صوت تزييق في الالنترا عند لف الدركسيون والضغط على الفرامل

السلام عليكم

دلوقتي معايا النترا اتوماتيك عاملة ٥٠ الف كيلو وحالتها ممتازة، ما بشتكيش من حاجة فيها الحمدلله غير صوت التزييق اللي بسمعه في حالة لف الدركسيون وانا ضاغط فرامل، ولو مش ضاغط فرامل مافيش صوت

الصوت تحسه جاي كأن فيه عمود شفت وكرونة مصديين، وطبعا العربية دي دفع امامي مافيش فيها الشافت ولا الكرونة

والغريب ان الصوت بحسه جاي من ورا مش من الفردتين قدام لان افتكرت في الاول ان فيه تراب بين التيل والطبورة، طب ليه الصوت جاي من النص الوراني للعربية مش من قدام بما ان العجلتين اللي ورا على محور ثابت مالوش علاقة بالدركسيون!!!


ياريت يكون حد قابلته المشكلة دي وحلها او اقتراحات وتسلموا :)

طب حضرتك طالما بتقول جى من ورا
وانت واقف هز العربيه من ورا من اليمين ومن اليسار
لو فيه صوت اما الكوتش بتاع المساعد مقطوع وعايز يتغيير
او العفشه ورا عايزه تتزيق بس

متابع
بس فيه حاجة فى كلامك عاوز اوضحها مش عارف هى ليها علاقة بالموضوع و لا و لأ المهم العربية من ورا ديسكات انما الطنابير اللى فى قلب الديسك دى لفرامل اليد
دى بقى كانت بتعمل معايا صوت لما اشد فرامل اليد و اكون على منحدر تروح مريحة و كأنك بتوقف نقل فى صوتها

صوت تزييق كأن في حاجة مصدية بتحك ؟!!
ده بالظبط الي انا حسيته في عربيتي الام دي وماشية 1300 كيلو بس وباحس بيه احيانا من قدام مش من ورا وخاصة ناحية العجلة الامامية شمال، باحسه والعربية واقفة أو بطيئة جدا وباحرك الدركسيون بدون فرامل والغريبة باحس بيه كمان وانا واقف لما بارفع رجلي من على الفرامل لكن وانا ماشي عادي مافيش حاجة

الغريبة قلتلهم الكلام ده في الصيانة وتابعت من الازاز عربيتي وماشفتهمش عملوا حاجة غير تغيير الزيت والفلتر وجربوا الفرامل والعربية بطيئة وقالولي كشفوا على التيل والفرامل مافيهاش حاجة ، قلت اتابع لقيته برضه بيظهر احيانا وان كانت قليلة بس باسمعه والاغرب بقى اني لقيت الايه بي اس مش شغال بعد الصيانة مع انه كان شغال قبلها!!!!
وطبعا هاروح التوكيل تاني بس لما افضى ... مشوار محترم للعبور من المعادي علشان الموضوع بتاع الايه بي اس ده لانه غايظني

افيدونا يااهل الخبرة

تحياتي

اقتباس:

---

المشاركة الأصلية كتبت بواسطة mem

طب حضرتك طالما بتقول جى من ورا
وانت واقف هز العربيه من ورا من اليمين ومن اليسار
لو فيه صوت اما الكوتش بتاع المساعد مقطوع وعايز يتغيير
او العفشه ورا عايزه تتزيق بس

---

هاعمل كده بكرة إن شاء الله وأرد عليك، يا ريت تيجي على كاوتش مساعد أو تزييت للعفشة

اقتباس:

---

المشاركة الأصلية كتبت بواسطة profimh

متابع
بس فيه حاجة فى كلامك عاوز اوضحها مش عارف هى ليها علاقة بالموضوع و لا و لأ المهم العربية من ورا ديسكات انما الطنابير اللى فى قلب الديسك دى لفرامل اليد
دى بقى كانت بتعمل معايا صوت لما اشد فرامل اليد و اكون على منحدر تروح مريحة و كأنك بتوقف نقل فى صوتها

---

بصراحة مخدتش بالي ان فيه ديسكات وطنابير، انا اعرف الطنابير بس

اتمنى اهل الخبرة يفيدونا اكتر

اقتباس:

---

المشاركة الأصلية كتبت بواسطة ultramisho

صوت تزييق كأن في حاجة مصدية بتحك ؟!!
ده بالظبط الي انا حسيته في عربيتي الام دي وماشية 1300 كيلو بس وباحس بيه احيانا من قدام مش من ورا وخاصة ناحية العجلة الامامية شمال، باحسه والعربية واقفة أو بطيئة جدا وباحرك الدركسيون بدون فرامل والغريبة باحس بيه كمان وانا واقف لما بارفع رجلي من على الفرامل لكن وانا ماشي عادي مافيش حاجة

الغريبة قلتلهم الكلام ده في الصيانة وتابعت من الازاز عربيتي وماشفتهمش عملوا حاجة غير تغيير الزيت والفلتر وجربوا الفرامل والعربية بطيئة وقالولي كشفوا على التيل والفرامل مافيهاش حاجة ، قلت اتابع لقيته برضه بيظهر احيانا وان كانت قليلة بس باسمعه والاغرب بقى اني لقيت الايه بي اس مش شغال بعد الصيانة مع انه كان شغال قبلها!!!!
وطبعا هاروح التوكيل تاني بس لما افضى ... مشوار محترم للعبور من المعادي علشان الموضوع بتاع الايه بي اس ده لانه غايظني

افيدونا يااهل الخبرة

تحياتي

---

انا اول ما جبت العربية كنت بسمع صوت كده في الدركسيون، دورت على النت لاقيت دي مشكلة شائعة في الالنترا، دورت اكتر لاقيت ان عمنا غبور بيتلكك ويقول لازم نغير هلبة الدركسيون بحالها ب٢٠ الف جنيه !!

انا رحت لعفشجي شاطر في إمبابة، مشي بعربيتي ١٠٠ متر، وقالي الصليبة المتحركة عاوزة تتغير (التوكيل بيتلكك وعاوز يغير العلبة بالصليبة)، المهم رحت لمحل مشهور اسمه الأدهم فيه كل اللي انت عاوزه، وجبت الصليبة المتحركة ب١٨٠ جنيه، ورحت ركبتها ب١٥٠ جنيه وطلب ٢ أتياش ميزان ب١٥٠ وخلصصتها وعملت زوايا ب٣٠ جنيه وربط عفشة ب٢٠ جنيه

لما طلعت الصليبة بتاعتي وحركتها بايدي (هي عبارة عن ماسورتين في بعض معمولين بوصله تليسكوبية)، لاقيت فعلا اللي انا خرجتها من عربيتي الوصلتين ما بيدخلوش في بعض بنعومة وسلاسة واللي جبتها كانت مظبوطة، وخلصت الليلة

طبعا مش ضامن ان مشكلتي هي نفس مشكلتك، انما بس بقولك تاخد بالك من صليبة الدركسيون المتحركة، لأنها تحت فوق دواسة البنزين ويمكن ده السبب انك بتحس بيه قدام شمال، عموما لو عاوز رقمه ومكان العفشجي ده قولي، هو عنده صنايع كتير وبينجز، وبصراحه حسيت كأنه دكتور في العربية، ساقها ١٠٠ متر عرف مشكلتها

اقتباس:

---

المشاركة الأصلية كتبت بواسطة mem

طب حضرتك طالما بتقول جى من ورا
وانت واقف هز العربيه من ورا من اليمين ومن اليسار
لو فيه صوت اما الكوتش بتاع المساعد مقطوع وعايز يتغيير
او العفشه ورا عايزه تتزيق بس

---

فيه حاجة حابب انبه حضرتك عليها ممكن تساعدك اكتر في تشخيص الوضع معايا، مرة وانا دايس الفرامل والعربية شغالة، ابن خالي ركب ورا فسمعت نفس الصوت برضه، ووهو بينزل من العربية وبرضه انا موقفها وهي شغالة ودايس فرامل برضه سمعت الصوت

تفتكر كده ايه؟؟

عندي نفس الصوت بسمعه ساعات بعد غسيل العربيه اعتقد احتكاك التيل بلطنبوره وطالما كلنا بنسمعه يبقي عادي

بص هو انا مش هقدر افهمك التفسير اوي
بس ما دام الصوت دا بيطلع وانت دايس فرامل بس فدا طبيعي جدا متقلقش منه خالص ودا مش عيب هي كدة :]

اقتباس:

---

المشاركة الأصلية كتبت بواسطة ashraf_ibrahim

بص هو انا مش هقدر افهمك التفسير اوي
بس ما دام الصوت دا بيطلع وانت دايس فرامل بس فدا طبيعي جدا متقلقش منه خالص ودا مش عيب هي كدة :]

---

إن شاء الله ما يكونش فيه مشكلة كبيرة، بس انا جربت عربيات تانية ومافيهاش الصوت ده

هو صوت بس يحسسك ويحسس اللي معاك انها عربية تعبانة او حالتها مش ولايد، والخوف اكتر يكون الصوت دليل على مشكلة زي ما صوت الدركسيون دليل على مشكلة الصليبة في الالنترا

وانا متأكد انه مش تراب بين التيل والطميورة ورا، عارف لو قدام كنت قولتلك ماشي وانت بتلف الدركسيون والنيل قافش في الطمبورة قدام وانت بتلف العجل فايطلع الصوت ده، انما هو جاي من الجزء اللي ورا

انا مصر اعرق ايه مشكلته وهاروح لميكانيكي على الاقل يزييتلي العفشة بالدبليو دي ٤٠، انما صوت مزعج وعالي نسبيا وليه نسيبه كده

ممكن نعرف الحل وبنلاتو تعريفة انزل بنفسي ازيت الجزء ده، او يطلع بيتغير بعشو او عشين جنيه :)

اقتباس:

---

المشاركة الأصلية كتبت بواسطة kamalshawqi

بصراحة مخدتش بالي ان فيه ديسكات وطنابير، انا اعرف الطنابير بس

اتمنى اهل الخبرة يفيدونا اكتر

---

معلش انا ليا سؤال هو الصوت بيطلع و انت واقف بس و لا انت ماشى كمان

اقتباس:

---

المشاركة الأصلية كتبت بواسطة Ashraf_Ibrahim

بص هو انا مش هقدر افهمك التفسير اوي
بس ما دام الصوت دا بيطلع وانت دايس فرامل بس فدا طبيعي جدا متقلقش منه خالص ودا مش عيب هي كدة :]

---

انا معاك فى نفس الراى والحاجه التانيه انك مدى للعربيه غيار او مديها d فالبالتى العربيه عاوزه تمشى وانته مكلبشها فلرامل فهتحس بصوت دقره او تكه ده انا شايفه عادى

اقتباس:

---

المشاركة الأصلية كتبت بواسطة profimh

معلش انا ليا سؤال هو الصوت بيطلع و انت واقف بس و لا انت ماشى كمان

---

وانا واقف بس وضاغط على الفرامل وبلف الدركسيون، والجير على الd

ولو انا ماشي وضغط ضغطة خفيفة على الفرامل ولسة العربية بتمشي ولفيت الدركسيون ما يطلعش الصوت

اقتباس:

---

المشاركة الأصلية كتبت بواسطة sewefy

انا معاك فى نفس الراى والحاجه التانيه انك مدى للعربيه غيار او مديها d فالبالتى العربيه عاوزه تمشى وانته مكلبشها فلرامل فهتحس بصوت دقره او تكه ده انا شايفه عادى

---

انا مختلف في الرأي تماما معاك، لو كده يبقي الصوت ييجي من العجلتين اللي قدام، انما بيججي ليه من ناحية النص الوراني

المفروض ان العربية عاوزة تتحرك صحيح، والمفروض انا مكلبشها، بس لما ألف الدركسيون يبقي الصوت يييجي من قدام، انما ما يجيش من ورا عشان ورا ما تأثرش بلف الدركسيون

والصوت أعلى من ان انا أطنشه، فيه محور ما عليه صدا وعاوز يتزيت، بس ايه هو؟ هو دا الكيوسشن :)

هاااا يا كبير وصلت لحاجة عندى نفس المشكلة

اقتباس:

---

المشاركة الأصلية كتبت بواسطة khaabas

هاااا يا كبير وصلت لحاجة عندى نفس المشكلة

---

لغاية دلوقتي زمايلي اللي فاهمين كويس في العربيات وميكانيكي شاطر بنتعامل معاه قال ان ده صوت عاادي وهو عبارة عن احتكاك الطنابير بالتيل

انا اللي مخالفهم في الرأي لغاية دلوقتي عشان الصت بحسه جاي من ورا، واللي جد هو ان نفس الصوت برضه بسمعه وانا نازل منحدر قدام الجراش اللي بركن فيه زي ما في اعضاء اشتكوا منه

انا يا باشا معايا الانترا 2010 من 3 ايام وانا بدوس فرامل حسيت يتزييقه وانا بدوس عليها و المووضوع ده فضل طول المشوار مش عارف ده من ايه وراح فى يومها
ده ممكن يكون ايه ؟ صوت رخم اوى وانت بتدوس على الدواس بتلاقيها بتزيق و بتعمل صوت ؟

السلام عليكم هذة اول مشاركة لية معاكو طبعا انا قرات تعليقاتكم وارائكم المختلفة لكى الكل يستفاد من خبرات بعضنا البعض وعموما لكى لا اطيل عليكم فى موضوع التزيق عند الدوس على الفرامل هذا الموضوع عادى جدا لانة موجود فى اكثر ماركات السيارات اما عن الالنترا فهو ذايد شوية وشكرا لكم

اقتباس:

---

المشاركة الأصلية كتبت بواسطة medicalist

انا يا باشا معايا الانترا 2010 من 3 ايام وانا بدوس فرامل حسيت يتزييقه وانا بدوس عليها و المووضوع ده فضل طول المشوار مش عارف ده من ايه وراح فى يومها
ده ممكن يكون ايه ؟ صوت رخم اوى وانت بتدوس على الدواس بتلاقيها بتزيق و بتعمل صوت ؟

---

مدام راح خلاص، بس السؤال، متأكد انه راح؟

الصوت ده ما بنسمعهوش طول ما انت ماشي في الطريق

ده بيتسمع لو نازل على منحدر وانت بتضغط على الفرامل وتشيل رجلك براحه عشان العربية تتحرك تاتا تاتا، او لما تكون مكلبش على الفرامل وانت بتلف الدركسيون عشان تعدل زاويتك مثلا او تخرج من باركنج

اقتباس:

---

المشاركة الأصلية كتبت بواسطة osamaaboelwfa

السلام عليكم هذة اول مشاركة لية معاكو طبعا انا قرات تعليقاتكم وارائكم المختلفة لكى الكل يستفاد من خبرات بعضنا البعض وعموما لكى لا اطيل عليكم فى موضوع التزيق عند الدوس على الفرامل هذا الموضوع عادى جدا لانة موجود فى اكثر ماركات السيارات اما عن الالنترا فهو ذايد شوية وشكرا لكم

---

كلامك لغاية دلوقتي هو الاقرب للصح، إمبارح وانا راكب جمب واحد في عربية هايونداي (بصراحة موديلها غريب شوية لما قريته ونسيته، انما هي من بره زي الماتريكس) ولاقيت نفس الصوت فيها بالظبط وعالي زي الالنترا

انما تجربتي مع النيسان تيدا ان الصوت موجود بس خفيف أوي عن التيدا

اقتباس:

---

المشاركة الأصلية كتبت بواسطة kamalshawqi

كلامك لغاية دلوقتي هو الاقرب للصح، إمبارح وانا راكب جمب واحد في عربية هايونداي (بصراحة موديلها غريب شوية لما قريته ونسيته، انما هي من بره زي الماتريكس) ولاقيت نفس الصوت فيها بالظبط وعالي زي الالنترا

انما تجربتي مع النيسان تيدا ان الصوت موجود بس خفيف أوي عن التيدا

---

عموما السيارات اليابانى صوت التزييق فيها خفيف وفى ملحوظة تانية دايما بعد غسيل السيارة فى اكثر الماركات ومنها السيارات الفخمة بتعمل كدة ولك كل الشكر