العربية ثابتة ومش بتعوم خالص
عرض للطباعة
العربية ثابتة ومش بتعوم خالص
صاحب الموضوع بيسأل عن الاوتوماتيك يا جماعة
واللوجان الاوتوماتيك فيها عمود اتزان - المانيوال هي الي مش موجودة فيها
أولا أسمح لى حضرتك أن أعلق تعليقا صغيرا أولا العربيات اللى ما نزلش فيها عمود أتزان حاجات كتيرة اللانسر بومة 1300 نيسان سنى ex و السوبر صالون فيها و الله أعلم أنا ما شفتش بنفسى
لو حضرتك بتتكلم عن أنها بتبقى ماشية على سكة طوالى و بتعوم و ده ممكن يبقى ضبط زوايا نوع كاوتش الشبابيك مفتوحة لأن ده بيعمل خلل فى مسار الهوا دى حاجة العربية أنا ملاحظ أن الناس أتغيرت فكرتها عن أتزانها لمجرد أنهم سامعوا أن العربية مافيهاش عمود أتزان , احن شعب نفسى و عاطفى و بنحكم على الأمور بنظرة عاطفية عاطفية مش يعنى حب و غرام لأ عاطفية من العاطفة و الهوى و أن من الناس دى هيجت الدنيا و قعدتها علشان الموضوع ده العربية أنا ساعات أبقى ماشى بيها ألاقى السرعة بقت 130 من غير ما أحس أذن معنى كده أن أحنا ممكن تكون أحد العوامل الكارثية فى الموضوع ده السرعة دى حاجة الحاجة الأهم طريقة مسكتنا للدريكسيون و دى مهمة جدا أغلب الشعب المصرى بيسوق بأيد واحدة طيب ليه كده ما تمسك الدريكسيون كويس جدا بأيديك الأثنين
ثانيا أنت داخل منعطف حاد أو دوران حاد بطئ السرعة شوية هدى و خلي رجليك على الفرامل لو شعرت بأى عومان هدى بالراحة و أمسك الدريكسيون كويس احنا مش سايقين لامبورجينى ولا مرسيدس أحنا سايقين عربية أقصادية بسيطة
ثالثا وده الأهم أن اللوجان أوتو فيها عمود أتزان فما تخفش أول ما تشتريها روح لأى محل بتاع كاوتش و قو لله ياعم غير لى الأربع فرد دول
أظن أنت كده تبقى بدأت مرحلة جديدة حتسوق لوجان فيها عمود أتزان و كاوتشاتها ما بتعومش و ما بتزحفش
رابعا أن حاسس أن كل مشاكل العربية دى فى الكاوتش الكاوتش سئ سئ جدا
أنا نفسى سواق محترف يسوق المانيوال و الأوتو و يقولنا هل حس بفرق فعلا فى أتزان العربية عل نفس السرعة و الموضع يكون بحيادية
يعني الواحد يشتري عربية مانيوال زيرو يغيرها كاوتش ويركبلها عمود اتزان !!!!!!!!
معلش مع احترامي الشديد لكل الاراء اللي قالت العربية بتعوم
1- خلينا نتفق ان العربية دي عربية عائلية و مش بتاعة جري و حرق
2- خلينا بردو نتفق ان الكاوتش اللي نازل فيها سئ لاقصى درجة و ده عيب في العربية بس حاجة سهل تتظبط (الفيرنا بتنزل بكاوتش نسر مصري مبيقفش و الصي اللي كاسرة ال100 الف بتنزل بكاوتش ماكسيس صيني) فده الحال في العربيات الاقتصادية
3- في بعض العربيات المانيوال بتنزل بعمود اتزان (العربية ال2010 اللي عندنا مفيهاش و عربيتي فيها) الاختلاف اللي بعمله في السواقة بدل ما باخد بعربيتي الملف على 80 باخده على 70 او 65
4- بسبب علو العربية فلو فيه تيار هواء شديد من الجنب هتلاقي العربية بتتزق يمين او شمال على حسب اتجاه الهواء (ده حص معايا في عربية امبريزا 2010 اللي هي واطية جدا و عربية رالي اساسا على مصر اسكنرية الصحراوي)
من الاخر باش افتراء على العربية و في نفس الوقت متتصوروش انكوا راكبين مرسيدس او BMW و تجروا بيها على هذا الاساس لأن لا الطرق ولا السواقين في مصر يعرفوا اداب الطريق
5- انا سافرت اسكندرية يوم الثلاثاء باخر النهار و كنت واخد الطريق تقريبا 120 علشان الهواء كان شديد و وانا راجع الخميس بليل كنت واخد الطريق 140 الى 180 بس طبعا مسافة الامان مضروبة في 10 و عيني في وسط راسي و الدريكسيون ماسكه بايدي ال2 علشان دي سرعة مفيهاش تهريج و ده اللي المفروض يتعمل مع اي عربية من اغلى واحد للسيات
نصيحتي للي بيسأل هات اللوجان و متقلقش، عيوب العربية مفيهاش عيب ميكانيكي او عفشة و كلها حاجات في التقفيل و مقدور عليها و التوكيل بيحلها لو ظهرت
التكييف بيأثر على سحبها بس بنسبة بسيطة جدا متحسش بيها الا لو انت مركز مع العربية 100%
سحب العربية زيو زي كل الاوروبي بيبقى تقيل في الاول و الثاني بس بردو مش قوي و بعد ال60 كم/ساعة تسارع العربية رهيب بمعنى الكلمة
في الاختيارات اللي قدامك البي واي دي عربية صيني انا مثقش فيها بالرغم من ان ركابها بيشكروا فيها بس انا مقتنع ان الصيني لسة قدامه شوية على ما يوصل للمستوى الكوري
الفيرنا كفايه عليها كدة + مشاكلها
الافيو مشاكلها كثير جدا و ادخل قسم شيفروليه و شوف الماسي بنفسك + منصور توكيل نيلة
الصني ممكن تفكر فيها عربية في المجمل كويسة و توكيلها كويس و فيها 2 ايرباج و abs / ebd / BA بس فيها مشكلة الكاوتش بردو و تيل الفرال بتاعها هندي خامته سيئة لسة ما غيرهوش لحد دلوقتي و خامات التابلوه اللوجان احسن منها بمراحل متطلعش برة الاختيارين دول و اي حاجة محتاجها انا تحت امرك يا باشا
بص حضرتك هو استعمال خارج بس بالافايز بتاعته الاصلي وكل حاجة
هو شاب صغير كان شغال في توكيل رينو لمدة خمس سنين وبيعمل كل حاجة في العربية من الاكصدام للاكصدام
في جروب علي النت
اللي هو ده
https://www.facebook.com/groups/loganegypt2000/
ولو حضرتك محتاج رقم تليفونه مفيش مشكلة ابعت لي علي الخاص
هو من اسكندرية وبينزل القاهرة والمحافظات يعمل صيانات كتير هناك
مش ده برازيلى أيوه أنا عارفه متشكر جدا لحضرتك على أهتمامك و ردك