الموضوع: بنفكر فى لوجان اوتوماتيك

متابع من اهل الخبرة .. واتمنى من الاستاذ جبريل بالرد لانه يعتبر اكثرنا خبره وكمان ان السياره معاه منذ زمن فبرجاء بكرر الطلب منه ويتكرم علينا ويعملنا تقرير بكل شئ عنها حتى وقتنا هذا .. وشكرا لكلمن يساهم بالرد والمشاركة
اخوكم حسن ابودنيا ... طنطا

المشاركة الأصلية كتبت بواسطة MohamedAbdalla

السلام عليكم

ياريت اعرف ايه رأى اللى معاه لوجان اوتوماتيك فى العربية
هل فيها abs ؟
هل صحيح بتتأثر مع تشغيل التكييف ؟
قطع الغيار ، هل هى متوفرة و بأسعار كويسة ؟
الوكيل ، هل معاملته كويسة ؟ من حيث حرفية العاملين ، و أسعار الصيانة ؟
هل تنصح حد انه يشتريها ، او حاجة تانية فى نفس حدود السعر ؟

ربنا يجازيكم خير

معى لوجان أتوماتيك من سنة مشيت بها أكثر من 5000 كيلو ومبسوط منها حتى الآن والحمد لله.
ليس بها abs
لم أشعر بمشكلة مع التكييف حيث قدتها فى طريق الغردقة بسرعة 150 فى شهر أغسطس ومعى أسرتى والشنط والتكييف شغال وكان يمكن أن أزيد السرعة ولكنى لست من هواة السرعة العالية.
أهم مميزاتها بالنسبة لى الثبات وارتفاعها عن الأرض فلا تشعر بالمطبات الصناعية بعكس الفيرنا مثلا التى تحتاج الى قائد ماهر للمرور فوق المطبات. الشنطة واسعة . الصالون واسع. كمبيوتر رحلات يبين معدل استهلاك الوقود و كلا من المسافة المقطوعة والوقود المستهلك بعد التزود بالوقود والمسافة المتوقعة حتى نفاذ الوقود.
أيضا وجود البلوتوث الذى يمكننى من الرد على الموبايل دون أن ألمسه وذلك عن طريق الكاسيت .
يوجد مالتى فنكشن بجوار الدركسيون يمكن منه التحكم فى الكاسيت والرد على المكالمات.
عيوبها صوت الموتور عالى بالنسبة لليابانى والكورى ولكنى تعودت عليه . الدركسيون ثقيل نسبيا ولكنه لا يضايقنى وربما هذا مقصود لزيادة الثبات.
نظرة أى شخص لهذه السيارة تعتمد على السيارة السابقة لأنه سيشعر بالفرق بالايجاب أو بالسلب.
ربنا يوفقك الى ما فيه الخير

معايا اوتو 2013 عامل بيها 13000كم كل مابتسأل عنه اقول لك خليك فى اللوجان اوتو - روعه - لكن مافيهاش abs -فيها كل المزايا وكويسه جدا جدا

بلاااااااااااش لوجان ابعد عنها نصيحة اخوية !!!
جميع اللوجان لايوجد بها عمود ميزان خااااااااااالص ده بيخلي العربية مش موزونة علي الطريق لاني اتقلبت بيها من اسبوع وانا ماشي علي 90
الكوتش سيء للغاية مع اقل ضربة فرامل بيلحس الاسفلت غير ان مشاكلها كتير وسحبها ضعيف وسعرها فوق 80000 عربية اثبتت فشلها بكل المقاييس
دي نصيحتي ليك عاوز تشتري انت حر بس لازم تركب عمود الميزان حوالي 3000 وتغير الكوتش حوالي 2000 وفي النهاية القرار ليك !!

طب احكي لنا حضرتك ايه في الافيو الجديدة والبي واي دي مميز
وايه عيوب اللوجان معاك
وايه اللي موجود في اي منهم مش موجود في التاني ؟

عمووووووووود الاتزان ياناس مش موجوووووووووووووود دي عربية حادثة وشركة مش محترمة لا تتخيل كميات شكاوي الناس بسبب عمود الاتزان وعدم وجوده انت عارف معناه اية ؟؟
اية ياجماعة في اية عربية مفهاش عمود اتزان عايزنها تبقي حلوة ازاي ؟؟؟

نيسان صني وعربيات كتير مش بينزل فيها ؟ طالما اللي مصمم العربية منزلها كده ايه المشكلة وبعدين انت قبل ما حد يعرف ان عمود الاتزان مش موجود الناس كلها كانت بتحكي بثباتها