مقارنة بين تجهيزات سيراتو sx وكيل و النترا فولى لودد وكيل
دى مقارنه كنت عملتها قبل كده فى قسم كيا بين تجهيزات سيراتو sx وكيل و النترا فولى لودد وكيل الاتنين نفس السعر
فى شواية تجهيزات فى السيراتو زيادة عن الالنترا, هى حجات بسيطة و مش بينا و حبيت اوضحها بحكم ان كل واحدة منهم دلوقتى مع صديق ليا لانى بصراحة فليت العربيتين لانى ناوى على واحده منهم قريب ان شاء الله و الفلوينس كمان فى الحسابات :tumb: بشكلها الجديد التحفة و خامتها الممتازة
الالنترا تزيد عن السيراتو sx وكيل:
- فرش جلد للكراسى و البيبان
- تكييف تتش بشاشة مع امكانية تحكم مزدوجة لكل جنب على حده
- جنوط 16 (عمليا اكتر من الجنوط ال 17)
السيراتو تزيد ( جميع التالى غير موجود فى الالنترا فوللى لودد وكيل)
- جنوط 17 شكلها جميل جدا ( الجنط 17 عيوبة اكتر من مميزاته و بكده يعتبر عيب مش ميزه)
- سنسور امامى مع امكانية التحكم في فتحة و اغلاقة بزرار
- فوانيس ليد اماميه متحركة + عدسات ( ميزاتهم شكلهم رائع و انوارهم بالصبح و بالليل جمال جدا و عيبهم سعرهم غالى جدا مقارنتا بسعر فوانيس الالنترا العاديا - ميزة و عيب فى نفس الوقت :fun_36_3_4[1]:)
- فوانيس ليد خلفى ( نفس الكلام )
- تحكم فى Power steering - normal - comfort - sport
- كمبيوتر العربية متطور عن اللى موجود فى الالنترا و يمكن التحكم منه فى طريقة غلق و فتح الابواب و خاصية الترحيب بالانوار و مواعيد الصيانة و الاضاءة و حجات تانيا مش عارفها
- السيراتو فيها الاوكر و المرايات بتنور من اسفل ( خاصية الترحيب لما تقرب من العربية تلاقى المرايات نورت و اتفتحت و ممكن تتحكم فى الخاصية دى من كمبيوتر العربية - حاجة دلع كده) كمان المرايات الجانبيا باضاءة ليدات مقابل مرايات باضاءة عاديا فى الالنترا (ميزة و عيب لان اكيد سعرها اغلى)
- شفتات فى التارة لنقلات الفتيس من خلال التارة
- فتحات تكييف خلفى
- لما يكون فى باب مفتوح بتقولك انهى باب المفتوح و تنبهك حتى لما يكون السقف مفتوح الالنترا مش بتعرفك انهى باب اللى مفتوح كمان انذار لتنبية ربط الحزام لما السيارة تصل سرعة 20 كم ... الالنترا انذار 5 ثوانى و تسكت بغض النظر انت رابط الحزام ولا لا ( حاجة ذى العربيات الصينى كدة :eek: )
- زراير بلوتوث فى التارة و يمكن ربط 5 موبيلات و نقل الكونتاكتس من موبيلك للعربية علشان لما حد يتصل بيك تقولك اسمة ( مش رد و خلاص ذى الالنترا من الكاسيت ) كمان كاسيت السيارة الاصلى من كيا مقابل كاسيت الالنترا غابور بيركبوا فى العربية و مش الاصلى بتاعها كمان ممكن تشغل اغانى الموبيل على cd السيارة عن طريق البلوتوث فى السيراتو و الالنترا لا
- زرار زجاج السائق و الراكب الامامى اللى جنب السواق اتو و زرار السائق الجانبى اتو... اما الالنترا زجاج السائق فقط
- السنتر بيقفل اتوماتيك عند تحرك السيارة او ابطال السيارة مع امكانية التحكم فى موعد الفتح و الاغلاق عن طريق كمبيوتر العربية, الالنترا لازم تقفل السنتر و تفتحوا مانيوال. ( مش بقولكم صينى يا جدعان :tumb:)
- ثلاجة فى تابلو السيارة ( مش عارف ايه فيدتها بصراحة :Ka_che1[1]: )
- كرس السائق فية زرارا كهرباء فى الجنب لتعديل ظهر الكرسى كهربائيا (حاجة دلع و ملوش لازما :mahf(5): بس اهو اوبشن زيادة للناس اللى عندهم مشاكل فى الضهر )
- فتحة شكمان نيكل و دفيوزر ذى اللى موجودين فى الالنترا الكوبية :eek:
- تقفيل السيراتو افضل من الالنترا علس سبيل المثال فتيس السيراتو جلد طبيعى - كابوت السيراتو مبطن الالنترا مش مبطن - نواكل فى اوكر البيبان الداخليا و الخارجيا و حوالين الزجاج و حوالين الكاسيت - ظهر الكنبة اللى بيتحط فى السماعات فى بعض العربيات مبطن مقابل بلاستيك فى الالنترا - و ....
طبعا واضح ان تجهيزات السيراتو اكتر بس بردة شكل الالنترا اجمل شويا فى نظرى من السيراتو بالفوانيس العاديه اما السيراتو ال sx الفوانيس الليدات فيها بتعمل شغل جامد جدا بالليل و بتخلى شكلها رهيب و احلى بكتير من الالنترا و عموما الشكل فى النهايه اذواق, كمان اسعار قطع الغيار ذى بعض ما عدا اسعار الفوانيس الليد الامامية و الخلفيه فى السيراتو سعرها غالى جدا و اغلى بكتير من فوانيس الالنترا
انا شايف العربيتين واحد طبعا فى كل حاجة مع اختلاف الشكل و التجهيزات و شايف ان الالنترا افضل من السيراتو فى الفئات الاولى و شكلها اجمل, لكن فى الفئات العاليا السيراتو هى الافضل و الاجمل بالفوانيس الليد و تحس انها عربية متكلفة و فيها فخامة الاوربى.
محتاجين نسمع الاراء بقى مين افضل و ليه؟؟؟