الموضوع: الأخ الفاضل شريف منسي horas3000

المشاركة الأصلية كتبت بواسطة silent~dream

ما شاء الله ربنا يبارك لصاحب العربيه بس rpm 4 عند سرعه 220 كيلو يعنى تجيب 250 بحد اقصى تقريبا ؟ ولا فيه سبيد ليمتر قبل 250 ؟

هي بالبنزين ال 92 اخرها 225 كم
اعلي من كده محتاجه اوكتين اعلي

المشاركة الأصلية كتبت بواسطة amrelsaqqa

ما يعملش الحركة بتاعت الدقيقة 1:02 دى غير واحد مالى ايده من العربية وفراملها ساعة الطوارئ او قلبه ميت ، ما شاء الله ربنا يباركله فيها

بس صعبان عليا الراجل بتاع المرسيدس ياعينى و ليا عتاب برضه مكنش ينفع الحركة دى خصوصا ان المرسيدس مكنش قدامه فاضى وكان قدامه واحد على يمينه وده ظهر بوضوح اكتر لما لقى نفسه اتزنق واضطر يدوس فرامل عشان ييجى ورا اللى على يمينه ، واكيد في اللحظة دى كان هيموت من الخضة اساسا لان اي غلطة كان هيلبس في ده او في ده ...

ياريت يا استاذ شريف تتقبل كلامى بصدر رحب ، وما تنساش "من روع مسلما روعه الله يوم القيامة"

ربنا يحفظك دنيا واخرة ، وعامة انا عارف ان حضرتك اتصرفت كدة لان العربيتين وقت الطوارئ كانوا يقدروا يلموا نفسهم بسهولة بأمر الله طبعا ، ربنا يسترها علينا جميعا بس ما يقع الا الشاطر يا باشا ولو انت شاطر الحمير حواليك كتير :)

زي ما قلت انا لا قصدي اعمل حركات و لا يحزنون
هو اللي غلطان و هو اللي روعني
هو كان قدامه و يمينه فاضي بالفعل بس هو اللي حرق عشان يطلع من العربيه اللي كانت قدامه و دخلت حارتي و كالعاده مبصش في المرايا
بس ربنا ستر ان الطريق واسع و عديت و هو برضه وسع
انا طبعا ساعتها كنت هديت جامد و نزلت ل 100 مثلا

المشاركة الأصلية كتبت بواسطة dede_dodo88

يا قلبك يا شريف بيك :)

أنا كنت عملت الحركة دي مرة قبل كده على طريق السخنة و من ساعتها بقيت أحرص أوي قبل ما أزنق جنب حد بالشكل ده لأن ساعتها و أنا داخل بسرعتي و أول ما قربت و وصلت لشنطة العربية راحت كاسرة شوية شمال قدام مني بدون أي مقدمات فعيشت وقتها 3 4 ثواني من الرعب لحد ما العربية ظبطت مسارها تاني.. فهو الواحد برضه مهما كان بيعرف يسوق كويس و واثق في قدرات عربيته فهو ميقدرش يتوقع أي حركة غبية غير متوقعة من اللي حواليه!!..

انا مكنتش متوقع اللي هو عمله ده و كنت برعشله بالفعل بس هو بقي الله يسامحه زنقني
و لحسن الحظ الحاره كانت واسعه و هو برضه وسع و ربنا ستر

المشاركة الأصلية كتبت بواسطة mahmoud_afifi

بسم الله ماشاء الله.

بس سواقة الكويت انك تمشي في الحاره الشمال والناس توسعلك انساها هنا

في ده عندك حق
هنا مع كل البلاوي اللي بتحصل في الطرق الكل بيوسع
و عموما كنت لسه ورور في الطرق المصريه

المشاركة الأصلية كتبت بواسطة mohamedxsayed

انت سواق محترف ممكن هو كان طلع غبى ودخل ومخدش باله منك
وممكن يكون معاه ولاده ومراته ولاقدر الله ممكن يحصله حاجه .

اصلى اتقلبت قبل كده بنفس السبب ده واحد حب ياخدها من جنبى عالديق وحك فيا واتقلبت بسببه مع انه كان ماشى فى النص بس حب يروش
كنت ماشى 200 او 220 فى طريق جده مدينه بعربيه كابرس اس اس بتاعت والدى


مع احترامى الى عاوز يجرى هو حر بس مش حر فى حياه الناس .

ده اللي حصل فعلا و انا مكنتش متوقع رده فعله دي
كنت متعود علي السواقه النظيفه بقي