الموضوع: افضل عربية تحت الـ 50

المشاركة الأصلية كتبت بواسطة amrelsaqqa

العفو يا باشا :)
هى طبعا مش لدرجة ان حاجة واربعين ما تجيبش حاجة تتركب خالص بس اللى انا استشفيته في كلامك من الاول انك بتدور على عربيات مختلفة وغاوى الركوبة الحلوة بما انك قلت هوندا وكدة ....

وواضح بردو من كلامك ان اللانوس مش عاجباك واكيد معاها الاكسنت والفيرنا ..... وهم دول اللى موجودين في الفئة دى ويمكن صعب كمان تلاقيهم دلوقتى ، العربيات النضيفة دلوقتى في الفيرنا واللانوس الكاملة هتلاقي اصحابها ماسكين فوق الـ 50

والقصد كمان ان من كذا سنة كدة كان لو معاك 42 الف تجيب هيونداى اكسنت مثلا لسة بخيرها ، موديلها ما قدمش اوى ولسة بحالتها شوية ، دلوقتى الـ 42 دول ما يجيبوش نفس العربية بعد ما اتهلكت واتاخد خيرها ، دى المشكلة للاسف

ارجع اقولك بردو ما تعقدش نفسك اكتر من اللازم ، فكر بعملية وفكر في عربيات زي الاكسنت واللانوس والفيرنا ، هم افضل شيء في الرينج ده وهيأدوا الغرض المطلوب منهم في الفترة الحالية وخصوصا اللانوس والنوبيرا لان دول اللى تقدر تقول عليهم عربيات واسعة وعائلية ، واهى تبقى فترة مؤقتة تجيب فيها عربية تكون حالة حلوة عشان ما تعطلش كتير وتصرف عليها ، وفي نفس الوقت تكون في الميزانية وبتمسك سعر عشان ما تخسرش فيها لما تيجى تبيع لحد ما ربنا يكرمك بعدها وتجيب حاجة اعلى ان شاء الله

الله يفتح عليك كلامك زي الفل ومقنع
بس اللي انا مستغرب له ان النوبيرا سعرها متفاوت يعني ممكن 2001 تلاقيها من 42 لغاية 50 وممكن 2007 تلاقيها ب 51
مش عارف سعرها في النازل ازاي وهي موديل 2007 مثلا يعني وبعدين النوبيرا غول بنزين
طيب هل قطع غيارها حنينة وتتلم بفلوس بسيطة
يعني انت شايف ان النوبيرا احسن اختيار و45 يجيبوا واحدة كويسة ومعلش هتعبك احسن موديل في النوبيرا ايه

انا زيك معايا نفس المبلغ و عندى نفس الحيرة و بعد البحث جمعت الموديلات كى وهى ف حدود ال45000
1- دايهاتسو تريوس 99 او 2000
2- سوزوكى فيتارا 98 -99
3- تويوتا كورولا 92
4- لانسر 96
5- سيفيا 99-2001
6-شوما 2001
7- ريو 2003
يا ترى اية رأىكم ف الموديلات دى