الموضوع: حد جرب يشتغل سايس

مابحبش اللعب مع الناس دى لان زعلهم وحش الصراحة :d

ههههه انا فهمت عنوان الموضوع غلط في الاول افتكرت قصدك تشتغل سايس يعنى تشتغله اشتغالة ههههههههه

بس تصدق بالله اانا النهاردة جتلى نفس الخاطرة بالظبط و سرحت كدة شوية وقلت هو اللى بيشتغل سايس ده ازاى بقى سايس :d ، وقعدت اتخيل في الفلوس اللى بيلموها :d

بس الموضوع مش سهل لان اللى واقفين في الشارع دول بالذات تعبوا على ما فرضوا نفسهم في المكان ، ودلوقتى اكيد كل ركنة فيكى يا مصر متعلم عليها ومعروف مين صاحبها ، طبعا لانها فردة وبلطجة زي ما الاخ قبلى قال .. فاللى بيدخل جديد لو مش هيعرف يثبت نفسه هيتاكل في الوسط ...

انا كنت راكن النهاردة ناحية وسط البلد وشارع رمسيس كدة ولقيتلك واحد من اياهم وجاي عايز الفردة ، وعايز 5 جنيه مرة واحدة ، ما رضيش بـ 2 جنيه ولا حتى 3 جنيه ، واضطريت اكبر دماغى واديله الـ 5 جنيه في الاخر

للاسف العيال اللى بتقف في اي حتة دى بيعتمدوا على حتة انك ما ينفعش تزعله لانك لو زعلته هيزعلك في عربيتك !
وفعلا بقت فردة وبلطجة وحاجة اخر قلة ادب

على فكرة مرة اتلكمت مع واحد فيهم وفتحلى قلبة

وقالى مفاجاءة كبيرة جدا ومهولة

ان كل شارع فيها سايس متعين من ال............. وبيقسم معاهم

ومينفعش اقول اكتر من كدة

بلد 3 سنين من غير جهاز اسمه الشرطه
خلاص بتوع الشرطه مش هيشتغلو تانى
وطبعا البلطجة فى كل مكان
مافيش حاجة اسمها سايس فى حاجة اسمها بلطجة وقلت ادب

المشاركة الأصلية كتبت بواسطة د.محمود صلاح

اللي عنده عربية في القاهرة متعذب في الركنة والزحمة والبنزين والتعرض للسرقة والفن المسماري .. الخ

واللي ماعندوش متعذب في المواصلات والشحططة والتكاسي ..

كان الله فى عونكم انا بنزل القاهرة يوم واحد بكره السواقه والعربية والبنى أدمين

انا يوم ما بنزل القاهره بنزل من غير عربيه و لو نزلت بالعربيه لظروف بلعن الظروف الى خلتنى اعمل كده
الصراحه الله يكون فى عونكم و يصبركم على الى انتم فيه
موضوع انك تشتغل سايس او فاليه دريفر زى ما بيسموه فى الاماكن النضيفه مش مشكله
انا جاى شغل فى فور سيزون اشتغل فاليه دريفر و انا معاى بكالريوس و فرحت و قلت اشتغل و بتاع بس بعد اول يوم حسيت انها مش شغلانتى مش لعيب فى الشغلانه و لا حاجه بس محستش ان ده مكانى و الحمد لله انى اخدت القرار ده بدري عشان ربنا كرمني و وفقتنى لسكتي الصح