الموضوع: محتاجة نصيحتكم وخبراتكم فولكس بوينتر 2004

دة جزء من مشاركة مكتوبة عن العربية

مميزات و اوبشنز السياره
-------------------------------

العربيه من الوهله الاولى تحس فيها بالفخامه

العربيه مكونات المانيه بالكامل و تقفيل فى البرازيل

4 باب

مفيش منها اوتوماتيك

اللى موجود منها مانوال 5 سرعات
موتور 1600 سىسى
96 حصان
8 صمام
4 اسطوانات
الفرامل الخلفيه طنابير و الاماميه اقراص



تكيف
باور
سنتر
4 زجاج كهرباء
وحدات رفع
كاسيت عادى
انذار
جنوط مقاس 14
سعة خزان الوقود 51 لتر

و بالنسبه للاستهلاك :
داخل البلد : 170 كم / صفيحة
خارج البلد : 245 كم/ صفيحة

---------------------------

لمبة ستوب خلفيه
قفل مركزى للابواب عند سرعه معينه



الابعاد
--------------------

الطول : 3931مم
العرض : 1651 مم
الارتفاع : 1414 مم
الوزن 1000 كجم

العربيه موتورها جبار و عموما العربيه ممتازه الصراحه

--------------------------------

عيوب السياره
---------------------

العربيه انتشارها فى الشوارع الى حد ما ضعيف نسبيا مقارنه بعربيات تانيه اخرى

قطع غيار نادره جدا و لو لاقيتها هتبقى غاليه


سعر اعادة البيع بيقل

العربيه كانت فى حدود 70 الف تقريبا

دلوقتى الاستعمال فى حدود 45 - 50 الف جنيه مصرى

لكن غير كده الصراحه عربيه و لا كلمه عليها

الشكر موصول لصاحب الموضوع

المشاركة الأصلية كتبت بواسطة manar mohamed

عيوب السياره
---------------------

* العربيه انتشارها فى الشوارع الى حد ما ضعيف نسبيا مقارنه بعربيات تانيه اخرى

* قطع غيار نادره جدا و لو لاقيتها هتبقى غاليه


* سعر اعادة البيع بيقل
بجد شكراااااااااااا جدااااااااااااااا على المعلومات دى كلها وبالنسبة للعيوب بقى
الانتشار ده اكيد مش هيخلينى اصلحها عند اى حد

طبعا مش عند أى حد بس أنا بسمع عن ناس بتشتغل فى الالماني بس
زي البي ام دابليو والجولف والفولكس بصفة عامة وبردو دي عيب فيها

لنقطع التانيه دى بقى هى اهم حاجه عندى خصوصا انهخا اول سيارة ليا ودى نقطه خايفة منها جدااااا وكانت سبب انى مجبش عربية او اتنين قبل كده

اكيد طبعا قطع الغيار دي حاجة مهمة جدا ولو حضرتك تلاجظي حاجة مقابل حاجة العربية ماشاء الله فخمة جدا وسعرها قليل ودة راجع لقلة انتشارها وقلة قطع غيارها

النقطه التالته الخاصه بسعر اعاده البيع كل العربيات بترخص مش مهمه دى اوى

بالعكس أختلف مع حضرتك العربية مش فكرة رخص تمنها فى اعادة البيع فقط ........ المشكلة أنها تقيلة فى البيع يعني ممكن تاخد وقت طويل فى بيعها .... ودة عيب كماان


انا كل اللى يهمنى قطع الغيار وسعرها والشغل فيها هعرف اتعامل ولا لا
وسعر السيارة اللى انا لقيتها دى كويس ولا لا ؟؟؟

بصراحة بالنسبة للاسعار مش عارف بس اللى بلاحظة الايام دي العربيات سعرها عالي شوية مش عارف اية السبب

وشكرااااااااااا جزيلا

لاشكر على واجب تحت امر حضرتك وتحت امر كل الاعضاء

واكيد فى خبرات هنا فى القسم تقدر تفيدك أكتر

حبيت اشارك واساعد بقدر ما أستطيع

المشاركة الأصلية كتبت بواسطة bebo_bebo61

السلام عليكم
نصيحتى لحضرتك اذا كنتى ناويه تشتريها فعلا لازم لازم تعملى فحص فى التوكيل وما تستغليش تمن الفحص مهما كان لانه هيوفر عليكى كتييير

انا للاسف اشتريت عربيه بوينتر موديل 2005 1000 سى سى الشكل القديم من حوالى شهر ونص وطبعا عملتلها فحص بيع شامل فى احدى البنزينات وكانت الحاله ممتازه باستثناء التكييف كان عاوز يتشحن بس

وبعد ما اشتريتها وديتها التوكيل ( لانى بثق فى شغل التوكيلات ) علشان اغير السيور والبوجيهات والزيوت وكانت المفاجأه كالآتى :
تكلفه تغيير الزيوت والفلاتر والصيانه 1600 جنيه
تكلفه تغيير السيور والبلى 3500 جنيه

والمشكله بعد كده اثناء الشغل اكتشفوا حاجات كتييير ما كانتش باينه انها بايظه ( على الرغم ان العربيه كانت ممتازه وسافرت بيها كمان )
زى :
قاعده كمبوريسور 1800 جنيه
رشاشات ومسطره رشاشات 6000 جنيه

يعنى الاجمالى الى الان 13000 جنيه ولسه كمان العربيه ماخلصتش لحد دلوقتى

بجد لو حضرتك مش هاتعملى فحص فى التوكيل يبقى ابعدى عنها خااااالص حتى لو حالتها ممتازه لانها بجد ممكن تكرهك فى كل المستعمل بما انها اول عربيه لحضرتك
.. واسف جدا على الاطاله واى استفسار انا فى الخدمه ..

لا حول ولا قوة إلا بالله

تكلفه تغيير الزيوت والفلاتر والصيانه 1600 جنيه
تكلفه تغيير السيور والبلى 3500 جنيه
قاعده كمبوريسور 1800 جنيه
رشاشات ومسطره رشاشات 6000 جنيه

بما أن حضرتك فى التوكيل اكيد هتكون الاسعار مبالغ فيها

بس لو كان دي الاسعار فى اي مكان أو حتس قريبة منها
يبقي بلاش منها احسن ولو ع الماركة والاسم والشكل أجيب سكودا اوكتافيا
اعتقد هتكون افضل من العربية دي مع توافر قطع غيارها ورخصها بالنسبة للارقام الفظيعة دي

تحياتي