مشكلة ركنة السيارة

**mehles** · 22-10-2013 05:23 PM

السلام عليكم
اولا كل عام وانتم جميعا بخير ........ثانيا انا مقيم فى اسكندرية وفى وسط البلد يعنى علشان الاقى ركنة للعربية باكون محظوظ ... المهم عندى ركنة امام العمارة ولكن فيه رصيف صغير ارتفاعة حوالى 15 سم ومدخل العمارة مرتفع كمان 15 سم ولما باركن بتكون العجلتين اليمين من الامام مرتفعة 30 سم ومن الخلف مرتفعة 15 اما العجلتين الشمال بيكونو على ارضية الشارع .........فما رايكم ادام الله فضلكم فى تاثير هذه الركنة على العربية؟؟؟

**sakr_skoda** · 22-10-2013 06:49 PM

عادى جدا مافيش اى مشكلة ربنا يديمها عليك نعمة ويحفظها من الزوال ....*

**saddam** · 22-10-2013 07:52 PM

صديقي المواطن
طبعا الجنب اللي مايله ناحيته العربية السوست والمساعد بتاعه والعلايات حتدوس وتبقه العربية بعد كده ناحية أوطا من ناحية وطبعا هناك حل تخفيفي وليس حل للمشكلة هو إنك يوم تبيتها عالجنب الشمال ويوم تبيتها عالجنب اليمين حتى توزع الظلم عليهم بالتساوي
أنا لسه من أسبوعين شاري عربيتي رقم 9 وهي عربية ثقيلة فصاحبها راميها عن الميكانيكي شهرين ومطلع الرصيف 3 فرد وفرده في اﻷرض والخسائر فردة كاوتش النقشة بتطرقع وبتوقع المساعد والسوست والجلب كلها داست الجنب ده العربية بقت زي المكفيه ونسأل الله الثبات
وبالتوفيق وإلى اﻷمام ومن نصر إلى نصر
ودمتم للنضال

**أحمد جودة** · 23-10-2013 11:31 AM

المشاركة الأصلية كتبت بواسطة mehles

السلام عليكم
اولا كل عام وانتم جميعا بخير ........ثانيا انا مقيم فى اسكندرية وفى وسط البلد يعنى علشان الاقى ركنة للعربية باكون محظوظ ... المهم عندى ركنة امام العمارة ولكن فيه رصيف صغير ارتفاعة حوالى 15 سم ومدخل العمارة مرتفع كمان 15 سم ولما باركن بتكون العجلتين اليمين من الامام مرتفعة 30 سم ومن الخلف مرتفعة 15 اما العجلتين الشمال بيكونو على ارضية الشارع .........فما رايكم ادام الله فضلكم فى تاثير هذه الركنة على العربية؟؟؟

دي ملاحظتي ........ من النحية النظرية مفيش مشكلة من الركنة

ومن الناحية العملية لما حضرتك تيجي خارج وعاوز تبص على الزيت وعلي منسوب المياة فى القربة هتحسبها ازاي ....... علما ان لو حضرتك دورت العربية ونزلت على الاسفلت محتاج فترة من الوقت علشان تقدر تقيس الزيت مرة تانية