للبيع جولف 6 موديل 2011

**maya_ahmed** · 22-10-2013 11:39 AM

العربية اولا مش بتاعتي دي بتاعة واحد اعرفه كويس وسألني ع تمنها عشان عايز يبيع لظروف ماديه بيمر بيها وقالي حالتها بالنص كده

جولف A6 2011 اسود عاملة 85000 كيلو فابريكه بره وجوه ماعدا رفرف امامي شمال وجزء بسيط ف الباب الشمال و جزء بسيط ف العتبه الشمال وده مش حادث ولا حاجه ده مره احتكاك ومرة بسبب حجر ف الطريق - العربية بسم الله ما شاء الله زيرو من جوه وبره ومن حتا تحت لما رفعتها فيما عدا الجزء اللي قولته قبل كده من بره بس وتم تصليحه و رجع زي الاول وصعب حد يطلعها بس بقول كل حاجه فيها للأمانة فقط لا غير .

معمولها سيرفس كااااااامل من شهر بس بره التوكيل في مركز الماني وكل حاجاتها الي اتغيرت الماني من سيور وفلاتر وحتا زيوت بتاعتها الفتيس 7 سرعات وكشفت عليه جوه التوكيل من اسبوع لمجرد الفحص بس والاطمئنان واتقالي من المهندس ان مفهوش اي حاجه والعربية مفهاش اي مشكلة وبحالة ممتازة وكوتشات جديدة من شهر بس وبطارية والرخصة باسم المالك وكل شهر لازم بعمل فحص ع كل حاجه فيها وبغير اي حاجه محتاجه تتغير بقطع الغيار الاصليه .

مميزات العربية

فتيس 7 سرعات ستيب ترونيك ( اللي بيقوله عليه مانيول واتوماتيك )
مالتي فانكش ف الطارة باستقبال مكالمات
شفتات سرعة في الطاره ( + ، -- )
عدادات رياضية
صندوق تخزين اسفل يسار الطارة
بور كهربي ناعم جدا
زجاج كهربي كامل لابوب بتحكم مركزي من باب السائق وفردي لكل باب مع امكانية غلق التحكم الخلفي
تكييف تلاجه ( استهلاكه بسيط جدا مع البنزين يكاد يكون لا يذكر وده بعد حسابات كتيرة ع الطريق )
كاسيت تاتش عريض مالتي ميديا 6 اسطونات وبلوتوث وميموري كارد وفاتحة aux
8 سماعات بصوت نقي جدددددددددددا
كمبيوتر رحلات كااااامل لحاسب استهلاك البنزين في كل حركة للعربية واستهلاكها الثبات في الاستخدام داخل المدينة او ع طريق سريع وحاسب معدل الكيلوات بالبنزين المتوافر بالعربية وحساب السرعه ديجيتال ومتوسط السرعه بعد كل مشوار ودرجة حرارة الزيت والعربية وابوشن كتييير جدا في الكمبيوتر ده بس ده اللي انا بستخدمة
10 ايرباج
abs ebd esp asr للفرامل
ايمبوليزر للحماية من السرقه ( متشتغلش الا بمفتاحها بس ومينفعش تطلع عليه الا ف الشركة الام ف المانيا )
ايزوفكس لحماية الاطفال في الكنبة الخلفية
2 مفتاح بريموت
اشارات في المرايه
فوجات مع امكانية فتح الفوج اوتو يمين او شمال مع حركة الدركسيون سواء يمين او شمال لزيادة الاضاءة عند الملف
امكانية غلق السيارة من الخارج فقط
مريات كهربا وتسخين في حالة الضباب
تلاجه ف التابلوه بدرجة حرارة
امكانية غلق وفتح الايرباج
كيك داون في الدواسة للشد وكده
مسند يمكن تعديله للخلف والامام وعلبة بحامل اكواب بين الكراسي
تكييف خلفي
وحامل اكواب تحت التكييف الخلفي
مساحات خلفية برشاشات
الشنطه بتفتح وتقفل مع السنتر زي اي باب وتفتح بالعلامة الخلفية
سبويلر
تنك البنزين مع السنتر
غلق الكراسي الخلفية منفرده او بشكل كامل
دوسات الجولف الاصليه
الكراسي جلد اسود
وفرش الارضيه بجلد اسود للحماية
امكانية رفع وخفض الكرسي الامامي وتعديله
امكانية تعديل الدركسيون في جميع الاتجاهات ( فوق وتحت وامام وخلف )
العربية ثبااااااات ع السرعات معرووووف عن الالماني وبخاصة الجولف لانها رياضيه
والعفشة سبورت
الجنوط 15 بطاسات مفهاش خدش

العربية بحالتها دي كده تساوي كام ؟؟
واللي عايز يشتري يبعت لي ع الخاص

**kar!m** · 22-10-2013 12:06 PM

مش فاهم هي عربية حضرتك ولا عربية حد تاني ...

المشاركة الأصلية كتبت بواسطة maya_ahmed

العربية اولا مش بتاعتي دي بتاعة واحد اعرفه كويس وسألني ع تمنها عشان عايز يبيع لظروف ماديه بيمر بيها وقالي حالتها بالنص كده

المشاركة الأصلية كتبت بواسطة maya_ahmed

السلام عليكم
كنت محتاجه مساعدة اهل الخبره في السيارات وملاقتش غير اقوا منتدي موجود ع الساحه دلوقت نايل موتورز لخبرة الاعضاء اللي فيه فحبيت انقل مشكلتي وبإذن الله واثقه اني هلاقي هنا حلها

انا معايا جولف 6 2011 وعدت 75 الف كيلو
ولسه عامللها صيانة قريب بس بره التوكيل في مركز الماني
غير كل الفلاتر والسيور بالبليه والبوجهات وتيل الفرامل ورا وقدام