السلام عليكم كنت عايز استفسر ليه مكتوب عن البيجو 301 ان ظبط الكاوتش بتاعها على 32 بصراحة مش مقتنع بالموضوع ده اولا العفشة بتنشف شويه و اغير كده الثبات بتاع العربية بيقل طول عمرنا عارفين ان ظبط الكاوتش لاى عربية اقصى حاجة 30 و ساعات 28 انا كنت بظبطها على 28 فى الاوبترا عشان يقلل شوية من عفشتها الناشفة يا ترى ايه الحكمة من ظبط الكاوتش بتاع البيجو على 32 و يا ترى اللى ظبطه على كده حاسس بالنقط اللى انا قلتها بخصوص الثبات و العفشة و لا ايه ؟؟؟؟؟؟؟
صديقي المواطن
أحب أقلك معلوماتك مش مظبوطة طول عمرنا وإحنه عارفين والناس القدماء كلها عارفة إن ظبط الكاوتش عامة يكون 35 ومسمعناش بالثلاثين دي إلا لما رجعنا مصر وإكتشفنا إن مش المطلوب الكفاءة ولكن المطلوب الكاوتش يقعد 30 سنة فعملوا إفتكاسات 30 و 28 وده بيخلي الفرامل فاشلة والعربية ثقيلة ومصروف البنزين يزيد حيديك طراوة مطبات نعم ولكن الكاوتش حيتاكل
والصحيح للكاوتش من 33 إلى 35 مستريح
فرملة مظبوطة وإتزان صح وتخفيف لمصرف الوقود وتقليل إحتكاك اﻹطار في اﻷرض عشان النقشة متتمسحش
وسيبك من فتاوي اﻷسطة بلية والأسطة صنقر
وبالتوفيق وإلى اﻷمام ومن نصر إلى نصر
ودمتم للنضال
الله ينور عليك :)اقتباس:
المشاركة الأصلية كتبت بواسطة saddam
كل علابيه وليها مقاس موجود علي القايم علي حسب مقاس الجنط وكل عربيه بتختلف عن التانيه عن نفسي انا كيا كارينس بظبطه علي 35 لان مكتوب كده علي القايم لاني جنط 16 ولو كنت 15 كان المفروض33 وهاكذا وسيبك من شغل الفتي
+111111111 :tumb:اقتباس:
المشاركة الأصلية كتبت بواسطة saddam
الموضوع جاى في وقته انا لسة حالا مجرب الموضوع ده
معايا 301 طبعا ، كنت مليت العجل نتروجين من فترة 3 اسابيع كدة ، الراجل كان برضه مصمم انه يعمله على 30 اقول له 32 مفيش فايدة ، قاللى هتنشف العفشة اوى ، قلت له ماشى 30 30 مش مشكلة
المهم طول الفترة اللى فاتت العربية زي الفل بس عارف احساس انك مش عامل الحاجة الاستاندرد يخليك نفسيا حاسس ان ما هو ممكن لو خليته 32 الثبات والفرامل يبقوا احسن .. . ممكن استهلاك البنزين يبقى احسن .. ( كل الحاجات دي نفسيا مش اكتر )
لحد النهاردة العربية كانت راكنة وباردة تماما ، وقريب اوى منى Fit & Fix
قلت فرصة مش هتتعوض هظبط ضغط الهوا ظبطة مثالية عشان العجل بارد تماما وبالليل كمان وفي مكان محترم ...
دخلت وزودت وخليته 32 ، المهم بعد ما ظبطت على 32 مش حاسس بفرق يذكر في نشوفية العفشة وطبعا حاسس العربية فايقة بس درجة بسيطة اوى لان برضه اولا واخيرا 32 من 30 مش هتفرق اوى خصوصا مع االننروجين ، بس اهو نفسيا الواحد يبقى مطمن اكتر وعامل الحاجة الصح ..
العامل بتاع Fit & Fix عكس الاولانى خالص ، في الاول كان بيقوللى 36 ، قلتله لا 32 ، راح قاللى افتح الباب وقام باصص على القايم بنفسه وقاللى فعلا 32
عموما المشى مع الصح واللى الصانع موصى بيه دايما بيكون افضل
لسة مغير. الكاوتش ووانا باجربه امبار الصبح لاقيت الثبات الى حد ماقليل ومافيش اى امتصاص للصدمات وحاسس بكل زلطة فى الاسفلت ..عند اول بتاع كاوتش رحتله عشان يقللى الضغط وسألته هو كان كام قاللى كان 35 ونزله ل 30 طبعا فرق السما من الارض الثبات اتحسن والعربية مسكت فى الارض والاحساس بالطريق اتعدم
ملحوظة: 30 و 28 مش فتى الاسطى بلية لكنه الموصى به من المصنع ومكتوب عالقايم بتاع العربية
غير كدة طرق مصر وطريقة الرصف تجبرك على ضغط معين عشان تمتص الصدمة وماتحسش بسوء رصف الطريق
اعتقد انها مش حاتفرق 30 من 32 فى نشوفية العفشة او الفرامل صح و لا ايه للى جرب ؟؟؟؟؟؟؟
اه مش فارقة بصراحة بس لسة ما جربتش على الطريق بالنسبة للفرامل وفي حتت مكسرة بالنسبة للعفشة
والله هو اللى مكتوب على القايم 32 ورا و قدام، ودة اللى أنا مستغربة عشان انا متعود ان قدام أكتر من ورا، انا كان الميجان بظبطها على 32 قدام و 29 ورا و دة كان الfactory recommendations، انا اللى بفكر فية فعلا أنى اعمل كدة برضة و اققلة ورا بس فى ال301 ل 30، عشان ازود الstability شوية و مش مهم اوى موضوع زيادة استهلاك البنزين دى، ياريت بقى حد من الخبراء يشور عليا لو دة صح و لا غلط؟ و زى ما قلت مش مشكلة البنزين و زيادة تآكل الكاوتش حاجة بسيطة، بس اهم حاجة الstability عشان انا سواقتى سريعة و عنيفة شويةاقتباس:
المشاركة الأصلية كتبت بواسطة m.basha
انا كمان بفكر في كدة بس مش عارف ايه الصحاقتباس:
المشاركة الأصلية كتبت بواسطة medori