عرض للطباعة
اسلام عليكم لو سمحتوا يا شباب عايز اخد رايكوا فى موضوع شجرة المياه عندى بتنقص جامد من يوم ما اشترتها وغلبت فيها انواع مياه كتير وليكوى مولى استوب ليك وحورات المهم فجاه كده لقيت المياه بتنقص اكتر م الاول م عدم ارتفاع مؤشر الحراره بتاتا واثر صدى جامد اوى اسفل شجة المياه على الفتيس قلولى اعمل ايه ؟؟؟
ولو هتتغير جديد ولا استيرد وبكام ؟؟؟
واويل سيل الاسبراتير بيتر ولا اعمل فيه ايه ؟؟؟؟
اثر الصدى ده على الفتيس تحت شجرة المياه
ابو حميد
انا كان عندى نفس الموضوع وانا ببيع العربية ونفس الصدى فى نفس المكان بس كنت مكبر دماغى وبزود مياه
انا شاكك فى طرمبة المياه هى اللى بتعمل كده
هلى عندك صوت خشانة او خرفشة فى الموتور؟؟؟
check for yourself
fill water , start the3 engine till hot
if the leak from the gallery
replace with new one
or leak from freeze plugs
بص يا باشا انا لسه مغير دورة الميه واقدر افيدك فى الاسعار بأمر الله ;اقتباس:
المشاركة الأصلية كتبت بواسطة ahmed pico
شجرة الميه استيراد لقيتها من 180ج لحد 250ج ومفيش منها حالة نضيفة والجديد منها صينى ب150ج والمانى ب600ج
وطلمبة الميه ب200ج صينى و ب350ج المانى
والقربة بالغطا استيراد ب100ج
وللاسف بعد كل ده وبرده لسه الميه بتنقص
والله المستعان ...
اقتباس:
المشاركة الأصلية كتبت بواسطة karim ibiza
مره اللى راجل اللى بغير عنده زيت كان حاطط ودنه عند فبرة سير الكاتينه وقاللى فى صوت خشانه فى طلمبة الزيت هو ده اللى انت تقصده يا كيمو ؟؟؟
ايه الفريز بلج ده ؟؟؟ الطبه اللى جنب الحساس تقصد؟؟؟ لا التسيل من جوه مياه بتطلع على وش الشجره وفى خرم كده على الشجره من فوق
بيتهيقلى استاذ كريم يقصد طلمبة الميه لانها مع مجموعة سير الكاتينة من تحتاقتباس:
المشاركة الأصلية كتبت بواسطة ahmed pico
روح عند ميكانيكى فولكس كويس
وهيكشفلك على طرمبة الميه وشجرة المياه
والموضوع يتعمل مره وحده صح وأنساه سنين ( مع استخدام المياه الموصى بها بالكتالوج )
اقتباس:
المشاركة الأصلية كتبت بواسطة elbaz45
أتأكد ان غطاء القربه سليم ( الكوتشه الداخليه )
http://nileup.com/up/uploads/nilemotors_13826429991.jpg
انا عاملت كل حاجه وروحت لسيد عبده قالى هات الشجره وتعالى نغيرها من غير حتى لما يفك يمكن يكون جيوان والشجره سليمه وسالت عليها لقيت المضروبه ب 350 و الاصلى ب 800 وانا اصلا المكنه بتاعتى بايظه خفيفه مش عارف اعمل ايه مع العلم انها كانت سليمه ومش بتنقص اوى ومبنش العيب جامد كده غير لما حاتيت ليكوى مولى استوب ليك
شوف النقص مصدره منين
1- جوان الشجرة نفسها و ده هتلاقي سيل المياه المصدية و اثرها واضح علي جسم الموتور عند تلاقيه مع الشجرة
2- الشجرة فيها خرم و هنا هتلاقي مصر المياه من اي مكان علي جسم الشجرة (المكان المخروم)
3- جوان كوعة الثرموستات و ده هتهز الكوعه نفسها و تشوفها مقفولة كويس مع جسم الشجرة ولا لأ
شيك بنفسك افضل و اي سبب من اللي فوق تكلفة اصلاحه لو هتعمله بنفسك لن يتعدي 2 ولا 5 جنيه جوانات لو ماده اصلاح او امير لاصلاح الخرم
سيبك من الميكانيكية ... فتايين و ملهمش فيها اخرهم فك و ركب ...مش هي !!! يبقي فك و ركب ... فك و ركب .... و بس لكن يبحث عن العيب فين او يشغل دماغه لألألألألألألألألأ
إلا ما رحم ربي
و بالتوفيق و لو كده صورلنا صورة واضحة لمكان التسريب و انا افيدك فيها ان شاء الله قدر المستطاع
اقتباس:
المشاركة الأصلية كتبت بواسطة ehab_mansour
احسن حاجة فيك يا بشمهندس ايهاب انك فى مشكلة نقص الميه بتستبعد حاجتين موضوع جوان وش السلندر وموضوع الرادياتير ... بس عاوز اعرف حضرتك ليه مستبعدهم مع ان المشكلة عبارة عن نقص ميه بيزيد مع سخونية العربية او تشغيل التكييف فى الصيف بدون ما يرفع مؤشر الحرارة مللى !!!!
انا معايا بولو 1300
بقالى فتره الميه بتنقص كل فتره وبزودها
الجديد دلوقتى ان مؤشر الحراره بقى بينزل كل ما اجرى بالعربيه الاول كان بيحصل بسيط انه ينزل لما اكون مسافر الصبح بدرى وبجرى جامد
لكن دلوقتى بينزل كتير
سؤالى اللى شاغل دماغى هل ممكن تكون العربيه بتسخن فعلا واللمبه متنورش ؟؟؟؟؟؟
أولا الرادياتير .... مستبعده هنا في الحالة دي لأنه هو بيقول ان فيه مياة مصدية واضحة علي الفتيس و دي ملهاش مصدر واضح غير الشجرة و ما حولها و محتمل يكون حساس الحرارة او الطبة اللي جنبه و جواناتهم و كل دول من مكونات الشجرةاقتباس:
المشاركة الأصلية كتبت بواسطة elbaz45
ثانيا جوان وش السلندر في العربيات دي صعب بل مستحيل انه يكون فيه مشكلة و ده مع كونه لا يزال بتقفيل الفبريكة و متفكش و حتي لو اتفك و اتغير بدون خراطه للوش لو البلوك برضه صعب و بعيد و مشفتهاش قبل كده في العربيات دي
لو شفت جوان بيتفك لاول مره هتعرف قصدي
تعرف انا بزود عربيتي من يوم ما اشتريتها تقريبا كل شهرين او ثلاثة لتر ماء و عارف ان الرادياتير هو السبب و مكبر دماغي لأن عندي فيه حساس في الربه كل ما يقل المستوي بيديني فلاش في لمبة جنب عداد الحرارة و سارينه فده مطمني
الله المستعان
نزول المؤشر بسبب ان معندكش ثرموستات حرارة اساسا (ثرموستات الكوعه)اقتباس:
المشاركة الأصلية كتبت بواسطة hamada_elzayat
مش فاهم لمبة ايه اللي تقصدها ؟؟؟
الاصل ان العربية بعد اي شغل في دورة المياة بتجرب نظام التبريد بتشغيل العربية و تركها تسخن لحد ما تشتغل مراوح الرادياتير و تلاحظ معاها درجة الحرارة علي المؤشر و تفصل ... بكده يبقي التبريد مضبوط ... هتسخن ليه ؟؟
شكرا استاذ ايهاب على ردك السريع
العربيه لما اسيبها دايره وواقفه بعد شويه المروحه بتشتغل وتقف وتشتغل وتقف عادى ومؤشر الحراره على 90
انا عارف ان كده الثرموستات بايظ او مش موجود
اللى اقصده عدم وجود الثرموستات ده ممكن يخلى ان العربيه تسخن ومؤشر الحراره ميرتفعش ؟ يعنى المؤشر ميديش قراءه صحيحه للحراره ؟
وانا مشتغلتش ولا عملت اى شغل فى دوره مياه العربيه قبل كده
العكس هو اللي بيحصل العربية بتبرد و مؤشر الحرارة هو اللي بينزل و ده غلط مش صحاقتباس:
المشاركة الأصلية كتبت بواسطة hamada_elzayat
لكن عموما مينفعش العربية تسخن من غير ما المؤشر يرفع طالما الدورة سليمة و تعمل بكفاءة كما ذكرت انت
الحالة الوحيده اللي ممكن العربية تسخن فيها من غير ما المؤشر يتحرك هو ان الدورة يكون فيها هواء او مافيهاش مياة من اساسه لأن ميديا النقل الحراري و التبريد و اللي بيحس بيها حساس الحرارة هو المياة لو حل مكانها هواء مش هيحس
شكرا جزيلا استاذ ايهاب
كده يعنى انا اقدر اصبر شويه على العيب ده لغايه ما افضى اعمله لان برضو انخفاض الحراره مهما كان غلط مش زى زياده الحراره
شكرا اااااااااااااااااااا
كلامك ده يا هندسة بيأكدلى ان انا مشكلة نقص الميه عندى سببها الرادياتير لان انا مغير تقريبا دورة الميه كاملة من الشجرة للطلمبة للقربة ومفيش قدامى دلوقتى غير انى افحص الرادياتيراقتباس:
المشاركة الأصلية كتبت بواسطة ehab_mansour
الموضوع ده مليااااان معلومات بفلوس
الله يباركلكم
بالنسبالك انت لازم تكشف على الريداتيراقتباس:
المشاركة الأصلية كتبت بواسطة elbaz45
الف شكر يا رجاله على الكلام الجامد ده و المعلمات الجامده بس فى ملاحظات
1. حاليا المياه مش بتنقص اوى زى من اسبوع مثلا مع العلم انى مش عملت حاجه فيها
2. المصدر المياه مجهول بالنسبه ليا وهحاول بكره ان شاء الله اصور صوره بكره وارفعها
3. انا عمرى ما فكيتها قبل كده علشان اتجرى وافكها انا وبعدين علشان افكها لازم افك الاسبراتير ولو فكيته مش عرف اظبط كهربة العربيه تانى :(
4. محدش يعرف اويل سيل الاسراتير فين دورت عند الصفا و فتح الباب ومش لقيه حد يعرف رقمه وانا انزل اجيبه من اى حد بتاع اويل سيلات
من وجهة نظري ان مافيش حل تاني غير انك تبص علي الرادياتير + و بأكد مرة و اتنين و ثلاثة تتشك الخراطيم و حبكها و افايزها لأن ده مصدر للتسريب و الكتير من الصنايعيه مش بيحطه في الحسباناقتباس:
المشاركة الأصلية كتبت بواسطة elbaz45
حابب اقلك ان بنسبة كبيرة ان الشخص اللي بعتك في التفكير في وش السلندر ده بيريح دماغه و محتمل يكون كلامه صح لأنه وارد يحصل لكن نسبته ضعيفة و كثير من الصنايعيه لما يغلب يوديك في سكة عمياء و صعبه و عارف انك مش هتروحلها ..... اكيد فهمني
حدد المصدر و احنا منتظرينكاقتباس:
المشاركة الأصلية كتبت بواسطة ahmed pico
اولسيل ايه اللي تقصده ؟؟؟
لو تقصد الاسبراتير فهو ليه جوان و بيسموه جوان حلقة و ده عباره عن حلقة ربر او كاوتش و موجوده عند اي حد بيبيع جوانات و سهل جدا تفكه و تغيره
اما لو تقصد اولسيل عمود الكامات فده فعلا اولسيل و راكب عندك ناحية سير الكاتينه و طمبورته و ده عشان يتغير لازم سير الكاتينة يتسقط و تتفك الطمبوره عشان تشيل القديم و تجط الجديد و ده لو مقاس هشوفه و اقلك ان شاء الله بس قلي بيانات عربيتك ايه
والله يا هندسه انت دماغك دى ألماظات .. وربنا يباركلكاقتباس:
المشاركة الأصلية كتبت بواسطة ehab_mansour
تسلم يا هندسه انا اللى اقصده الجيوان اللى راكب قبل الاسبراتير لان فى تنشيع زيت على حساس الحراره والشجره تحت الاسبراتير على الطول
حاولت اصور انهارده مكان التسريب للشجره مكنش فى حاجه واضحه للاسف اظاهر العيب راح :(
اويل سيل الكامه هو هو اويل سيل الكرنك الاتنين واااااحد انا مغيرهم الاتنين قبل كده
انا تسريب الزيت عندى من ناحية الاسبراتير يبقى ايه ده ؟؟؟
تنشيع الزيت من جوان الاسبراتير و ده جوان حلقة عادي بنصف جنيه بس المهم تفك مسمارين الانكيه 5 اللي بيثبتوا الاسبراتير و تخرجه من مكانه هتلاقي الاكس بتاعه راكب عليه الجوان هتفكه و تروح عند اي حد بيبيع جوانات هتجيب زيه ولو كده تجيب حاجه اسمك منه قليلا عشان تحبك كويساقتباس:
المشاركة الأصلية كتبت بواسطة ahmed pico
بخصوص تسريب المياه منتظرين تصورلنا
ده الاولسيل اللي موجود ناحية سير الكاتينة و هو اولسيل عمود الكامات و اكيد زي ما انت قلت اوسيل الكرنك و هو شبه الصورة دياقتباس:
المشاركة الأصلية كتبت بواسطة hamada_elzayat
http://i.ebayimg.com/t/VW-Volkswagen...8g!~~60_12.JPG
لكن اللي ناحية الاسبراتير زي الصورة دي كده و لكن طبعا قطره حسب قطر الاكس اللي هيركب عليه
https://encrypted-tbn1.gstatic.com/i...kGrxDgpTr_ahkA
تسلملنا يا هندسه وربنا ما يحرمك منا
انا غيرت شجرة المية بنفسي عشان كانت بتسرب زيت وكمان غيرت مسورة الراجع الي راكبة في الموتور ومتصلة بالشجرة
موضوع طلمبة المية ده انا في طريقي لتغيرة بس عشان متفكتش ادامي ابل كده مقدرش اعملها بنفسي
انا الي لجظتة ان الصنيعية مش بيعملوا حاجة غير الفك والتركيب والموضوع بسيط لكن محتاج عده نزلت السبتية شريت العده ومعايا سليكون وشغال تمام
تمن الشجرة الصيني 475ج والالماني تمنها 850ج وده خاص بالبورا
ممكن تجبها استيراد بس بشرط الحالة تكون كويسة
ولو الشجرة بتاعتك فيها خرم ولا حاجة ممكن تلحمها بالحام المزدوج الي هو المدتين الي بيتحطوا علي بعض وبعدين تلحمها بية بس تعرف مكان الخرم فين
ولو مفيهاش خرم تشوف الجوان الي واصل مع الموتور وتغيرة او تحط مكانة سليكون وهي مش هتجيب مية تاني الموضوع سهل وبيسيط بس عايز الب جامد الصراحة
ازيك يا محمد بيه ... عامل ايهاقتباس:
المشاركة الأصلية كتبت بواسطة mohamedbook
اتمني تكون بخير حال و كذلك البورا و جميل انك بدات تعمل بنفسك ... ده افضل مليون مرة من حوارات الصنايعيه
كل اللي عملته زي الفل و لكن طلمبة المياه لازم عشان تفكها تفك سير الكاتينة و الموضوع بسيط و لكن محتاج تعرف ضبط السير ازاي قبل الفك و هتركبه تاني ازاي !!! يعني ادرس الموضوع اولا و بعدين دوس و لو محتاج مساعده أأمر
و ربنا يوفقك لما يحبه و يرضاه
الله يخليك يابشمهندس ايهاب ده العشم باردوا حضرتك بتعرض خدماتك للكل ووالله انت راجل محترم ونحسبك كذلك ولا نزكيك علي اللهاقتباس:
المشاركة الأصلية كتبت بواسطة ehab_mansour
من اول مرة قابلتك فيها وطمنتني من ناحية الماكنة بتاع العربية والصنيعية عملين يشتغلوني ويقلولي عايزة ماكنة والحورات الفاضية دي والحمد لله ماشي بيها بقلي في حدوود سنتين ومفيش مشكلة غير الحجات الي بتحتاج تتغير والي بتعرف عليها لال مرة
والحمد لله بدات احط ايدي فيها وافهم الي فيها
ووالله الموضوع بسيط بس عايز تركيز شوية
يعني لما جيت افك مصورة الراجع كان جمبي الدنموا وبعدين انا مفكتش البطارية وجه مفك لامس الدنموا عمل شارز اتعلمت اني افصل البطارية لما اشتغل جمب المناطق الي فيها كهربه للسيارة
يعين شوية شوية الواحد بيتعلم بس اهم حاجة يكون غاوي الموضوع ده
ولك كل الشكر والتقدير يابشمهندس لما تقدمة من افاده ومجهود لكل من يطلب المساعدة