الموضوع: ارجو المساعده من رجاله الميجان

انا شايف يا ديفيد العداد كتير بس اهم حاجة حالة العربية تحكم وطبعا دا هيبان لما تكشف عليها فى توكيل الجميل لرينو فى شارع النصر امام الموقف اكشف عليها هناك ولو حابب انا شغلى فى الغردقة ممكن اجى معاك او اساعدك او احتجت حاجة بالنسبة للنقطة بتاعت السفر انا من كفر الشيخ وشغلى فى الغردقة وبنزل كل شهر بسافر بالعربية ومشاء الله على الطريق ثبات وامان ومعتقدش فى عربية بسعرها فى امكانيتها فا من الناحية دى اطمن بس اهم حاجة حااااالة العربية عشان متقرفكش وتصرف عليها كتير وبالتوفيق ان شاء الله

المشاركة الأصلية كتبت بواسطة medo_molto

انا شايف يا ديفيد العداد كتير بس اهم حاجة حالة العربية تحكم وطبعا دا هيبان لما تكشف عليها فى توكيل الجميل لرينو فى شارع النصر امام الموقف اكشف عليها هناك ولو حابب انا شغلى فى الغردقة ممكن اجى معاك او اساعدك او احتجت حاجة بالنسبة للنقطة بتاعت السفر انا من كفر الشيخ وشغلى فى الغردقة وبنزل كل شهر بسافر بالعربية ومشاء الله على الطريق ثبات وامان ومعتقدش فى عربية بسعرها فى امكانيتها فا من الناحية دى اطمن بس اهم حاجة حااااالة العربية عشان متقرفكش وتصرف عليها كتير وبالتوفيق ان شاء الله

اناعارف جميل رحت كشفت علي لانسر عنده قبل كده بس ماكشفش كمبيوتر ولا اي حاجة كل اللي عمله بص علي العربيه من تحت و فوق و اخد 120 جنيه مش عارف بقي في الرينو هايعمل ايه و هايكشف كمبيوتر ولا برضوا كشف عادي ولا ايه ؟ انت اللي معاك بفتحة سقف ولا لا ؟ و الموديل اللي من غير فتحه ديه بيفرق في ايه تاني ؟
وايه اخبار الفتيس معاك ؟ حالته عامله ايه ؟
صحيح بقولك ايه انت عربيتك لونها ايه لحسن تكون هي اللي هاشوفها عشان التانيه من الغردقة برضوا هههههههههههه

المشاركة الأصلية كتبت بواسطة meggieboy

كيلومتر عالى قوى الصراحة....مهما كانت حالة العربية و مع شوارع و سواقة مصر كده أنت بتقرب على نهاية العمر الأفتراضى للعربية....

السعر عالى على الكيلومتر....مهما كان بيعمل صيانة فى مواعيدها حتحتاج تغير حاجات كتيرة بأرقام كبيرة...هتخش فى ردياتير كامل و كمبروسر تكييف و عفشة و الموتور أكيد تعب و حاجات تانية كتير.....كبالن شغالة فوق ال200 ألف كم، عامود دركسيون، أسكترا و و و خلافه.......

فى رأى الأستعمال ميزدش عن 100 ألف كحد أقصى علشان تلحق تستمع شوية بالعربية قبل ما تفتح بقها....

طبعا فى بعض الأحيان حالة العربية بتحكم و بيكون الكم معمول على الطريق السريع و لكن 215 ألف كم ده بزيادة قوى.....

ليه بس كده حرام عليك
علي فكره انت قفلتني خالص من العربيه
بس بس اخدعني قولي ممكن تكون حلوه بس اصله كمان خد بالك ديه اكيد معظمها سفر عشان العربيه ديه صاحبها شغال في الغردقة فاعتقد انه بلده مش الغردقة فابيسافر و بيروح و يجي بيها
علي العموم انا هاشوفها بليل و ابقي احكيلكم عليها و اقولكم راي ايه
بس تفتكر موتور الطبيعي بعد ال 200 ده يتعمله عمره ولا يتغير خالص انت تقصد ؟