الموضوع: كبالن فليشيا

المشاركة الأصلية كتبت بواسطة steve_mouner

شكرا لكل الناس.احكيلكو اللي حصل اشتريت 2 كوبلن ب 175 والبائع اداني عليهم ضمان سنه.المهم تم التركيب و مشيت عليهم في حدود 400 كم و العمود طلع من الكوبلن رحت لمكانيكي تاني ركبه حلو والحمد لله ربنا ستر.
شكر خاص للباش مهندس احمد اللي اتصلت بيه لما اتعطلت والراجل كتر خيره شرحلي اعمل ايه وكمان تابع معايا بس للاسف مكانش نافع لان مكانش معايا لقمه 30

على فكرة خروج العامود من راس الكوبلن دا معناه ان التيلة اتكسرت او الميكانيكى مركبهاش اصلا لأن الموضوع حصل معايا لما جيت اغير الفتيس بنفسى لاقيت العامود بيخرج من الكوبلن يعنى مافيش تيلة ومشيت بالموضوع دا كتير بس طبعا كنت خايف من الملفات العنيفة كنت اخدها على الواسع يعنى بمعنى ماكسرش العجل على الخر لن فى هذه الحالة بيكون اقصى خروج للزراع من الكوبلن ولو مش موجودة التيلة ممكن الزراع يقع وسالت الميكانيكى ايه رئيك قال عادى لو العامود سقط منك وانتا ماشى حتفصل حركة الفردة انا باقولة يعنى بكدا مش العربية ممكن تلف حوالين نفسها قال لاء بيفصل الحركة بس وتسمع صوت عالى مفاجاء فى الموتور اكيد حتحس بية وحتلاحظ سقوط الزراع....

حبيت اقول المعلومات دى لنها عدت عليا فعليا ومشيت بالعربية دون علم مع عدم وجود التيلة وكنت بامشى عادى وربنا ستر طبعا بس لما عرفت اترعبت وسالت فكانت الايجابة لاتخف عادى كما شرحت سابقا....

المشاركة الأصلية كتبت بواسطة Tito79

معلش اذا كنت طلبت قبل ما أقدم نفسى, انا فيليشياوى قديم بس متابع قراءة مواضعكم من زمان وقد ايه انا فرحت لما لاقيت الزوق والأدب فقررت (بعد اذنكم طبعا) انى أشترك مع حضراتكم و ده لأنى مش بروح للميكانيكى كتير , انا بحاول اعمل اللى انا شايف ممكن اقدر اعمله و لذلك لاقيت انى اقدر اغير الكبالن لوحدى و ده بعد ما اشتريت كبالن جديده مضروبه فى السوق على انها المانى مكملتش 6 شهور و عايزه تتغير, بعد اذنكم انا عايز اعرف ازاى أفك الكبلن الداخلى والخارجى واركبهم تانى ,,,, ولكم جزيل الشكر

مرحبا بك اخى الكريم تيتو مهو لو حضرتك كنت متابع مواضيعنا كنت عرفت انى عملت سلسلة دروس وشروحات اسمها علم نفسك وعملت مكتبة فى المثبتات فيها دروس وشروحات كتيير لكل اللى ممكن تعملة بنفسك وعلى فكرا احنا هنا بنشجع انك تعمل كل حاجة بنفسك ولو قابلتك اى مشكلة حنساعدك وندعمك بالشروحات والصور والفيديوهات الخاصة بالمشكلة المهم فك كبالن داخلية وخارجية حتلاقيها في الدرس الثالث والدرس ال 23**

http://www.nilemotors.net/Nile/335319-a.html

http://www.nilemotors.net/Nile/381906-23.html

وحمل كمان من الرابط اللى جاى كتيب به الشروحات المصورة وايضا مكتبة الفيديو لسلسلة علم نفسك....
http://www.nilemotors.net/Nile/387028-a.html

المشاركة الأصلية كتبت بواسطة tito79

أ/ صبحى, أشكرك من قلبى, بس بالأخص اللى انا عايز أعرفه ان فى الكبلن الخارجى تيله لازم تتفك عشان الكبلن الخارجى يخرج , انا عايز أعرف مكانها فين وازاى أفكها و اسف لتعبك و ربنا يجعله فى ميزان حسناتك

لا شكر على واجب انا فى الخدمة :

بص انا حكيلك ازاى تخرج التيلة اللى ماسكة الكوبلن الخارجى فى عامود الكوبلن....

طبعا حنا حنفك الكوبلن ونخرجة زى ما حضرتك شوقت فى الدروس تمام....

حيطلع معانا زراع الكوبلن وفى النهاية الداخلية حتطلع الصليبة من داخل الكوبلن الداخلى بيبقى الزراع متعلق فيها راس الكوبلن الخارجى....

حنمسك العامود ونرفعة بحيث يكون الكوبلن الخارجى باتجاه الارض قريب شويه....

وبشاكوش صغير دقة خفيفة مع دوران العامود يعنى تلف وتنقر بشويش على حافة الكوبلن الخارجى حيطلع العامود من الكوبلن وحتلاقى التيلة ثابتة فى العامود والتركيب برضو بيبقى بالدق على خفيف مع الدوران....