سيراتو ولا فلونس

**Dr.M_baz** · 26-10-2013 05:20 PM

لو بتدور على الثبات يبقى فلونس أي حاجه تانيه أنا رأيي السيراتو الجديده sx أحسن.

**Ahmed_Adham** · 26-10-2013 07:06 PM

فلوينس الفيس ليفت أفضل لو مش ناوي تبيع قريب يعني تخليها معاك 5 سنين مثلا. عربيه ممتازه وبعتبرها بديل للسكودا فانتازيا.

**memo823000** · 29-10-2013 08:26 AM

فلوانس اكيد

صاج - قوة وثبات وارتفاع العفشه عشان المطبات

من اول فئه ممتازه

يكفي انها بموتور النيسان قشقاي

**devil_storm** · 29-10-2013 02:45 PM

المشاركة الأصلية كتبت بواسطة memo823000

فلوانس اكيد

صاج - قوة وثبات وارتفاع العفشه عشان المطبات

من اول فئه ممتازه

يكفي انها بموتور النيسان قشقاي

مش فاهم يعنى ايه ميزة ماتور النيسان قشقاى عن ماتور السيراتو الاقوى هورس باور و اقل ستهلاك للوقود؟؟ ارجوا توضيح افضل فى ايه؟؟

**memo823000** · 30-10-2013 08:07 AM

افضل اني راكب عربيه اوروبي صاج قوي وعفشة ثابته ومساعدين قويه مع التحميل وكمان موتور ياباني
العربيه مش موتور وبس
اللي اقصده ايه اللي يخليني اركب السيراتو صاج اقل من الفلوانس وثبات اقل والعربيه مش عاليه مع مطبات مصر عشان موتور 130 حصان
وانا عندي كل المميزات في الفلوانس وكمان موتور ياباني وناجح جدا في كذا عربيه زي القشقاي والجوك وقبلهم التيدا

وكمان السيراتو متتركبش غير من فئه sx-sr بس طبعا لازم تغير الجنط ال17 لانه بينشف العفشه ومقرف في المطبات والنقر يعني برده شغلانه وتكلفه
لان فيها الفرامل ديسكات في الاربع عجلات
لاكن الفئات الاقل الفرامل اللي ورا طبل فطبعا حمل الفرامل هيبقي قدام ودى مشكويسه عالسرعات العاليه

**ALshahba** · 30-10-2013 10:29 AM

يا جماعه الكوضوع متكرر بنفس الاسم ......... ياريت نرجع للموضوع الاصلي وحنلاقي فيه كل الاجابات دي

مبدأيا.......... انا بدي رايي للفلونس ....... مش علشان اوروبي (لشان الكلمه دي بتزعل ناس كتير) لكن علشان مقومات كتير افضل
ولا نغفل عل ان السيراتو لها قدرة موتور = 130 حصان
الفلونس لها قدرة موتور = 115 حصان

وعلي ارض الواقع تري الفلونس افضل من السيراتو فى التسارع والسحب العام.....وفى الطلعات الاولي لصالح السيراتو

**semsem5144** · 30-10-2013 11:43 PM

فلوانس

**devil_storm** · 31-10-2013 09:12 AM

المشاركة الأصلية كتبت بواسطة semsem5144

فلوانس

ممكن حضرتك تقلولنا ليه الفلوينس افضل؟ و هل حضرتك ركبت الاتنين؟ بس فى الموضوع الاصلى لان الموضوع ده مكرر و الموضوع الاصلى فى الرابط ده
http://www.nilemotors.net/Nile/385389-a.html

نرجو من الادارة اغلاق هذا الموضوع لتكرارة

**ALshahba** · 31-10-2013 10:31 AM

شكل السيراتو الجديده من الامام وحش (طبعا ده راي شخصي)
اما الموديل اللي فات للسيراتو فى الشكل العام = تحفه فنيه

فلو حتقارن من حيث الشكل فقط للسيراتو ضد الفلونس >> فاعتقد الفلونس تكسب
وطبعا الاشكال دي اراء يعني لا يعتمد عليها اوي

خد اراء اغلب الاعضاء فى الشكل الخارجي

**semsem5144** · 01-11-2013 02:01 PM

المشاركة الأصلية كتبت بواسطة devil_storm

ممكن حضرتك تقلولنا ليه الفلوينس افضل؟ و هل حضرتك ركبت الاتنين؟ بس فى الموضوع الاصلى لان الموضوع ده مكرر و الموضوع الاصلى فى الرابط ده
http://www.nilemotors.net/Nile/385389-a.html

نرجو من الادارة اغلاق هذا الموضوع لتكرارة

انا عن نفسي بحترم العربيات الاوروبي خصوصا فى عوامل الامان والثبات على السرعات العالية يمكن ده راجع ان اخر 6 سنين كل اللى ركبته اوروبي BMW E46 و Mercedes E240 و Mercedes S500 وغيرت مؤخرا للياباني
الفلوانس والسيراتو مابحبش شكلهم بس الفلونس الفيس ليفت شكلها بقى احلى مع موتور نيسان وفتيس CVT وتكييف جديد فالعربيه اتحسنت كتير
مشكلتى مع الكوري سواء هيونداي او كيا ان العربيات مليانه اوبشن كطريقه ذكيه للتسويق بس العمر الافتراضي لحاجات كتير فى العربيه قصير كمثال هيونداي سوناتا 2010 الشكل الجديد تقريبا 50% من ملاكها غيروا كمبريسور المكيف على عكس الياباني والاوروبي
مواتير العربيات الكوري صوتها بيتغير بعد سنتين او 3 بتيقى اخشن واضعف فى السحب ومع المطبات الكتير بتبدأ مشاكل تقفيل العربية تظهر مع الوقت ( كيا اوبتيما كتجربه مع صديق )
يمكن عشان انا عايش فى السعوديه والجو هنا صعب على اي عربيه فالمشاكل بتظهر بسرعه
ركبت العربيتين لفترة بسيطه بالنسبه ليا اختبار العربيه بيكون على السرعات العاليه ثبات وتحمل ودي ماقدرتش اجربها فى العربيتين
اخيرا العربيتين محترمين بس انا مدفعش المبلغ ده فى كوري طالما اقدر اركب اوربي او ياباني
اسف لو معظم كلامي خارج نطاق السيراتو والفلونس بس انت سألتني وانا جاوبتك

الموضوع: سيراتو ولا فلونس

LinkBack

أدوات الموضوع

عرض

-

-

-

-

-

-

المواضيع المتشابهه

فلونس والتأمين

اعلان لانيقه رينوا فلونس - فى دقيقه يلخص يعنى ايه فلونس

فلونس ام؟

فلونس 2011

كيا سيراتو ولا فلونس

الكلمات الدلالية لهذا الموضوع

المفضلات

المفضلات

ضوابط المشاركة