سرقه كاوتش و جنط في القصر العيني .. بس الحمدلله رجعوا

**Hossam_hassan4** · 22-10-2013 09:01 PM

انا هقول التجربه دي لان ناس كتير ممكن تقع مع الراجل ده فا ده زي تحذير منه

كنت وديت الجنط استعدلوا وللاسف كانت غلطه مني لاني كنت مستعجل و ماشي علي الاستبن فا سبته في ورشه مغموره علي كورنيش القصر العيني تاني ورشه بعد on the run و انت جاي من المعادي

سبته قالي تعالي خده بكره روحت قالي العربيه جايه من الورشه من مدينه نصر في الطريق لو وراك مشوار خلصه و تعالي قلتله خلاص اجي بكره لان الحظر كان قرب

جيت تاني يوم قالي نفس الكلام لو وراك مشوار خلصه و تعالي قلتله لا انا مستني العربيه و هو اصلا مبرشم و مش دريان بحاجه و كل شويه يقولي 10 دقايق

فضلت مستني ساغه مجاش نزلت زعقت شويه قالي مش انت قلت هستني خليك مستني بقي في اللحظه دي انا ايقنت انه ضرب عليهم لحد ما الحظر يقرب و يقولي هيرجع تاني ولا حاجه

كنت راكن جنبه بالظبط و فاتح قزاز العربيه جاتلي مكالمه كنسلت و قفلت الموبيل و اتكلمت و عملت نفسي ابن لواء في الداخليه و تقريبا اعلنت الحرب علي اسرائيل في المكالمه دي :D

نزلت من العربيه قلتله هروح اجيب سجاير اجي اعرف الجنط ده راح فين ... و والله دقيقتين بالظبط رجعت لاقيته قاعد علي الجنط قلتله فين العربيه اللي جابته شاورلي علي عربيه و 5 دقايق و العربيه دي كان خدها راجل عجوز و مشي و الحمد لله ركب الجنط و مدفعتش فلوس لانه تقريبا متعملش

لو الفكره دي مكانتش جاتلي معرفش كان ممكن اعمل ايه انا في منطقته و معاه العمال بتوعه و الشرطه مش هتتحرك علشان جنط !

للتاكيد علي المكان تاني ورشه تغيير كاوتش بعد on the run و انت جاي من كورنيش المعادي

**mem** · 22-10-2013 10:13 PM

جزاك الله خيرا
على التنبيه والحمد لله انها جت على اد كده

**Dr/ P.K.Sh** · 22-10-2013 10:28 PM

شكرا

**Mohamed.Hany** · 22-10-2013 10:45 PM

احذر من التعامل مع الشخص ده، انا عمرى مبزود هوا غير عند واحد معين جمب بيتي بس للاسف اليوم ده كنت بعيد عنه و العجلة اللي قدام يمين كانت مهوية شوية بسيطة.
المهم انا كنت بمون في اون زا رن اللي بعد نزلة كوبرى المعادي و اول مطلعت منها لقيت بتاع كاوتش فا قلت ازود ال4 فرد و نزلت بسرعة عشان اشوفه و هو بيزود بس كان سريع جدا و راح بسرعة جدا قالي الكاوتش ده مخروم و قالي بص اثبتلك و راح راشش مية بصابون علي مكان محدد و اللي اغرب ان المكان ده في جنب الكاوتش مش في الجزء الملامس للارض و للاسف كان خرملي الكاوتش 3 اخرام و من الجنب المفتري فقولتلو اشمعني الحتة دي بالزات اللي رشيت عليها فارتبك و قعد يتوه في الكلام ، قالي الحمه يا باشا قلتلو لا سبتو و مشيت و للاسف منفعش يتصلح عشان في الجني ولا حتي بخبور و اشتريت واحد جديد ب 750 جنيه و اتعلمت مروحش لاي حد معرفوش رغم اني بقف علي دماغه عشان الحركة دى بس كان اسرع مني و حسبي الله ونعم الوكيل فيه