ممكن حد يساعدنى بخصوص العربيه

**dina123** · 27-10-2013 01:00 AM

السلام عليكم
انا عايزه من حضراتكو مساعده لانى مش فاهمه اى حاجه فى موضوع العربيات دا
انا معايا سوزكى التو 1100 بتكيف موديل 2007 استخدامى ليها قليل وداخل المدينه بس
هى عامله 11 الف كيلو
مشكلتى انى فعلا عمرى ما عملتلها صيانه واول مره اعرف موضوع الصيانه دا من موضوع فى المنتدى هنا
انا غيرتيلها فلتر وزيت وغيرت البطاريه بعد ما جبتها ب 3 سنين وجبت بطاريه جافه ومعرفش ايه فرقها عن القديمه وبخلى بتوع البنزينه يشوفهالى ويظبط ضغط الكاوتش وكدا بس استعمالى كان يدوب مشاوير الجامعه ولو خرجت شوبينج او حاجه بس مش اكتر
هل كدا انا مهمله فيها وهل محتاجه حاجه اعملها و ايه موضوع صيانه ال 10000 دا
وفى توكيل لسوزوكى فى القاهره غير بتاع ابو رواش دا لانه بعيد اوى عنى
وهل لو طلعت بيها السخنه او مارينا هل عادى ولا مش هتستحمل ؟ وايه اللى اعمله قبل ما اسافر غير انى اشيك على الكاوتش ؟

معلش اسالتى كتير بس فعلا بعد لفه فى المنتدى هنا حسيت انى مهمله اوى فى العربيه وخايفه تبوظ منى ولا حاجه

**kazamodia** · 27-10-2013 01:13 AM

طبعا غلط جدا انك مغيرتيش زيت من 6 سنين ده كتير اوي المفروض الزيت يتغير حسب نوعة يعني بعد 5000 او 10000 كيلو او بعد 6 شهور ايهما اقرب
افضل حاجة انك تروحي بنزينة شل تغيري لزيت شل 10000 في اقرب فرصة ومش لازم توكيل وخير ان شاء الله وربنا يستر على الموتور ومتسافريش ببيها دلوقتي لحد ما نشوف الموتور اخباره ايه

**dina123** · 27-10-2013 01:24 AM

المشاركة الأصلية كتبت بواسطة kazamodia

طبعا غلط جدا انك مغيرتيش زيت من 6 سنين ده كتير اوي المفروض الزيت يتغير حسب نوعة يعني بعد 5000 او 10000 كيلو او بعد 6 شهور ايهما اقرب
افضل حاجة انك تروحي بنزينة شل تغيري لزيت شل 10000 في اقرب فرصة ومش لازم توكيل وخير ان شاء الله وربنا يستر على الموتور ومتسافريش ببيها دلوقتي لحد ما نشوف الموتور اخباره ايه

لا انا غيرت الزيت والفلتر بعد ما استلمتها ومرتين بعدها فى ال6 سنين بس بزيت موبيل لانها اللى جنب البيت

**AHMADALY1999** · 27-10-2013 04:43 AM

هو فعلا لغاية دلوقتى مفيش غير زيت و فلتر
مفيش مشاكل تسافرى بيها
و فى صيانة ال 10 الاف اللى فاتتك مكانوش حيعملوا اكتر من كدا
بس طالما تقدرى تتابعى فى التوكيل بعد كدا يعنى عند ال 15 الف و ال 20 و هكذا كل 5 الاف يبقى تمام
لو مش حينفع يبقى اكتبى كل حاجة فى اجندة فى العربية بالتاريخ و المسافة و عند كل 5 الاف اسئلى هنا و حيقولولك ايه المفروض يتعمل
لان مثلا عند ال 20 الف البوجيهات حتتغير و فلترا الهوا و البنزين مش اكتر بجانب تغير زيت و فلتر ماتور