هل اللانوس بتفتح شاسيه بسبب وسع الحوص وده كان رأى بعض اعضاء نايل موتورز وخلونى اوقف شراء شيفورليه لانوس زيرو
هل اللانوس بتفتح شاسيه بسبب وسع الحوص وده كان رأى بعض اعضاء نايل موتورز وخلونى اوقف شراء شيفورليه لانوس زيرو
طيب انا معايا دايو لانوس اللى المفروض اخت الشفورلية لانوس و مفيش الموضوع دا و العربية 2002 ماشية 265 الف كم
هو انت ممكن توقف شراء لانوس زيرو ، بس مش للسبب ده لأن الكلام ده اول مرة اسمعه بصراحة ، اصلها مش 128 يعنى ...
اللانوس مش بتفتح شاسيه بالعقل و المنطق و الحجه و البرهان
قاعده الفتيس مثبته في فردة الشاسيه الشمال
قاعدة الموتور مثبته في قاعدة الشاسيه اليمين
يعني الموتور يعتبر زرجينه دائمه ولو الشاسيه اتفتح الموتور لازم يفك من الفتيس او البلوك يتشرخ
زي بالظبط اللي يقولك بلاش الفيرنا الأتوماتيك
تقوله ليه ياعم الحاج يقولك اصله مصري (مع العلم اننا بنستورد فانوس رمضان) و لو أقمت عليه الحجه و قولتله ان موتورها هوه هوه موتور الجيتز و الماتريكس و الألنترا و كل دول مفيش مشاكل يقولك اصلي سمعت
انا طاير بيها فى السما متر ونص ونزلت كملت عادى والمرايات اتكسرة من هبدة الارض
غير دخلت بيها فى حجر والكاوتش اتفرتك والحمد لله ما زالت سليمه
المشكلة مش فتح شاسية ... كانت بتظهر في بعض العربيات الدايو لانوس وظهرت في عربية لانوس 2002 كانت معايا كان بيحصل شرخ صغير جنب مسمار من المسامير المثبتة للمساعد في الحوض بتاع العربية وده سببه إن المساعدين كانت ناشفة ... لكن دلوقتي مع اختي شيفروليه لانوس 2011 والمشكلة تلاشت تماما.
--------
اولا - بشكركم على الرد والافادة
طب قولولى اجيب شيفورليه لانوس ام هيونداى فـــــــــيرنا ولكم جزيل الشكر
رأيي الشخصى فيرنا وشوف بنفسك تراجع مبيعات اللانوس مقارنة بالفيرنا اللى لسة في الصدارة حتى اللحظة ، اللانوس بحس ان ما بقاش حد يشتريها خالص !
راى شخصى مع احترامى للانوس .............. ولكن الفيرنا افضل اوسع وتكييف افضل ومنتشره بفظاعه
صديقي المواطن
هذه الدعاية واﻹشاعة غير صحيحة ولا أصل شرعي لها وكلام غير صحيح ولا تقلق
أما بخصوص قرار شرائها فلا أنصح لا بها ولا بفيرنا فقد راحت عليهم خلاص ولكن لو حضرتك مصر على وحده منهم فقولا واحدا فيرنا أفضل جملة وتفصيلا وتقدر لو مش مقتنع بكلامي تسأل بتوع التاكسي اﻷبيض شوف حيجاوبك بإيه على فكرة أضعف مبيعات في التكسي اﻷبيض كانت لبيجو 405 اﻹيراني عشان نزلت غالية بس هي مش وحشة يليها كان شيفروليه لانوس بمشاكل ضيقها وبطئها و واطية جدا جدا جدا وتكييفها مش زي فيرنا
وبالتوفيق وإلى اﻷمام ومن نصر إلى نصر
ودمتم للنضال
فيرنا
الانوس اوسع من الفيرنا والارتفاع تقريبا واحد
ماتور الفيرنا اقوى من الانوس بكتير بس اضعف منه وبيخرب اسرع منه
تكييف الانوس قوى جدا وفى عز الحر كنت بموت من التلج لو مشحون صح
شاسيه الانوس اقوى من الفيرنا بس صاج الانوس الخارجى اضعف من الفيرنا بسبب تصميم الشكل وليس نوع الصاج
الانوس مصفحه من الامام والخلف تحت الاكصدام الفيرنا لو ريحت على حاجه بتوصل للماتور
انا جايب لمراتي لانوس و لما اخويا جه يشتري سالني و قولت له هات فيرنا من كتر اللي العربية صرفته مني
+1اقتباس:
المشاركة الأصلية كتبت بواسطة lanos2004
فيرنا
لانوس طبعا
فيرنا
الانوس لو الشاسيه بيفتح الماتور كان وقع فى الشارع
انا كان معايا اللانوس الكورى اتوماتيك و بعتها لانها بالفعل فتحت شاسية و كان الكوبلن كل شوية يقع من الفيتس و دوخت السبع دوخات .. العربية مش مصحفة من تحت زى ما الناس بتقول و الموتور مش بيعمل زرجينة طبيعة
بصراحة الفيرنا احسن منها بكتير و مش صحيح ان تكييف اللانوس احسن ده على النقيض الفيرنا احسن يكتيرررررررررر
على فكره المقارنة بين اللانوس و الفيرنا 1500 مش 1600 علشان اكون عادل فى المقارنة
عملت كل حاجة لدرجة انى ودتها لتوكيل ابو غالى طريق مصر الاسماعلية و صرفت فلوس قد كدا و على فكرة انا مش من النوع اللى بيجرى عمال على بطال و مخدش مطب
الحمد لله قدر الله و ما شاء فعل
انا اول مرة اسمع عن لانوس فتحت شاسيه
اولا كلامك مظبوط ان الماتور مش بيعمل زجينه اصلا
وكمان هيه مش مصفحه من تحت ومفهاش قنطرة الماتور على فردتين الشاسيه ونقطه فى صدر العربيه من تحت
الكوبلن طلع
اسباب مقص اتعوج ورحل
الركبه فتحت نتيجه خبطه جامدة جدا
انما شاسيه يفتح والكوبلن يطلع بسبب الشاسيه دة مستحيل الا فى حادث تصاد م قوى جدا
حضرتك مش متخيل شاسيه الانوس عامل من تحت ازاى
انا عملت بالعربيه دى البدع بلاعات وطيران وتكسير جنط وتقطيع كاوتش وفرتكه حجر
كل ما تتخيله
صاحبى طار بعربيته الانوس من على كوبرى فى جنينه ومفتحتش شاسيه
ولو كان حصل فعلا ان الشاسيه فتح عندك دة افتراض
اى سمكرى محترم كان هيردة وهيقوى دعامات ولحامات 150 جنيه وانتهى الموضوع
الركب تبوظ ماشى المقص يتكسر ماشى يتعوج ماشى انما شاسيه جديدة دى
اكتر من سمكري يشكروا لي جدا في شاسيه اللانوس
من الاخر ما فيش حاجه اسمها شاسيه الانوس بيفتح وكله كلام فتى
العربيه معايا بقالها خمس سنين
شغاله ولا عربيه نص نقل
وعمرى ما سمعت من عفشجى محترم او سمكرى ان شاسيه الانوس بيفتح
اخر مرة كنت عند محمد عبدة كان عنده لانوس اوتوماتيك و اكنت فاتحة شاسية و اضطر يحط 3 ورد كبار علي الكوبلن علشان يقفل الفرق شوفتها بعيني و افتكرت لما العضو قال لانوس اوتوماتيك
احب اشكر العضو laons2004 بس ليه تحفظ على رد حضرتك مالوش لازمة التريقة بجملة ، جديده ديه، ثانيا ده حصل معايا و مش كلم فتى زى ما حضرتك بتقول
و على فكره انا حطيط العربية فى توكيل ابو غالى الل فى طريق مصر الاسماعلية و اكد الكلام ده ( الحهاز تقربيا اسمه استلاس ) و اخد 980 جم و روحت لسمكرى مشهور فى مدينة نصر ( مش حذكر اسمه علشان الدعاية ) و حطها على الحهاز و بردهاكد الكلام ده و اخد 600 جم
فلو حضرتك مش عايز تصدق برحتك لكن مالوش لزمة التهكم على الاعضاء
لو انته حسيت بتهكم فان بعتذر لك
كل الموضوع انى عمرى ما شوفت الكلام دة نهائى
وبعدين يا سيدى الفاضل انا بكلم الناس هنا زى ما نكون بنعرف بعض من مليون سنه
رجاله الدايو اسرة واحدة
وانا بعتذرلك لو كنت اخطاءت فى طريقه استخدام الكلمات
بس انا اتعرضت لموقف انى اشتريت مقص ctr من ابو 175 جنيه على انه ممتاز ونزلت فى بلاعه حاجه عاديه جدا
المهم بتاع الزوايا يقولى زرجينه العجله خارجه اتنين سم ونص والى يقولى اكتر العفشجى يقولى لازم نعمل زجينه
وانا كل واحد يقولى زجينه اتجن
روحي جايب المقص الى انا فكه القديم ومركبه وروحت لواحد بتاع زوايا محترم ظبط الزوايا وانتهت القصه
لو كنت مشيت ورا كلامهم كنت اتبهدلت
خاصه انى روحت عند سمير على فى الحرفيين علشان اظبط الشاسيه كمبيروتر وفضل الله انه ادانى معاد بعدها باسبوع كنت انا غيرت المقص وبقت فل
ابعاد العجل والزوايا اللمسه من مركز الزاويه تقلب الدنيا بعدها بخمسه سم
مش الزرجينة دي بتتعمل اصلا على المقص يا lanos2004 ؟
فى الانوس بيعملوها على الركبه
بيتنى الركبه شويه للداخل ولما تيجى تغير المقص بعدها تلاقى العجل لم لجوة والعجله بقت على سيف الكاوتش وقالبه
وبعدين اى عربيه لو بمليون جنيه مع الوقت العجل بيرحل سم او سم ونص ودة شىء معروف وميضرش اصلا
اتفرج على اى مرسيدس b160
وقولى ايه رايك فى العجل هتحسها بقت 127 بس بدل ما العجل كاتب 7 كاتب 8
طيب انا عندي بتاع الزوايا قال لي العربية عايزة زرجينة و سبته و مشيت هل بلاش منها فعلا ؟
احسن مكان روحتلة لظبط الزويا هو كالتكس جسر السويس ناس فاهمة و عندهم ضمير
اظن اللوجان احسن من الاتنين فيرنا ولانوس انا لو مكانك حاعمل كده شكرا
لأنك جايب العربية مستعملة ياكريم فلازم تصرف عليها حتى لو بي ام..طب منا أخو واحد صاحبي جايب فيرنا مستعملة فاضله شوية ويعيط على المصاريف اللي كل يوم بيصرفها على العربية..فمش شرط يعني.
أعرف واحد كان جايب بي ام زيرو وغيرلها علبة دريكسيون في التوكيل بعد 3000 كيلو تقريبا عادي يعني.