الموضوع: تحدى انك بالسعر دة تعمل الشغل دة

السلام عليكم يا رجاله
النهاردة هحكى ليكم عن تجربتى فى صيانه عربية النترا 2011 مانيوال
العربية ماشية 90 الف كم و صاحب العربية كان مغير طقم الدبرياج عند ميكانيكى عندهم فى سوهاج
و الميكانيكى جابلة الطقم الفاليو بس قعد شهر فى العربية و بعد كدة الرجرجه ظهرت فى طلعه العربية مرة تانية
و شاءت الاقدار ان كان عندنا اجتماع بالقاهرة فجه زميلى عدى علينا فى اسيوط و توكلنا على الله على القاهرة - بس ساعتها حصلت حاجة غريبة من اول نزله 15 مايو المتفرعه من طريق الجيش الى المعصرة اخدنا فيها ساعه و نص بدون مبالغه و فى كل طلعه العربية تعمل رجرجه رخمه فى الفتيس - المهم وصلنا الشركة بمدينة نصر و الحمد لله و خلصنا الاجتماع و كله تمام - و بيتنا فى الفندق و تانى يوم توكلنا على الله و رحنا على مركز صيانه طنانى ( اوتو ماسترز سيرفس )
كشف الباشمهندس احمد ابو بكر و قال دة طقم دبرياج و الاغرب ان الطقم مكملش 6 شهور
المهم توكلنا على الله و خليت محمد طنانى جابلى قطع الغيار باسعار تجارية كمان و كلها الحاجات الجينيو بتاعه العربية الاصلية و كمان مختوم عليها و ليس كتابة و بس
طقم دبرياج + بلية الدبرياج + فلتر بنزين + تيل فرامل امامى هاى كيوو + فلتر هوا
تم تغيير طقم الدبرياج فى 3 ساعات
و فلتر الطرمبة اخد نص ساعه
و التيل الامامى ربع ساعه
و تنضيف بوابة الانجكشن ربع ساعه
و رجلاش فرامل اليد نص ساعه
بالزبط العربية اخدت 5 ساعات
نييجى بقة للحساب
سالت طنانى الحساب كام - كان رده بالاكرامية 250 جنية
انا بقة غلست علية و حسبت الكلام اللى هقوله
تغيير طقم الدبرياج 200
تغيير فلتر البنزين اللى جوة الكرمبة و مقرف جدا 25
تغيير تيل امامى 25
تنضيف البوابة ببلاش
رجلاس فرامل اليد ببلاش
يعنى الحساب كله 250 جنية و ملقيتش فكة فروحت مديلة 240 بس
و 30 جنية للصنايعية
الملاحظ
الرعشة مش موجودة خالص
استهلاك البنزين قل بنسبة 15 %
صوت الموتور بقى اهدى
الاستجابة بقيت سريعه جدا
دة حتى يعم الخير عليكم
لاننا فعلا نفتقد المركز المحترمة اللى بتراعى ضميرها فى شغلها