ربنا معاك طيب حضرتك مش عامل تامين
عرض للطباعة
ربنا معاك طيب حضرتك مش عامل تامين
لاحول ولا قوه الا بالله العلى العظيم ................... موضوع سرقه العربيات كتر اوى اوى ربنا يستر عليكم وعلينا .
يعنى من ايام واحد يعمل موضوع انا عربيته الالنترا 2012 واربعه زيهم تقريبا اتسرقو من نفس الشارع وانت النهارده بتقول ان عربيتك و6 زيها اتسرقو من نفس الشارع
وتنظيم عصابى تديره الداخليه
ويروح يقولك ادعى انت بس انها ترجع
ايه الى دخل الدين فى العمل الاحترافى الى المفروض انه بياخد اجر عليه مش دى تجاره بالدين برضه ولا تجاره انجلش وتزييف حقائق وضحك على الناس
فلا تحزن بربنا يعوضك خير
ويرد ليك ضالتك
ابتسم انت فى مصر
ابتسم انت فى زمن السيسى
الخلاصة حاميها حراميها
انا بردوا شقتي اتسرقت ولا حد عملي حاجة
إن شاء الله ترجع لك عربيتك بالسلامة
وربنا يورينا يوم فى الظلمة اللى بياكلوا أموال الناس بالباطل وإللى مابيعرفوش ربنا .
إللى بياكلوا من حرام ومايعرفوش إن لقاء الآخرة قريب منهم جدا وفى أى لحظة .
لا حول ولا قوة إلا بالله العلى العظيم
كان في عونك ورد إليك سيارتك
عملت كل ده ووصلت للي كلمك في التليفون ومعرفتيش ترجع العربية
حسبنا الله ونعم الوكيل في كل واحد موش شايف شغله مظبوط
ربنا يعوضك خير ان شاء الله , وتلاقيها على خير
بس فعلا انا بدأت الاحظ ان مابيتمش الاتصال بصاحب السيارة المسروقة الا بعد عمل محضر , ودة معناة حاجة واحدة , ان العملية بتم من داخل الاقسام بس اكيد مش كلهم كدة ممكن يكون فية امناء شرطة هما اللى عاملين التشكيل العصابى دة
ربنا يسترها علينا ويحظف سياراتنا من السرقة ويكفينا شر الطريق اجمعين يارب العالمين
مش عارف اقولك ايه
ربنا بصبرك وترجعلك عربيتك وعربيات كل اللى اتسرقوا
وحسبنا الله ونعم الوكيل على كل اللى معندهمش رحمه
وفرج ربنا قريب
أخي الفاضل ..
ربنا يصبرك و يرد لك ضالتك أن شاء الله و يهدي النفوس و يهدي العاصي
طبعا انا مش هأتكلم و لا أعلق علي موقف الشرطة لأن دي خلاص مافيش منها أمل و انا شخصيا أصبحت مقتنع أن البلد دي لافيها قانون و لا حد بيطبق القانون لذا بأنصح بالاتي :
- عربيتك أو أي من ممتلكاتك لايجب أن تغيب ابدا عن نظرك بمعني أنك لاتقف في أماكن أنتظار بالشارع و لكن علي سبيل المثال أنا بأضحي ببعض الوقت أو المال في سبيل أن أضع سيارتي بجراج او ساحة أنتظار مؤمنة حتي لو بعيد عن المكان اللي بأقصده و ساعات و الله أركنها في مكان مؤمن كويس و اخد تاكسي كي أذهب لمقصدي النهائي بس هاعمل أيه بأشتري دماغي
- الحاجة التانية .. لاداعي للسير ليلا قدر المستطاع و ذلك للابتعاد عن الشبهات و قاطعي الطرق لأني ملاحظ أيضا أنتشار حوادث السرقة بالاكراه علي بعض الطرق و التي كان بعضها علي مقربة مت ما يعرف بالكمائن الامنية
- زي ماحضرتك قولت برضه .. تكلفة أضافية و ركب نظام أنذار متطور أو جي بي أس و نظام تعقب كي تعرف مكان سيارتك ووضعها أيه
للأسف زي ماقولت قبل كده نحن نعيش في غابة و ليست دولة لذا فمطلوب منا أن نحمي ممتلكاتنا و ارواحنا بأنفسنا بما هو متاح لنا من أمكانيات و قدرات
و ربنا يسترها معانا جميعا و يحفظنا و يحفظ ممتلكاتنا من كل شر و سوء
والله انا عارف انه مش وقته خالص الكلام ده
لكن الخلاصه فعلا - مكان انتظار العربيه لازم يتم تأمينه جدااااااااااااااااااااااا ا - والعربيه يجب تأمينها لأقصى مدى
.
.
.
اتشرفت بمعرفة بعض الاعضاء هنا والبعض الاخر لا يعرفنى - انا شخصيه مسالمه جدا جدا جدااااااااااااااااااااااا - ودايما بمشى جنب الحيطه ------ لكن بسبب الظروف البشعه اللى حاصله فى البلد خصوصا من بعد ثورة عكاشه المجيده (30/6) انا بنصح الكل تأمن نفسك لأقصى درجه - لازم الكل يبقى عارف انك بلطجى وقليل الادب ومريض نفسيا - عربيتك كوووووم والمنطقه بأكملها كوم تانى - انا باسعى لأقصى مدى انى أمن عربيتى - وقلة الادب بتفيد فى حالة لما يكون معروف ان واحد كل شويه بيبص على عربيته وبيعمل مشاكل العربيه بيبقى ليها سمعه ان عليها العين دايما - وفى الاغلب الحرامى بيراقب العربيه اللى هايسرقها اكتر من مره
وديه كلها محاولات
لكن فى الاخر ملناش غير كلمه واحده
يارب استرها
لصاحب الموضوع - ربنا يكرمك بإذن الله وعربيتك ترجع - وانا لو مكانك (وان كنت عارف ان الموضوع تحصيل حاصل) كنت بلغت فى القسم بالكامل واتهمت امين الشرطه وظابط الشرطه والمأمور نفسه بسرقة العربيه - ويا ؤيت يا دكتور الكلام يبقى بالاسماء - الظابط المحترم اللى مش فاضى - وامين الشرطه اللى بيقسم مع الظابط المحترم اللى مش فاضى - وياريت حضرتك توضح العربيات اللى اتسرقت كلها كانت النترا ولا ايه بالظبط
حسبنا الله ونعم الوكيل