبقي أكملك بكرة علشان الفجر قرب يأذن (متعمل test drive وتشوف بنفسك الأداء)

ممكن اعرف مين الى كتب الكلام دة

دية عربية غير الى عندى ولا اية ؟

موضوع البطارية دة لا تعليق

الكاسيت دة فى اى عربية جديدة بيديك كود للكاسيت علشان السرقة :( اية المشكلة فى كدة

بالنسبة للشبابيك فا انت بتحتاج ترفعهم و تنزلهم بس كدة :( اية بقى كل الكلام دة مش لازم تروح التوكيل ولا حاجة

و انت لية تغير التيل برة الضمان مع انى اشك ان ال ABS مش حيشتغل ( بتفكرنى بأشعة بتقول ان واحد غير الكاوتش برة التوكيل و الكاوتشة فرقعت علشان مش متسطبة على الكمبيوتر :) هههههههههه )

بالنسبة للأداء كل الملاك و انا منهم بقول ان ادائها مش رياضى فى الطلعة بس والله بعد ما تنقل للتانى حتلاقيها ممتازة

اقتباس:

---

دا غير إن كل شوية الكومبيوتر يوقف حاجه عن العمل ومايرضاش يديها إشارة عشان تشتغل (لانه متبرمج على كده ) يعني بعد عدد من الكيلو مترات معينه (هو متبرمج عليها) مايبعتش إشارة للبوبينات إللي فوق البوجيهات مثلا العربيه تشتغل 3 بدلا من 4 وتبقى متضر تروح التوكيل وتغير البوبينه ومعاها طقم البوجيهات

---

لا تعليق

اقتباس:

---

ده غير أنك لو فوت ميعاد الصيانات إللي مطلوب فيها تغيير بعض الأشياء هاتلاقي العربيه مابتشتغلش معاك بطريقة مظبوطه وهاتلاقي الكومبيوتر عمال يطلعلعك لسانه قصدي راسايله كل شوية أشي رسالة تقولك Chek Box وإشي رساله تقولك Servece ورسالة تقولك معرفش أيه لحد ما تلاقي نفسك مدمن التوكيل ويحصل بينك وبين الناس هناك عِشرة ولا عشرة الجيران والأقارب

---

اية الكلام دة :( يعنى ان العربية تطلعلك ان دلوقتى معاد الصيانة دة غلط ؟ انا كنت عامل تقريبا 10500 كم و انا لسة معملتش الصيانة و كان بس بيطلعلى رسالة Service و بس كدة مفيش اى حاجة تانى

اقتباس:

---

ده غير أن العربيه ادائها العام لا يتناسب أطلاقا مع شكلها الجميل وسعرها العالي

---

ازاى يعنى ادائها العام مش حلو :( و كمان سعرها عالى ؟ :( لا تعليق

اقتباس:

---

اولا العربية سحبها ضعيف داخل المدينة (يعني في الاشارات وتجميعها بطيئ في الأشارات)

---

زى ما قلت قبل كدة

اقتباس:

---

ثانيا التكييف بيقتل الموتور قتلا مع سبق الأصرار والترصد http://www.%3ca%20href=http//www.nil...%3E&#91;1].gif
ثالثا التكييف نفسه أداءه وحش جدا في الأشارات ودرجات الحرؤارة المرتفعه (الأيام الحر)

---

التكييف مش بيقتل الموتور ولا حاجة و التكييف ادائة متوسط مش ضعيف و مش قوى بس هوة حلو مش بارد الى يجيبلك بارد و تعيا ولا حر انك تموت فى العربية

اقتباس:

---

رابعا القعدة في العربيه غير مريحة على الأطلاق لان الكراسي عاليه زي كراسي الماتركس (بس في الماتركس الموضوع مقبول لان العربيه نفسها عاليه)

---

انا عاوزك تجرب تقعد فى العربية و تحكم انت + ان الكرسى بيتعدل ارتفاعة زى ما انت عاوز

اقتباس:

---

خامسا كل الميجان أبوابه بتطقطق

---

بصراحة محصلتش معانا خالص

بص حقولك حاجه
طالما عربيه كتر عليها الكلام كطده يبقي اكيد فيها حاجه
الشعب المصري برضه بيفهم
ممكن يكون الكلام اللي انت كاتبه دا جزء كبير منه صح و الباقي شويه تحابيش
لكن مش كله غلط
و الدليل تمن العربيه اللي واقع في الارض و محدش بيجبها استعمال

يا نهار اسود يا جدعان حتى الرينو اضرب ليه كدا بس دى مش هتبقى سمعة الشركة دى هتبقى سمعة فرنسا كلها مش ممكن رينو ..... اقف حائرا
اخوكم يوسف

ما هذا الهراء بحق الجحيم
انا مش هاعلق على الكلام المكتوب بالازرق ده عشان مافيهوش حاجه تستحق التعليق..بس الواضح ان الكاتب جاهل و ماعتقدش حد معاه ميجان يبقى مش عارف رسائل كمبيوتر العربية..يعني ايه كمبيوتر العربية قاله Check Box..بالذمة فيه عربية تطلب Check Box?? هو انا باملا استمارة..ولا هوا كان بيشتري وجبة ال Chicken Box ولا ايه
و بعدين ياريته كتبها صح..ده حتى مابيعرفش يكتب SERVICE..
بلا قرف ..
و في مصر بس ممكن واحد زي ده يفتح بقه و يهرتل و تجد الجاهلون من امثاله قد بدأو في تصديق ما يقوله..يا رب ارحمنا من الناس دي و خدهم و هاتلنا اي حاجة مكانهم
وال Shek Boks عليكم و رحمة الله و بركاته

د الموضوع كبير أوي :)
و واضح إن دي ناس متغازة من العربية على الأخر و أكيد أكيد قتلتلهم حد :D :D

بسم الله نبتدي التحليل و نفكر مع بعض في الأمور دي واحدة واحدة و في الأخر نطلع بالمفيد

١- البطارية :
أنا هقول مثال حصل معايا و أكيد حصل مع ناس كتير غيري، أنا طول عمري في أي عربية كانت عندنا بنجيب بطاريات سايلة و تحديداً كلوريد و إلي كان بيقولوا عليها للتصدير إلي هي كانت بيضة مش زرقا عشان بتعيش أكتر ، هي في الحقيقة كانت بتعيش من سنة و نص لسنتين و كنا بنعتبر د إنجاز مقارنةً بالنسر ولا كلوريد العادية إلي كانت بتودع بعد السنة تقريباً أو أكتر حاجة بسيطة ، لحد لم اكتشفنا من كام سنة كدة البطارية الجافة ألن نجرب أكيد هي دي الجامدة و كانت بضعف التمن لكن قالولنا تستاهل ، و فعلاً جربنا قعدت أكتر من ٣ سنين و نص مشاء الله و من ساعتها قلنا هي الفارتا الجافة و مفيش حاجة تانية غيرها و الحمد لله مشية تمام (د كل دة في عربيات غير الميجان )
طيب نترجم الكلام دة بقى لمسافات .. أنا بمشي في السنة ما بين ١٤ و ١٨ ألف كيلو نقول متوسط ١٦ ألف ، يعني السنة و نص كاام ؟؟ يعني ٢٤ ألف تقريباً و التلات سنين و نص يعملو ٥٦ ألف تقريباً (طبعاً تزيد أو تقل حسب ظروف الإستخدام )
نيجي بقى نحط الكلام دة على الميجان ، الميجان كانت بتنزل ببطارية غير الجافة الفارتا و دي مكنتش بتستحمل و كانو بيغيروها في الضمان مجاناً ، و كل واحد و استخدمه في ناس باظت منها بعد ٢٠ ألف و ناس باظت منها بعد ٣٠ ألف المهم إن التوكيل كان بيغيرها للفارتا إلي عمرها أطول ، السؤال بقى لصاحب الموضوع إلي حضرتك ناقل منه .. هل بعد كدة غير البطارية تاني ؟ بعد كام ألف ؟ ولا هي العربية حافظة كل ٢٥ ألف تقف و تقول مش ماشية ؟ ولا هي عشان عملتها مرة بقت عادة عندها و أكيد هتعملها تاني ؟
اعتذر عشان طاولة في النقطة دي بس كان لازم توضيح .

٢- تظبيط الكهربا بعد تغيير البطارية (calibration ):
الزجاج الكهربا إذا كان أوتوماتيك (يعني بدوسة واحدة يقفل لأخر و بدوسة واحدة يفتح للأخر ) لازم يكون عارف طول المشوار إلي بيمشيه يعني عارف أخر نقطة فوق و أخر نقطة تحت في الزجاج عشان ميخبطش جمد و هو طالع أو نازل ، الحكاية دي بتتعمل ازاي ؟ حضرتك بتمشي الزجاج مشوار كامل لفوء و مشوار كامل لتحت و تسجل المشوار دة على الكمبيوتر بتاع الزجاج عشان يحفظ النقاط دي ،طيب لو إتشالت البطارية .. أكيد هتتمسح النقاط دي يعني لازم يتزبط تاني و تعمل القصة تاني .
الكاست .. الكاست بتاع الميجان هو نفسه بينزل في الكليو و الميجان و اللاجونا و غيرها ،و لازم يتعرف على العربية إلي راكب فيها في الاول عشان يظبط الصوت على صالون العربية دي ، و قبل كدة بيكون فيه كود عشان منع السرقة يعني لو مش عارف الكود ميشتغلش خارج العربية دي ، برضه النقطتين دول بيتمسح لو البطارية إتفسلت و لازم يتسجلوا تاني زائد الساعة و التاريخ و محطات الراديو و تظبيط الصوت ذي ما إنت بتحبه (bass و trebles و loudness ..)

طيب الكلام إلي فوق دة أنا جبته منين ؟؟ مكتوب في الكتالوج و مكتوب تعمله ازاي .. لو حضرتك من هواة القراءة في الكتالوج هتعرف تعمل الكلام دة لوحدك لو مش بتحب يبقى ريح دماغك و روح التوكيل هيعملهالك و غالباً من غير مقابل لأن الحاجات البسيطة دي بيعملوها ببلاش بس هتتعب في المشوار مقابل انك مش هتقرأ حاجة :)

٣- تيل الفرامل :
العربية دي (و كتير من العربيات الأوروبي الجديد إلي ) بيكون فيها حساسات للتيل عشان تعرف هو إتاكل ولا لأ عشان تديك إشارة في الكمبيوتر إذا كان عايز يتغير ، الحساس دة عبارة عن وصلة بتركب في التيل و لازم لي يغير التيل يركبها بعد ما يركب التيل الجديد ، لو الصنايعي مش عارف الحكاية دي يبقى لازم التوكيل هو إلي يركبه و لو ما ركبش ال-ABS فعلاً مش هيشتغل لأنه مش هيكون عارف حالة التيل و أكيد كمان كمبيوتر العربية هيطلع رسالة إن في مشكلة ، يبقى الطبيعي في الحالة دي إن إلي يركب حاجات حساسة ذي كدة يكون التوكيل أو مكانيكي فاهم و شاطر و تكون واثق فيه ( و بعدين مش حدوتة كبيرة يعني انك تروح التوكيل هو يعني التيل بيتغير كل فين و فين )

٤- كمبيوتر العربية :
العربية دي زية ذي كل العربيات الجديدة إلي اتعملت في أخر ٥ aw ٦ سنين (سواء ياباني أو اروبي أو أمريكي .. كله ) فيها التكنولوجيا عليت قوي و أصبح حاجات كتير فيها إلكتروني ، يعني بتشتغل عن طريق حساسات و وحدات كمبيوتر ECU ، و الحاجات دي عشان الناس مش بتكون فهم فيها قوي هتلاقي الشركات إلي عاملاها بتعمل ديماً شاشة توضيح اعطال في التابلوه (إلي هو كمبيوتر اعطال ) عشان يقول المشكلة فين لأنك مش بتكون شايف إلي بيحصل جوا العربية و إلكترونياتها خصوصاً إن العربيات دلوقتي اصباح فيها حوالي ٣٠ وحدة كمبيوتر على الأقل (بتوصل إلى ٨٠ في العربيات العالية ).
المهم .. إن الشاشة دي بتقول إذا كان في حساس أو وحدة كمبتر عطلانة في العربية عشان حضرتك تعرف و تروح التوكيل يصلحها ، انما الكلام دة مش بيحصل مع الحاجات الغير إلكترونية ذي البوبينة أو الكاوتش أو الكلام دة ، و دي كانت "فتية " من صاحب الرسالة :D ، كمان الكمبيوتر دة بيعرض فقط و أؤكد فقط المشاكل مش بياخد مواقف ، يعني مش بيوقف لوحده حاجة ولا يعطل العربية ( و لو عايز نشرح الكلام دة ممكن نشرحه بالتفصيل بس دة عايز كلام كتير و أنا طولت عليك )

٥- الأبواب :
الكلام بتاع الرجل دة صحيح ١٠٠ ٪ ، فعلاً بعد فترة لاحظت العربية و أنا ماشي في حتة هادية جداً جداً إن في صوت تزييق جانبي في الباب ( و بكرر مش هتسمعه غير لو الدنيا هادية جداً و جيت عديت على عين قط ولا حاجة )، المحب افتكرت إن الكاوتش بتاع الباب نشف و هو إلي بيزيق ، و قعدت كم يوم أدور الصوت جي منين لحد ما اكتشفت إنه من الكالون لقيته ناشف فعلاً ولا عليه زيت ولا شحم ولا أي حاجة ،رحت مزيته بس مش ب WD40 لأنه هيطير و يبقى معملتش حاجة ، رحت راشش عليه الشحم الأبيض إلي بيترش سبراي (silicone grease ) و من ساعتها و هو تمام (بكرر تاني مش كل الناس هتاخد بالها من الحكاية دي لأن صوتها واطي جداً مش بيضايق بس أنا مش بحب أي حاجة في عربيتي ولا حتى بسيطة )

فاضل بقى الأداء و التكيف و دة عايز موضوع لوحده ، هكملهولك بس بعد الفاصل :) :) :)

الله يفتح عليك متألق دائما
موضوع الباب ده حصل معايا كانت تزييقه خفيفة جدا كنت بأسمعها لما أطلع مطب وده لأن عربيتي كانت معروضة في المعرض وطبعا البيان أتهرت فتح وقفل من الي كانو بيتفرجو عليها قبل ماشتريها ولما روحت الصيانة قلتلم ورشو عليه wd40 ومن وقتها مسمعتوش
أستاذي الفاضل أجيبه منين silicone grease

:sifone: :sifone: :sifone: :sifone:

بصراحة دا إللى حصلى لما قريت المشاركة و الكلام إللى إتقال إللى واضح من كلام الأستاذ إللى كاتبه إنه معندوش ميجان أصلا و عامل يفتى و خلاص او إنه فعلا عنده ميجان لكن مابيفهمش حاجة خالص فى التكنولوجيا أو فى عربيته و بيصدق كل كلمه بيقولهالو الميكانيكى التعبان إللى بيتعامل معاه أو هو فعلا معاه العربية و قرر يفتى فى أى مشكلة تقابله و يفسرها على هواه بدون علم بيها

و بصراحة بعد كلام فرحات باشا مافيش حاجة تتقال بس قلت أرد على بعض الحاجات إللى ذكرت من باب إثبات جهل المشارك

اقتباس:

---

اولا العربية بتاكل بطاريه يعني كل تقريبا 25 ألف كيلو عاوزلك بطارية بـ 1150 جنيه (سعرها في التوكيل كده)

---

الكلام دا ما بيحصلش و متهيألى ملاك الميجان هنا ممكن ياكده الكلام دا
و أكيد هو إللى بيستخسر و يروح يجيب بطاريات تعبانه
إذا كان بيستخسر يغير تيل فرامل فى التوكيل بـ 370 جم و هو جايب عربية بـ 150 الف يبقى حيروح يجيب بطارية محترمة :original:

اقتباس:

---

ثانيا ماتقدرش تعمل أي حاجه مهما كانت بسيطه برة التوكيل بمعنى أنك لو غيرت مثلا البطارية هاتلاقي وظائف كهربائية كثير ه توقفت عن العمل تماما زي الشبابيك والكاسيت مثلا
ولازم تروح التوكيل وتاخدلك دور عشان تبرمج الزجاج والكاسيت تاني

---

أولا فين يقى الحاجت الكتير إللى بتتوقف عن العمل غير الكاسيت و دا طبيعى فى عربيات كتير مش موجود فى الميجان فقط و الزجاج إللى شرحه فرحات باشا و برضه موجود فى كل العربيات يعنى الكلام فتى و خلاص :laugh6:

ثانيا : الحكاية دى مش عايزة توكيل نهائى لإن كود الكاسيت موجود فى الكتالوج و أى عيل صغير ممكن ينزله بنفسه و القصه فى الزجاج و تاخد دور إيه يابيه دا الموضوع كله مابيخدش 5 دقايق :laugh6:

اقتباس:

---

ولو غيرت تيل الفرامل بره هاتلاقي الـABS توقف عن العمل ولن يعمل إلا بعد ان تذهب إلى التوكيل

---

أظن فرحات باشا رد عليه كويس يعنى موجوده برضه فى كل العربيات إللى فيها ABS
و مش ذنب العربية إنه بيروح لميكانيكى لا يفهم يعنى إيه ABS أصلا و بيرمى العيب على العربية !!!
أنا مش فاهم واحد جايب عربية بـ 150 الف و مستخسر يروح التوكيل يغير التيل بـ 370 جم فقط
طب لاش التوكيل ياراجل إستنضف ميكانيكى محترم يكون فاهم يعنى إيه ABS و هو حيغيرهالك فى 10 دقايق

اقتباس:

---

دا غير إن كل شوية الكومبيوتر يوقف حاجه عن العمل ومايرضاش يديها إشارة عشان تشتغل (لانه متبرمج على كده ) يعني بعد عدد من الكيلو مترات معينه (هو متبرمج عليها) مايبعتش إشارة للبوبينات إللي فوق البوجيهات مثلا العربيه تشتغل 3 بدلا من 4 وتبقى متضر تروح التوكيل وتغير البوبينه ومعاها طقم البوجيهات

---

كلام فتى رسمى و يوضح إن إللى قايل الكلام دا لا يفقه شئ فى العربيات و لا الكمبيوتر و لا التكنولوجيا أصلا

طب هو ماذكرش ليه عدد كيلو مترات إللىا لكمبيوتر متبرمج عليها ليه وبهد كده يبدأ يوقف حاجات عن العمل ؟؟؟؟

و إيه هى الحاجات التانية إللى الكمبيوتر متبرمج على إنها تتغير و يبعت إشارة إنها تقف ما ذكرهاش ليه :sifone:

للأسف ما هو دا من ضمن الأسباب الرئيسية للإشاعات عن الميجان لإن واضح إن فيه بعض ملاكها لا يفقهون شيئا و بيحبوا دايما يطلقوا العنان لخيالاتهم و يبدأ يفسروا حاجات على العربية ما بتحصبش حتى لو المريخ أخترع عربيات :sifone:

هو عشان العربية غيرت كويلات تبقى خلاص وحشة و الكمبيوتر مبرمج نفسه إن كل شوية يوقف حاجات عن العمل علشان تروح التوكيل

طب ما انا أعرف واحد معاه باسات غير الكويلات بتاعة العربية قبل صيانة الـ 10 الاف تبقى الباسات وحشة و الكمبيوتر بتاعها متبرمج على إنه يغير حاجات كل 10 الاف كم على رأى صاحبنا :sifone:

اقتباس:

---

ده غير أنك لو فوت ميعاد الصيانات إللي مطلوب فيها تغيير بعض الأشياء هاتلاقي العربيه مابتشتغلش معاك بطريقة مظبوطه وهاتلاقي الكومبيوتر عمال يطلعلعك لسانه قصدي راسايله كل شوية أشي رسالة تقولك Chek Box وإشي رساله تقولك Servece ورسالة تقولك معرفش أيه لحد ما تلاقي نفسك مدمن التوكيل ويحصل بينك وبين الناس هناك عِشرة ولا عشرة الجيران والأقارب

---

هو إيه الـBox دا يا أخوانا هى العربية فيها صندوق أوبشن لازم كل شوية نشكه :sifone:

طبيعى جدا فى أى عربية فيها كمبيوتر معلومات إن الكمبيوتر يقولك Service لما تعدى الصيانة و ياترى إيه هى الرسايل التانية إللى ظهرت برضه ؟؟؟؟:laugh6:

و اضح إن البيه ماركبش عربيات قبل كده فيها كمبيوتر أعطال :sifone:

و ما معنى ما بشتغلش معاك بطريقة كويسة كلام مبهم مكمل للفتى و خلاص

بالنسبة لكلام عن السحب و التكيف دا أثبت فعلا إن البيه ماعندوش ميجان أصلا أو مش عارف يعنى إيه سحب و ياترى هو قارنها بإيه أصلا علشان يوقل عليها كده

ماشاء الله يا استاذ فرحات .. استاذ فعلا

وموضوع الكاسيت دا والزجاج
انا كان معايا استرا l, 2000 كان الموضوع دا فيها وبالعكس دا موضوع لذيذ
انا شيلت البطارية كان اول مره وبعدين ركبتها تاني لقيت اوبه الزجاج مش شغال بضغطة واحده ..
قولت ايه الخنقةدي بقى الموضوع كان بليل .. المهم روحت وكدا وبعدين الصبح نازل رايح الشغل ودوست عليه شويه لفوق وشوية لتحت وكدا لعبت فيه شويه لقيت الشباك اللى جنبي اتعدل .. قولت تمام .. المهم طلعت الشغل ولما نزل ومروح بعمل كدا لقيت فى التاني برضه اتظبط ..
وموضوع الكاسيت دا فى العربيات المحترمة كدا .. انك لازم يبقى معاك كود .. وبتكتبه يرجع زي ما كان والموضوع دا كان فى الاسترا برضه .. حد بقى يقول الاسترا وحشة !! :diablo1:

انا علي فكرة لسه مش من مالكي ميجان بس اهه بدور .. ادعولى بالله عليكم الاقي حاجة كويسة

اقتباس:

---

المشاركة الأصلية كتبت بواسطة t4r3k

وموضوع الكاسيت دا والزجاج
انا كان معايا استرا l, 2000 كان الموضوع دا فيها وبالعكس دا موضوع لذيذ
انا شيلت البطارية كان اول مره وبعدين ركبتها تاني لقيت اوبه الزجاج مش شغال بضغطة واحده ..
قولت ايه الخنقةدي بقى الموضوع كان بليل .. المهم روحت وكدا وبعدين الصبح نازل رايح الشغل ودوست عليه شويه لفوق وشوية لتحت وكدا لعبت فيه شويه لقيت الشباك اللى جنبي اتعدل .. قولت تمام .. المهم طلعت الشغل ولما نزل ومروح بعمل كدا لقيت فى التاني برضه اتظبط ..
وموضوع الكاسيت دا فى العربيات المحترمة كدا .. انك لازم يبقى معاك كود .. وبتكتبه يرجع زي ما كان والموضوع دا كان فى الاسترا برضه .. حد بقى يقول الاسترا وحشة !! :diablo1:

انا علي فكرة لسه مش من مالكي ميجان بس اهه بدور .. ادعولى بالله عليكم الاقي حاجة كويسة

---

طالما فى الأسترا يبقى مش عيب و نبقى حاجة محترمة و لو أى عربية كده تبقى محترمة
لكن لو الميجان تبقى عربية زبالة و كل حاجة فيها عايز تظبيط :laugh6:

بالنسبة لموضوع التكييف هو أقل من التويوتا في قوة الهواء الي طالع انما التبريد كويس جدا يعني أعلي سرعة فيه بين الثالثة والرابعة بتاع التويوتا وده بصراحة مش فارق معايا لأني بظبط درجة الحرارة واشغل الأوتو ولو رحعت للمنتدي هتلاقي تكييف للتكييف وانا من راي أدخل علي الرابط ده http://www.nilemotors.net/Nile/showthread.php?t=24062 وهتلاقي فيه كل الي انت عاوزه
وياريت الناس ترحم العربية دي ويبطلو فتي حرام عليكم هي مفيش غيرها في مصر تتسلو عليها مالها معقداكم ليه ارحمونا بقا

على فكره كل مالكى الميجان فى المنتدى المفروض يحطوا اللينك دا فى توقيعهم
http://www.nilemotors.net/Nile/showthread.php?t=24062

يا سيدي مش مستاهله الي مقتنع بالميجان اهلا و سهلا و الي متعقد منها ربنا يشفيه و خلاص..
الواحد بس بيستغرب من الكلام والاشاعات البلهاء الي بتتقال عليها..وبيستغرب اكتر ان فيه ناس بتصدق الكلام ده بالرغم من وضوح سذاجته..


فيه قاعدة اقتصادية اعلامية بتقول :

عندما تريد الانتشار استهدف البسطاء

اقتباس:

---

المشاركة الأصلية كتبت بواسطة Tyler_Durden

يا سيدي مش مستاهله الي مقتنع بالميجان اهلا و سهلا و الي متعقد منها ربنا يشفيه و خلاص..
الواحد بس بيستغرب من الكلام والاشاعات البلهاء الي بتتقال عليها..وبيستغرب اكتر ان فيه ناس بتصدق الكلام ده بالرغم من وضوح سذاجته..


فيه قاعدة اقتصادية اعلامية بتقول :

عندما تريد الانتشار استهدف البسطاء

---

الله ينور عليك.... انت كده جبت من الآخر.

هنفضل في دايره الـ 504 و 132 و لو تطورنا شويه اللانسر طول عمرنا :sorry:

الى الأستاذ صاحب الموضوع....

مش عارف ليه الكلام اللى حضرتك مقتبسه فكرنى بالفيلم العربى القديم اللى كان فيه واحد فى الأذاعة بيقول " الى السيد أحمد أبراهيم القاطن بدير النحاس....لا تشرب الدواء....الدواء فيه سم قاتل " :) :)

يا باشا فى حاجة من الأتنين
الراجل اللى كتب الكلام ده مساقش الميجان أصلاً وبيفتى
أو الراجل ده كان شارى عربية مقلوبة 13 مرة قبل كده على الجانب اليمين و4 مرات ونص على الجنب الشمال.

بص يا أستاذى العزيز

أنا عربيتى مو 2005 وبقالها معايا 3 سنين ونص من الزيرو وعاملة دلوقتى 79 ألف كيلو

غيرت البطارية مرة على الضمان ومرة من حوالى 5000 كم أحسبها حضرتك وقولى بتمشى كام
موضوع الزجاج و كود الكاسيت دول موجودين فى أى عربية أوروبى من فترة التسعينيات ( كان موجود فى عربيتى السابقة اللى هى فيكترا 97 )
موضوع صوت الأبواب صحيح ويتم حله بالطريقة اللى تفضل فرحات وقالها
موضوع بأه أن العربية كل فترة مترضاش تمشى الا لما تروح التوكيل............اللهم أنى صائم
بس أحب أقولك أن لو كان فى فرد واحد فى أوروبا أستنتج الموضوع ده ذى الجهبز اللى كتب الموضوع كانت كل المؤسسات اللى ليها علاقة بالعربيات قامت وفحصت ومحصت الموضوع وثبت صحة الموضوع فأنا أؤكد لحضرتك ان الكيان المسمى ب Renault
واللى رأس ماله مليارات الدولارات كان هيتم وقفه تماماً عن العمل عشان هو كمان ضد المواطنين المصريين الغلابة وبيتأمر مع الحزب أياه ضدهم

معلش كلامى كله شخرية بس مش من حضرتك والله.....ده من عالم الذرة ( بس اللى بتتشوى مش اللى بتنشطر ) اللى كان عامل دماااااااااااااااغ عالية قوى وهو بيكتب.


أستاذ حازم خضر
تحياتى ليك أولاً
أسمحلى أختلف معاك فى موضوع أن الأشاعات دى ليها أساس من الصحة وأن الشعب المصرى بيفهم
مش كل حاجة ليها أساس من الصحة يا أستاذى و كمان معظم الشعب المصرى بيفتى مش بيفهم مع أحترامى للجميع
أنا قبا ما أشترى العربية كان ليا زميل من هواة السمع.....المهم قالى بلاش دى العربية دى كانت مع واحد شغال فى موبيل والدركسيون عمل منه لوك Lock وهو ماشى و معرفش يلفه وكان على الصحراوى والعربية اتقلبت.....
من حسن حظى أن أنا عندى 3 صحابى و كمان واحد قريبى شغالين فى موبيل
وطبعاً حادثة زى دى أكيد هتكون مسمعة فى الشركة كلها و أكيد هيكون الغلبان صاحب العربية بقى معروف فى الشركة كلها ولو أسماً.
الأجابة من أصحابى و من قريب كالأتى " أحنا سمعنا عن الحادثة دى بس مفيش حد....يعرف حد...يعرف اللى عمل الحادثة و مفيش أعلان رسمى عن حاجة زى دى كما هو متبع فى مثل هذه الحالات " :) :) :)

نفس صديقى السميع قالى أن صيانة ال 60 ألف بتاعة الميجان ب 6000 جنيه.....بسأله مين قالك....قالى واحد صاحبه ....جوز بنت خالة مش عارف مين راح عمل صيانة ال60 ألف وكانت ب 6000 جم..............
ملحوظة أخيرة : العربية كانت نازلة بقالها 4 شهور بس......يعنى صاحبها المفروض كده بيمشى 15 ألف فى الشهر........يا بلاش

أسف للأطالة

ana lesa 3amel sianet el 60000 men shahr kanet be 2600 beldareba wel tromba kaman

el ostaz sa7eb el mawdoo3
ra2ii en 3eeb el megane el wa7eeed hoa se3r e3adet el bee3 fakat

هو صاحب الموضوع راح فين ؟ شكله شاف الخناقة ما بينكم خد بعضه و مشي :d
قال العربية دي بتجيب مشاكل بلاش منها :d

اقتباس:

---

المشاركة الأصلية كتبت بواسطة Amr_Moh

ana lesa 3amel sianet el 60000 men shahr kanet be 2600 beldareba wel tromba kaman

el ostaz sa7eb el mawdoo3
ra2ii en 3eeb el megane el wa7eeed hoa se3r e3adet el bee3 fakat

---

ممكن ترجمة

اقتباس:

---

المشاركة الأصلية كتبت بواسطة megane_man

ممكن ترجمة

---

ألترجمه ان هو عمل صيانه ال 6000 ودفع 2600 بتغير طرمبه الميه
و ان عيب الميجان الوحيد هو سعر اعاده بيعها

اقتباس:

---

المشاركة الأصلية كتبت بواسطة blazer

ألترجمه ان هو عمل صيانه ال 6000 ودفع 2600 بتغير طرمبه الميه
و ان عيب الميجان الوحيد هو سعر اعاده بيعها

---

صيانه ال 60000

انا مش هتكلم اقول الكلام المكتوب كله كلام فاضي ولا اي حاجة من الكلام ده كله ما شاء الله الوحوش ردوا بالكامل بس انا هقولك على تجربة شوفتها بعيني ميجان كانت موديل 2006 وجاي يغير كويل وانا كنت واقف والله العظيم اني قرفت ابص للعربية من كتر القرف اللي شوفتو فيها العربية متهانة بكل ما تعنيه الكلمة مكسرة من كل حته والراجل تقريبا كان فاكرها كارو بس نسي يشتريلها حمارين يشدوها وبعدها باقل من نص ساعه لقيت ميجان تانية داخله تعمل صيانة الخمسين عايز اقول لحضرتك انها كانت عربية بمعني الكلمة تحفة ربنا يبارك لصاحبها مفهاش خدش بساله حضرتك محافظ على العربية ازاي قالي ان والده عنده ميجان قديمة وهوا اتعلم عليها ولما اتشرى اشترى الميجان الجديدة وقالي انا بعاملها زي ما بيعامل مراته مش بيستحمل عليها الهوا.

اسف على الاطالة بس من الاخر العربية دي زيها زي اي حاجة في الدنيا حافظ عليها هتديك اللي انت عايزة وزيادة حبتين كمان لكن بهدلها ما تتوقعش انها تديك حاجة

اقتباس:

---

المشاركة الأصلية كتبت بواسطة m_moustafa800

انا مش هتكلم اقول الكلام المكتوب كله كلام فاضي ولا اي حاجة من الكلام ده كله ما شاء الله الوحوش ردوا بالكامل بس انا هقولك على تجربة شوفتها بعيني ميجان كانت موديل 2006 وجاي يغير كويل وانا كنت واقف والله العظيم اني قرفت ابص للعربية من كتر القرف اللي شوفتو فيها العربية متهانة بكل ما تعنيه الكلمة مكسرة من كل حته والراجل تقريبا كان فاكرها كارو بس نسي يشتريلها حمارين يشدوها وبعدها باقل من نص ساعه لقيت ميجان تانية داخله تعمل صيانة الخمسين عايز اقول لحضرتك انها كانت عربية بمعني الكلمة تحفة ربنا يبارك لصاحبها مفهاش خدش بساله حضرتك محافظ على العربية ازاي قالي ان والده عنده ميجان قديمة وهوا اتعلم عليها ولما اتشرى اشترى الميجان الجديدة وقالي انا بعاملها زي ما بيعامل مراته مش بيستحمل عليها الهوا.

اسف على الاطالة بس من الاخر العربية دي زيها زي اي حاجة في الدنيا حافظ عليها هتديك اللي انت عايزة وزيادة حبتين كمان لكن بهدلها ما تتوقعش انها تديك حاجة

---

تمام :):):)

أنا لما كان عندى ميجان وغيرت التيل فى الميكانيكيون العرب كنت واقف على دماغ الميكانيكى اللى بيغيرها عشان كنت ناوى اغير التيل ده بمعرفتى فيما بعد .. ولاحظت ان تغيير التيل من اسهل مايكون ولا يوجد حساسات بتركب فى التيل .. فقط بيفك مسمار تلاقى البستم بتاع الفرامل بيترفع من على الطنبور لفوق بمسمار محورى عرضى على الطنبور .. بيخلع القديم ويركب الجديد ......

كمبيوتر الاعطال لما بتعدى مسافة الصيانة الواجبه ( وده اهمال من المالك ) بيديلك علامة المفتاح البلدى بصفة متواصله للتنبيه ولا يقوم بغلق او تحديد عمل السيارة ..

البطاؤيات زى البطيخة انت وحظك .. ممكن تقعد سنة وممكن سنه ونص وممكن 3 سنوات , زى اى عربية .

اقتباس:

---

المشاركة الأصلية كتبت بواسطة د.محمود صلاح

أنا لما كان عندى ميجان وغيرت التيل فى الميكانيكيون العرب كنت واقف على دماغ الميكانيكى اللى بيغيرها عشان كنت ناوى اغير التيل ده بمعرفتى فيما بعد .. ولاحظت ان تغيير التيل من اسهل مايكون ولا يوجد حساسات بتركب فى التيل .. فقط بيفك مسمار تلاقى البستم بتاع الفرامل بيترفع من على الطنبور لفوق بمسمار محورى عرضى على الطنبور .. بيخلع القديم ويركب الجديد ......

كمبيوتر الاعطال لما بتعدى مسافة الصيانة الواجبه ( وده اهمال من المالك ) بيديلك علامة المفتاح البلدى بصفة متواصله للتنبيه ولا يقوم بغلق او تحديد عمل السيارة ..

البطاؤيات زى البطيخة انت وحظك .. ممكن تقعد سنة وممكن سنه ونص وممكن 3 سنوات , زى اى عربية .

---

إزيك يا دكتور محمود
واحشنى يا باشا

يا ترى حنشوفك فى الفطار ؟؟؟

هما مين من وحوش رينو رايح الفطار عشان نقرر هنعمل ايه؟

أنا طبعا إن شاء الله رايح :original:

كنت سامع إن أحمد عبد المقصود جاى مش عارف حيأكد و لا لأ

طيب يا شاركي ما نكلم كل الوحوش يجو واهي فرصة نفطر مع بعض ونتجمع يوم سوا كلنا ولا ايه رايك؟

أنا أتمنى فعلا ذلك
لكن ما هو الناس كلها عارفه بموضوع الفطار و محدش طلب إنه يجى

أحمد عبد المقصود أكد عليه النهاردة إنه جاى
لو أى حد عايز يجى يلحق يدفع لإن تقريبا بكره أخر ميعاد للحجز

اقتباس:

---

إزيك يا دكتور محمود
واحشنى يا باشا

يا ترى حنشوفك فى الفطار ؟؟؟

---

الحمد لله وحضراتكم واحشنى جدا وبتابعكم من عمان ... بإذن الله أنا جاى على الفطار بالإسكودا واكدت الحجز للمهندس كريم منير .. وفرحت لما عرفت ان اسمك من ضمن اللى جايين وأتمنى أن تكون معرفة خير ان شاء الله

إن شاء الله تكون معرفة خير يا دكتور

ألف شكر لكل الناس اللي ردت و رجعتلي الثقه تاني في الميجان العزيزة على قلبي ..
بكرر شكري تاني وآسف على التأخير لوجود عطل في خدمة الـ DSL عندي .

بس في نقطه بخصوص توكيل رينو , معلش انا خبرتي في المجال ده مش قوي فكنت عاوز اعرف هل الصيانه اللي بعملها كل فترة دي كن اعملها في مراكز الصيانه المعتمده زيها زي التوكيل ؟

دي حاجه والحاجه التانيه : هل المفروض اروح أعمل كل صيانه في معادها ؟ يعني اسمع ان في توكيلات بتشترط انك تيجي في ميعاد الصيانه وإلا بتحمل انا تكاليفها (لو كاان المفروض ان التوكيل يشيلها)ولا عادي ممكن افوت معاد واروح في وقت براحتي ؟

انا دلوقتي شغلي و محل اقامتى في دمياط فياترى هل في مركز خدمة معتمد هنا عشان زي ماعرف اني هحتاج اروحلها كتير ولا هتطر انزل مصر كل ماحتاج التوكيل ؟؟
ولكم جزيل الشكر وكل سنه وانتوا طيبين

العفو يا باشا وأن شاء الله متندمش على أختيارك أياً كان لأن الأقنتاع بالعربية بعد سواقتها لفترة كبيرة هو أهم حاجة

بالتسبة للصيانة ممكن تتعمل فى التوكيل أو فى أى مركز خدمة معتمد مفيش فرق

والصيانة المجانية اللى هى على الخمسات ( 5 و 15 و 25 الخ ) هى دى اللى بتكون مجانية
و أى صيانة المفروض أنها تتعمل فى معادها بس ممكن تروح بدرى شوية أو متأخر شوية بس مش كتير ........ يعنى صيانة ال 10000 كم ممكن تعملها على 9 او على 11 بس متروحش تعملها على 14 مثلاُ

فى كمان معلومة.....الصيانة المجانية لو معملتهاش العربية تخرج من الضمان لأن فى مشاكل ممكن يكتشفوها فى أولها ويلحقو الحاجة قبل ما تبوظ......ده أذا كان فى مشاكل أصلاً :)

بالنسبة لمراكز الخدمة أو التوكيل
كلم 16202 عشان تعرف أقرب مكان ليك

مفيش اشاعة بتقول انها مبنية على شاسية عجلة :d:d
هى العربية دى بتمشى ؟
بطل بقا يا شعب فتى ... مش هييجى عم بلية الميكانيكى يطلع الى ششركة رينو مطلعتهوش

و الغريب بقى إن الميجان بقالها 6 سنوات بتتباع فى أوربا بنجاح
و الغريب إنها مازلت تباع فى مصر جديدة !!

و لو الإشاعت إللى مليانة فى مصر دى حقيقة دى كانت شركة رينو قفلت أصلا أو على الأقل كانت وقفت إنتاج الميجان