احتاج مساعدة لشراء سيارة

**mooonlight** · 26-10-2013 01:35 PM

السلام عليكم :)

يا جماعة انا عايزة اجيب عربية ودي اول مرة و هاجيب اوتوماتيك
بس اولا انا محتارة بين هيونداي اكسل 1998 او 1999 و بين هيونداي اكسنت برضه 1998 او 1999
ياريت تفديوني اني احسن لاني لاحظت اسعارهم قريبة من بعض

ولو في اقتراحات تانية يعني في ناس قالتلي اوبل كورسا 1998 او كيا شوما 2000 ياترى ايه الاحسن في الاربعة دول ؟؟ مع العلم الميزانية بتاعتي 40000 كحد اقصي

شكرا جدا ومنتظرة الردود :)

**Amr Elshamy** · 26-10-2013 02:51 PM

كيا شوما عربيه محترمه جدا وشكلها حلو
انا عن نفسي افضل الكورسا بس عيبها مافيش منها اتوماتيك

**أحمد جودة** · 26-10-2013 04:02 PM

ملحوظة .......... بغض النظر عن انها كونها أول عربية بس ياتري العربية اللى هتشتريها دلوقتي ناوية على أنها تفضل معاكي وقت طويل ولا اية .......... تفرق فى الاختيار

لو حابة تخلي العربية معاكي فترة طويل يبقي هاتي ماركة

(( ألماني ..... ياباني .... فرنساوي ))
(( سكودا..... تويوتا.... بيجو ))

متابع

**samyomar** · 26-10-2013 08:40 PM

نصيحه بلاش الاوتوماتيك فى الموديلات القديمه و خصوصا الكورى . مشاكلها كتيره و صيانتها صعبه جدا . دورى على عربيه مانوال موديلات من 2000 الى 2006 فى الاكسنت عربيه فى منتهى الروعه و مشاكلها نادره جدااااااااااا . اهم حاجه تكشفى على العربيه كويس جدا عن طريق ناس متخصصين . ان كان ولابد اتوماتيك يبقى متركبيش اقل من فيرنا و تكون 1600 cc . بالتوفيق ان شاء الله

**mooonlight** · 27-10-2013 01:52 AM

شكرا جدا جدا جدا لكل اللي ردوا عليا و افادوني
انا كدة عرفت ان ابعد تماما عن الاكسنت والاكسل اوتوماتيك قديم
بس انا لازم اوتوماتيك علشان اريييييييح و يكون في حدود 40000 هل هناك اي اقتراحات ؟

**samyomar** · 27-10-2013 10:22 PM

المشاركة الأصلية كتبت بواسطة mooonlight

شكرا جدا جدا جدا لكل اللي ردوا عليا و افادوني
انا كدة عرفت ان ابعد تماما عن الاكسنت والاكسل اوتوماتيك قديم
بس انا لازم اوتوماتيك علشان اريييييييح و يكون في حدود 40000 هل هناك اي اقتراحات ؟

اولا لا شكر على واجب كلنا هنا علشان نفيد و نستفيد
ثانيا انا معاكى ان الاوتوماتيك ارييييييييييييييييح بكتير و لكن ده لما بتكون عربيه سليمه جدا و الفتيس بتاعها مفيهوش مشاكل نهائى . لان مشاكل الفتيس الاوتوماتيك لو حدثت فبتكون متعبه جدا و هترهقك ماديا و نفسيا و عصبيا كمان .
فى رايى المتواضع قدامك حل من اتنين : اولا :- انك ترفعى رنج السعر قليلا لحد 45 او 50 الف و بكده ممكن تلاقى حاجه فيرنا اوتوماتيك محترمه تريحك بجد و مفيش مشاكل معهوده فى فتيس الفيرنا على حد علمى و محدش اشتكى منه . ثانيا :- لو المبلغ مش هيذيد عن 40 يبقى نصيحتى تدورى على فيرنا مانوال او اكسنت 2005 أو 2006 الشكل القديم عربيات فى منتهى الروعه و اعطالها فى غاية الندره و مريحه جدا فى صيانتها . فى جميع الحالات لا تنسى اصطحاب فنى متخصص و امين معاكى و انتى بتشترى يكشف على العربيه كويس جدااااااااااااااااااااااا ا . ربنا يوفقك ان شاء الله و ابقى طمنينا

**Ashraf_Ibrahim** · 28-10-2013 01:54 AM

ممكن لانسر تسعينات
سيفيك تسعينات برده
فيكترا - فورد مونديو
وانا برده كنت بقلب في كونتاكت فشوفي العربية دي

http://www........cars.com/usedcars_...?CarID=1411400

**samyomar** · 29-10-2013 01:55 AM

المشاركة الأصلية كتبت بواسطة mooonlight

ربنا يكرم حضرتك على النصيحة :)
انا اخري بجد 45000 بس هل الفيرنا افضل ولا النوبيرا لأن الفيرنا ثباتها مش كويس وانا سريعة في السواقة ؟؟ و كعربية عمتا مش بس ثبات بس الافضل ايه الفيرنا ولا النوبيرا؟

النوبيرا افضل من حيث الثبات و الاتساع الداخلى و حجم الشنطه و الشكل الخارجى ( أقيم من الفيرنا ) ,
الفيرنا افضل من حيث التسارع و السحب و قوة التكييف (تلاجه بمعنى الكلمه و مش بيأثر على سحب العربيه ) ,
اما من حيث سعر اعادة البيع و اسعار قطع الغيار و سهولة الصيانه فالعربيتين زى بعض بالضبط مفيش اختلاف كبير ,
كلامنا طبعا هنا على الفيرنا ال 1600 cc ( لان ال 1300 ضعيفه شويه ) , , و عن النوبيرا المانوال ( لان هناك شكاوى متكرره من فتيس النوبيرا الاوتوماتيك ) , ربنا يوفقك للى فيه الخير ان شاء الله

-

الموضوع: احتاج مساعدة لشراء سيارة

LinkBack

أدوات الموضوع

عرض

-

-

-

-

-

-

المواضيع المتشابهه

احتاج مساعدة لاتخاذ قرار

احتاج مساعدة فى موضوع النور

طلب مساعدة لشراء سيارة

احتاج مساعدة في الرشاشات

اريد مساعدة لشراء سيارة مستعملة

الكلمات الدلالية لهذا الموضوع

المفضلات

المفضلات

ضوابط المشاركة