الموضوع: مفيش حد عمل تقرير شامل عن نيسان قشقاي يا جماعه ؟

السلام عليكم ورحمة الله وبركاته

ازيكم يا جماعه ، كنت عايز اعرف ايه انسب عربيه زيرو عائليه لاسره كبيره و جات اقتراحات كتير منها كيا كارينز مع انه اقتراح غير موفق لغليانها غير الطبيعي السنادي ، و من ضمن الاقتراحات كانت القشقاي بس دورت ملقتش حد متكلم عنها هنا تقريبا و ده في حد ذاته يخوف لان ده معناه ان مفيش مستخدمين كتير ليها يعني اكيد قطع الغيار هتبقي غاليه و سعر اعادة البيع هيقع علشان معلهاش طلب !؟ فياريت لو حد جربها فتره كافيه يقولنا ايه اخبارها مميزات عيوب مشاكل ... الخ ، افيدونا افادكم الله :)

المشاركة الأصلية كتبت بواسطة Dr.Galileo

وعليكم السلام ور حمة الله وبركاته
اخي الكريم
ادخل على الرابط التالي هتلاقي حجات كتير عن قشقاي
http://www.nilemotors.net/Nile/163656-a.html

انا شخصيا حتى الان في حيرة كبيرة بينها وبين السبورتاج البازك او الفئة التالية مباشرة
وروجت الطارق في اكتوبر وشوفت العربيتين
طبعا نظرا لاني ضخم ( طويل وتخين ) حسيت اني مرتاح اكتر في السبورتاج لانها اوسع من جوة بس في نفس الوقت القشقاي ياباني تقفيل انجليزي وفي منها تقفيل اتحاد اوروبي
ومع الاحترام لجميع الاراء من وجهة نظري الشخصية الياباني ده حاجة تانية

فانا زيك بدور على اغلب المعلومات عن القشقاي وان شاء الله هاشوف حد قريب انزل اسوق عربيته بنفسي

اه نسيت اقولك ان الفتيس بتاع القشقاي بجد مميز جدا بس هو عاوزك تتعود عليه .... بس بجد حاجة محترمة جدا
وطبعا يعيبها الحجز لمده 6 شهور او الاوفر برايس
بس والله لو انت ركبتها وعجبتك وارتحت في القعدة جواها ..... اتوكل على الله علطول لانها عربية تستحق الفلوس اللي بتدفع فيها

ده راي انا المتواضع وربنا يوفقك وبكرمك وبرزقك من واسع فضله ورزقة
تحياتي

انا متشكر جدا جدا لحضرتك ، هي العربيه مش ليا لوالد صديقي و هو فعلا بيفضل القشقاي علشان تقفيل انجليزي هي اوفر برايس اه بس مش زي الكارينز اللي اغلي منها مثلا :) و كويس برضه اقتراح السبورتاج هدور فيها وربنا يسهل :) و متشكر جدا تاني لحضرتك