عند المارشيدير بتكتفى بالمريات الجنبية اليمين والشمال ولا بتلف نفسك لورا بحيث تشوف ضهر العربية كلو(انا شخصيا برتاع لما اللف وشى وابص ورا)
عرض للطباعة
عند المارشيدير بتكتفى بالمريات الجنبية اليمين والشمال ولا بتلف نفسك لورا بحيث تشوف ضهر العربية كلو(انا شخصيا برتاع لما اللف وشى وابص ورا)
مرااااايااات بس , أصل اول ما جبت العربيه كنت مفيم الضهر مكنتش بشوووف حاجه منه فاتعلمت على المرايه اليمين والشمال
انا جربت موضوع المريات دة حسيت انى هدشدش الفوانيس اللى ورا هههههههه
في الـ 28 بلف بضهري لأن المرايات زي عدمها ... إلى جانب إن العربية تقدر تجيب كل زواياها من غير مرايات
أما الكورولا ... مش عارف .. عاملالي مشكلة
لما أكون بركن بضهري بستخدم المرايات فقط
لكن في يوم قابلتني مشكلة ضايقتني جدا ً ... منفعش فيها المرايات ... ولا لف الجسم
كنت راكن عمودي على الرصيف ... وجنبي عربيات راكنة بردوا ...
فلما جيت أطلع عايز أعرف فيه عربيات جاية ولا لأ ... طبعا ً المرايات مش جايبة حاجة خالص ... لفيت بجسمي ... بردوا مش شايف حاجة ... استنيت شوية ... وبعدين قلت أطلع وربنا يجيب العواقف سليمة ....
بس بجد اتضايقت جدا ً لأن العربية عالية جدا ً من ورا ... والقوائم بتاعتها كبييييرة ... فالرؤية تقريبا ًبتبقى 40 % بس
محدش عنده حل للموضوع ده
مرايات يمين وشمال وفي المراية الي في النص دي اهم مرايه اول ما ترجع لازم تبص فيها
مرايات لأن الزجاج عندى مش كبير و مش بشوف كويس لما بلف ظهرى بس لازم لازم ابص فى المرايا الى فى النص
شوف هو على حسب... العادى لما أكون رايق ومش تعبان و"القنانى" تمام :) بلف جسمى لورا عشان باحس انى فعلا كاشف ومالك الطريق ورايا .... لكن لما أكون تعبان بعد يوم اجهاد طويل أو مضايق أو متعكنن من حاجة مبيبقاش فيا خلق لا ألف ولا أدور ... بيبقى عليا وعلى المرايا اللى فى الصالون مع المرايات الجانبية.. لكن باحس بردو انى مقلق وممكن تطلعلى مفاجآت على غفلة :eek_yello:
هيا بتبقا حسب نوع العربية
المرايات الجانبيه هتفيدك ودا تقريبا ف 99% من العربيات الجديدة
اما اللف دا فممكن يبقا فالعربيات القديمة
وبترجع برضو للسواق حسب مهوا اتعود على ايه
يعني انا قبل كدا جيت اركن همر h2
هنا في السعودية
قولي بقا الف وابص ورا ازاي هههههههههههههههههه
طبعا لازم بالمرايات الجانبيه
اغلبية المرايات اللي فالنص هنا بتبقا زي مراية الشماسه
محدش بيستخدمها اوي
بس انا فعلا
احيانا بلف واحيانا لأ
بتبقا على حسب العربية اللي سايقها
دايما بستعمل المرايات في معظم الاوقات.
لكن ساعات لازم ابص ورا لما اكون بركن بين عربيتين بالليل و مش شايف كويس.
افتكر اني مره كنت بدرب واحد صاخبي علي اختبار السواقه
رجعته كله بالرايات و ما بصتش بضهري و كانت عربيه 125
95 % من الوقت بشتغل بالمرايات ، لكن لو مثلا بركن والدنيا ضلمة و كمان الركنة ضيقة ، ببص شوية عشان اعرف اظبط العربية و ادخل فى الركنة صح
بالمريات او بالاحساس مش ببص ورا خالص الا لما يكون المكان ضيق قوي
انا مشيت نص كيلو للخلف على الصحراوى
وكنت بشوف بعينى للخلف مش بالمرايات
وبعد ماخلص المشوار
معرفتش ارجع رقبتى تانى للوضع الطبيعى ( علقت )
وفضلت اتالم لمدة يومين
:sorry::sorry::sorry::sorry:
انا لما برجع لورا مبلفش ضهرى و احط اديا لورا انا بكره الطريقه ديه
٩٩ ٪ بالمريات الثلاثة وممكن ١ ٪ أبص بس بصة كدة لو مش بينا الصورة
فى العربيات الجديده الرؤيه الخلفيه مش كويسه فلو بصيت و را مش هشوف كويس فى حين ان المرايات ممتازه فى مدى الرؤيه عشان كده المرايات احسن فى الحاله دى و خصوصا لو مرايات كهرباء عشان تغير و ضعها حسب الركنه و تجيب بيها الرصيف لو عايز
فى العربيات القديمه العكس .......... تبص لورا تشوف الشنطة و الدنيا بوضوح و لو حاولت تعتمد على المرايات هتلاقيه مش جايبالك الدنيا كلها
انا بعتمد على المرايات فى معظم الوقت بس حصل معايا موقف غريب اول امبارح .. كنت واقف عمودى على الرصيف ب وش العربيه و جيت برجع و بلف العربيه خبط فى الرصيف خابطه جامده جدا بس الحمد الله ربنا ستر .
ايه الى حصل ؟؟؟
بصيت فى المرايا الصالون و المرايا اليمين لقيت الرصيف بعيد و برجع على اساس المسافه ده ..... لكن مجاش فى بالى " نهائى " ان نهايه الرصيف على شكل حرف L و انا واقف بالظبط ورا الحته الى طالعه ديع و علاشان كده ماشوفتهاش فى المرايا و حتى الباركنج سينسورز منبهتنيش ان فى حاجه ورايا .... وهوب فى الرصيف انا مفهمتش انا خبط فى ايه لان فى بالى ان لسه فى 4 كتر على الاقل على الرصيف .
ملحوظه مهمه
1- ماتعتمدش بنسبه 100% على الباركنج سينسورز .
2- لازم تبص فى المرايات التلاته كويس جدا ماتكتفيش بمرايات الجنب لان ممكن يكون فى شجرا مثلا ولا عامود حديد مايبانش غير لو بصيت فى ورايا الصالون .
حسب العربية فعلا
يعنى فى الفيرنا بالمريات بس
اما فى الشاهين اغلب الاوقات بلف رقبتى عشان مرياتها زى قلتها
انا بقى فالمريات على طول التلاتة مع بعض اصل مرايات الماتريكس كبيرة ومريحة فى الرؤية
انا بقى فالمريات على طول التلاتة مع بعض اصل مرايات الماتريكس كبيرة ومريحة فى الرؤية
يوميا بخرج من شارعي 50 متر للخلف على المرايت فقط مع السنسور باركينج
مبعرفش أمشي ورا ولا أركن غير بالمرايات
واضح ان اغلب الناس بترجع على المرايات
الصح طبعا نرجع عن طريق نبص من الزجاج الخلفى وادينا اليمين خلف مسند راس الكرسى اليمين قدام
اولا المرايات مش بتديك البعد الحقيقى (يمين وشمال ومرايه الصالون)
ثانيا مرايه الصالون مش بتبينلك اى حاجة قريبه من العربيه (زى موضوع الرصيف على شكل حرف L فى المشاركات السابقه)
الرجوع عن طريق المرايات مش بيخليك تتحكم فى مسار العربيه بشكل مستقيم
الطريقه السليمة بنرجع البوضع اللى ذكرته فى اول مشاركتى مع النظر من وقت لاخر للمرايات اليمين والشمال
مرايات مرايات مرايات و ساعات ساعات لما يكون الشارع واسع و عايز ارجع حته كبير بضهري ببص لورا علي اساس مدي الرؤيه بيكون اوسع و اقدر ارجع بسرعه
لكن غير كدا مرايات علطول
ya gam3a fe3lan el parking sensor ne3ma :D
اي حد يفكر (مجرد التفكير ) انو لما يجي يرجع بظهره يبص لورا في امتحان السواقه في الامارات او مصر او كندا بيسقط في الامتحان مباشره (طبعا ده القانون المصري بس لو معاك كوسه بتعدي)
بقيه البلدان معرفش عنها ولكن ده الصح الاعتماد على التلات مرايات
لانك لما بتبص لورا مجال رؤيتك بيقل مش بيزيد زي ما ناس كتير فاهمه
انا افضل الالتفات للخلف واستخدام المرايات للدخول في الاماكن
الضيقة جداً .... ساعات في الجراج عندي بيكون في مسافة
5 سم بالكتير للدخول لما بيبقى في واحد من البهوات راكن
عربيتة صف تاني فبستخدم المرايات اثناء الرجوع للخلف للتاكد
من عدم الاصطدام بتلك السيارات .... الله يحرقها!
و الله مش ثابت علي حاجه
الاغلب المرايات
و احيانا احن للسواقه علي طريقه ال 127 فابص للخلف علي طول :)
انت متأكد من الكلام ده؟
انا قريت فى كتاب بيتكلم عن تعليم القياده العكس تمام
وعلى فكره اختبار القايده لازم المرايات عشان انت بتحاول تتفادى القراطيس اللى فى مستوى العجل وبجانب العربيه مش بتحاول تتفادى عربيه تانيه وقفه وراك
ياترى فى اخر الاختبار وانت بتركن بضهرك بتركن بالمرايه برضوا؟
اتحدى :smile:
ردود الناس جميلة وواقعية
بالنسبة لي في الشاهين 99% لازم الف وابص لأن ابعادها من ورا واضحة وسهلة جدا فغالبا مش محتاج اشوف في المرايات خالص وحتى وانا داخل الجراج بضهري
اما الياريس وما ادراك ما الياريس ! طبعا لأني متعود ع الشاهين وبسوقها يوميا لما بآجي سوق الياريس بحس بالفرق الرهيب: طبعا ماينفعش اعتمد على البص لورا لااااااااااااااااازم المرايات وخصوصا المراية اليمين هي طبعا مراياتها اكتر من ممتازة وبتقضى الغرض بس برضه الواحد بيبقى مقلق شوية وهو بيرجع بيها لورا
بالنسبة للركن في الاماكن الضيقة أو جنب رصيف يستحسن الواحد يكون بص كويس ع المكان اللي هايركن فيه ممكن وهو في العربية أو ينزل يبص (مش عيب) خصوصا لو ضلمه (انت خايف على عربيتك يبقى مش عيب)
في الياريس لو جنب رصيف ممكن انزل المراية لتحت واكشف الرصيف (كهرباء) في الشاهين عامل حاجة كده لذيذة مكلفاني جنيه ونص! لازق مراية مقعرة بتاعت البلايند سبوت (البقعة العمياء) ودي بتوريني كويس الرصيف أو الحيطة .....
اكيد برضه وانت طالع من الركنه (بضهرك) قبل ما تركب تبص وراك وتشوف حاجة بارزة – دبشة - ..... طبعا الشوارع المصرية وربنا يسترها عليكم
انا لا اثق الا فى ما اراة بعينى مباشرة علشان كدة دايما بحب الف بضهرى لورا وانا راجع خصوصا ان فى مرايات ابعدها غير حقيقية فالاضمن انك ترجع بضهرك .
الا اذا كان راجع حتة صغيرة وستريت مش فيها حورات بستخدم المرايا
مرياااااااااااااااااااااا ااات وخصوصاً لما بسوق السيارة الدبابة ( صندوق ) مفيهاش بص ولا لف بظهري
المرايات فقط
المرايات هي الأساس و خصوصا ان الجين 2 فيها حساسات للركن الخلفي
بس عموما و أنا رجع بظهري ........... بعملها بشويش وواحدة واحدة
أتأخر شوية ........ أحسن من أرزع شنطة العربية بسبب الإستعجال أو أدوس عيل صغير أو قطة أو كلب
و دايما ببص على عجل العربية قبل ما أدورها علشان كنت هادوس على قطة نايمة تحت العجلة و ربنا سترها و شوفتها في اخر لحظة
لذلك أستخدم المرايات أساسي و الرجوع واحدة واحدة حتى يتسنى لي أيضا النظر في المرايات الثلاثة
و السلام عليكم
المرايات افضل واحسن فى التحكم وخصوصا لو المرايات كهرباء ذى عندى فوق وتحت
لازم أبص ورا والف ظهرى عشان اعرف ارجع ببساطة شديدة لاننا فى مصر وماضمنش اى حد يطلعلى وانا برجع ومعتمد على المرايات بس
مرة واحدة بس وماعملتهاش تانى اعتمدت على مرايات الجنب وانا بارجع ودخلت فى عربية سيات قديمة راكنة ووش الفانوس الخلفى بتاعى والامامى بتاعه اكسروا