تجميع لبعض حوادث السيراتو : حد عنده تفسير فى تعويم السياررة وفقد السيطرة

اولهم الحاددث بتاعى
كل ما تذكرة انى فقدت السيطرة تماما على العربية بلا سبب؟؟

http://www.nilemotors.net/Nile/38073...post3875244474

http://www.nilemotors.net/Nile/191408-2010.html


http://www.nilemotors.net/Nile/255194-a.html


http://www.nilemotors.net/Nile/333433-a.html



http://www.nilemotors.net/Nile/384971-a.html

حضرتك جايب خمس حالات لحوادث سيراتو
طب السؤال البلد فيها كام عربية سيراتو ........ اكيد كتير
وطبيعى لما تكون عربية منشرة تحس ان حوادثها كتير
انا معايا سيراتو وعارف ان فيها عيوب ........... انما الحوادث بتكون قضاء وقدر

حادثة حضرتك كانت نتيجة المرور على ظلط ورمل ودة عامل مؤثر جدا لفقد السيطرة على العربية خصوصا ان حضرتك كنت على سرعه 160 كما ذكرت

كمان الموضوع بتاع الحادث العجيب داخل ملف على سرعه 140 والله اعلم بمدى مهارة السائق علشان يدخل ملف بالسرعة دى

الموضوع الثالث عندة عجلة فرقعت كما ذكر

الموضوع الرابع الراجل كان عندة عيب فى الفرامل نتيجة خطا من الكهربائى الراجل شكر فى تماسك العربية وقال بالنص ............ رأى بقى فى اداء العربية اثناء وبعد الحادث:
- بصراحة العربية وهى بتلف على السرعة دى كانت متماسكة تماما يعنى ولا عجلة رفعت ولا مالت اوى وحسيت انها هتتقلب ولا حاجة من دى خالص
- سرعة رد فعل الايرباج بظبوطة تمام يعنى فتح قبل ما اتأثر بالخبطة بأجزاء من الثانية ولا اتأخر ولا فتح بدرى.
- الشاسيه بتعها قوى ما شاء الله ودا باين من داخل الكابينه وهى سليمة تماما والقوايم مفيهاش اى مشكلة حتى الابواب بتفتح وتقفل اكن العربية زيرو.
- المقصات طلعت سليمة والجنوط والكاوتش والعجل بيلف يمين وشمال عادى جدا مفيش مشكلة
هما بس رحلوا شوية لورا مش شدة الخبطة.
يعنى الراجل مرجعش السبب فى الحادث للعربية

والموضوع الخامس ان سبب الحادث ان السائق طلع على الرملة فى ملف على سرعه 120 ....... يعنى الحمدلله عز وجل انه لسة عايش وكمان العربية سليمة ومحصلهاش حاجة والحمدلله وكمان الراجل قال بالنص فى موضوعه ........كنت المفروض اروح اغير المساعدين اللى ورا و كسلت بقالى 3 شهور و فعلا كانت بتخلى العربيه تميل فى الملفات جامد مع انى مركب شدادات و مكنتش بتميل زى كده قبل كده بس انا اللى اهملت فى تغيير المساعدين..........

يا باشا السيراتو عربية كويسة يمكن فيها عيوب بس اى عربية فيها عيوب والكمال لله عز وجل
بس عيوبها متوصلش انها تقلب ولا تفقد السيطرة عليها بلا سبب
وكل الحوادث الى حضرتك ذكرتها كان فيها خطأ بشرى

اناشفت حدثة سيراتو علي كوبري اكتوبر 3 يوم العيد الصبح فوق رمسيس الي بيعدي رمسيس رايح علي غمرة بص يمينك هتلقي السور الحديد طاير كانت عربية سيراتو دخله فيها

وحدثة تانية بس من فترة مش كبيرة بتاع شهر او شهرين دخله المطار الي علي الدائري لقيت سيراطو نطةلوحة اعلان كبيرة ازي وصلت لي الوحة معرفش الوحة تحتيها مسلح وحديد ومرفوعة بتاع كام متر عالي لفوق
عربية زبالة بلاستك الفرنا ثبات عنها

اقتباس:

---

المشاركة الأصلية كتبت بواسطة mahmoud.69

اناشفت حدثة سيراتو علي كوبري اكتوبر 3 يوم العيد الصبح فوق رمسيس الي بيعدي رمسيس رايح علي غمرة بص يمينك هتلقي السور الحديد طاير كانت عربية سيراتو دخله فيها

وحدثة تانية بس من فترة مش كبيرة بتاع شهر او شهرين دخله المطار الي علي الدائري لقيت سيراطو نطةلوحة اعلان كبيرة ازي وصلت لي الوحة معرفش الوحة تحتيها مسلح وحديد ومرفوعة بتاع كام متر عالي لفوق
عربية زبالة بلاستك الفرنا ثبات عنها

---

عربية اية الى زبالة يا حضرة
وفيرنا اية الى اثبت من السيراتو مع احترامى لملاك الفيرنا

حضرتك معاك دايو يعنى لا فيرنا ولا سيراتو وداخل تشتم وتعيب فى العربية
كل حادث ولة ظروفة وياما عربيات المانى ويابانى وكورى عملت حوادث
دة مش معناه انها عربيات زبالة

وعموما لو عايز تعرف العربيات الزبالة ادخل على اليوتيوب وشوف تقييمات الامان والسلامة للسيراتو وللدايو
وحضرتك مبتشوفش غير حوادث السيراتو
ومبتشوفش حوادث الفيرنا والدايو

انا شوفت سيراتو مقلوبة على الدائرى بعد نزلة المحور بس مش عارف اية ملامسات الموضوع بس كتر قلبى العربية دى يخلى الواحد يقلق بس الحمد للة على كل شى كلو قسمة و نصيب

ياجماعة أستاذ AHMED12345678 بيتكلم كلامزى الفل
السيراتو ال 2010 عربية ممتازة
كانت معايا وعملت بيها حادثة شديدة برده وإتدمرت
بس ربنا جعلها سبب إنى أكون عايش
وبرده الحادثة بتاعتى سبب بشرى ..

يا استاذي الفاضل هي السيراتو بس اللي بتعوم ؟؟؟؟؟؟؟؟؟؟؟؟؟؟؟؟؟ ادخل شوف الموضوع ده

http://www.nilemotors.net/Nile/383704-a.html

ياريت نتكلم كلام موضوعي وحقيقي اي عربية ممكن تعوم لو انت غلطت وانت بتسوق

يعني متكسرش مثلاً الدريكسيون على سرعة عالية وتزعل لو العربية عامت !!!!!!!!!!!! وانت معندكش DSC او ESP يبقى الغلط من مين السواق اللي كسر الدركسيون بسرعة ولا العربية !!!!!!!!!!

يعني واحد ماشي بسرعة 160 وزعلان انه عمل حادثة طيب عايز تعمل حادثة على سرعة كاااااااااام ؟؟؟؟؟؟؟ لما توصل 200 يعني علشان تبقى مستريح ؟؟؟؟؟؟؟؟؟؟؟؟

استغفر الله ياما نشوف العجب في المصريين !!!!!!!!!!

في الغالب كلها حوادث بسبب السرعه الجامده
في طرق لاتصلح

الموضوع ده فكرنى بايام زمان بعد انتشار السيراتو بسرعة فى البلد كان الكل بيشتم فى العربية برضه وتسمع كلام غريب كانهم بيتكلمو
عن عربية انت مش راكبها ومع ذلك كانت مبيعاتها بتزيد والنتيجة واضحة بعد مرور 3 سنين من انتشارها ....كانت ايام
العربية لا يوجد فيها عيب قاتل ولا عيب خفى ولكن تحتاج لانتباهك الكامل وانت سايق ...
موضوع العومان ده حصل معايا شخصيا وكنت رايح تحت عربية نقل ولكن الحمد لله العربية لمت تانى وكان خطا فى انى دوست فرامل فجاة
لما لقيت النقل كابس عليا وجنبى نقل اصغر وانا فى النص وتردد لحظات شمال ولا يمين ....الحمد لله
وفى كل الحوادث لابد من وجود خطا بشرى اى كان نوع العربية .. ومع الطرق المصرية حدث بلا حرج
افهم عربيتك كويس ومتطلبش منها اكتر من طاقتها هترتاح ... وارجع اقول كمان وكمان السيراتو تحتاج لمعاملة خاصة .