اقتباس المشاركة الأصلية كتبت بواسطة psycholain مشاهدة المشاركة
نوع العربية ايه، وهل هي زرار تاتش ولا دراع بتحركه يمين و شمال
لو هو دراع بتحركه يمين و شمال فا دي سهلة و بسيطة، كل اللي حضرتك هتعمله هتفك الدرج اللي علي يمين السواق عن طريق فك الكليبسات و تنزله لتحت، هتلاقي قدامك اجزاء من التكيف و كمان فلتر التكيف.
المهم حضرتك هتحاول تدخل ايدك اليمين ناحية وحدة التحكم اللي هو الدراع اللي بتختار بيه الهوا من جوة و لا من برة و الكلام دة طبعا و العربية مبطلة.
حضرتك هتلاقي غالبا ان الدراع اللي بيتحكم ده و اللي بتحركه يمين و شمال فاكك من الدراع الداخلي اللي واصل بالهاوايات اللي جنب وحدة التكييف ، كل اللي عليك تدخلهم في بعض لانهم عبارة عن كلبس بيمسكو في بعض. يا رب يكون الطريقة واضحة واكون افدتك.
تحياتي