نيسان صني الشكل الجديد ولا بيجو 301؟

**Mostafa_ENG911** · 28-10-2013 10:43 PM

المشاركة الأصلية كتبت بواسطة mohamedarazak

ال 301 حتى الان زى البطيخة يعنى لو هتجبها انت و حظك.
و النيو صنى الناس اللى جبتها بتلعن و تسب فيها.
نصيحتى شوف اختيار تانى

انا معاك في الرأي ده، بس فئة السعر ده النهاردة لا تعطي اختيارات كتير لان البديل اسوء مثل الكيا ريو و عملاق التزحلق علي الجليد "الاكسنت"

**Ahmed_selmy** · 28-10-2013 10:45 PM

المشاركة الأصلية كتبت بواسطة edodahab

بص يا باشا من الاخر العربيات اللى فى السعر دة ليها عيوب و مميزات و اكيد كل واحدة تتميز على التانية فى حاجات و كل واحد بيختار الانسب
الصنى تتفوق على البيجو فى الوسع و الارتفاع و الانتشار نعومة العفشة و الفتيس و الباور و استهلاك البنزين و التوكيل و توافر و اسعار قطع الغيار و سعر اعادة البيع
اما البيجو تتفوق على الصنى فى الشكل الخارجى و فخامة التابلوه و جودة التقفيل و قوة الموتور و التسارع و الثبات على السرعات فوق ال ١٤٠
شوف تحضرتك ايه المناسب ليك و هاته و العربيتين حلوين و ربنا يكفيك شر الطريق
باختصار لو عايز عربية عائلية عملية و موفرة و متتعبكش و هى معاك ولا لما يحصلها حاجة او لما تحب تبيعها هات الصنى
اما لو عايز حاجة فخمة و شيك و حابب تجرى شوية هات البيجو
و هقولك نصيحتين
اولا اركب الاتنين و شوف بنفسك انت مرتاح فى انهى و صلى استخارة قبل ما تشترى
ثانيا متاخدش كلام على اى عربية غير من صاحبها عشان هنا فى المنتدى هتلاقى ناس كتير بتفتى و هى متعرفش حاجة و ليها مصالح و اخر حاجة ممكن يفكروا فيها هى خدمة الاعضاء و لو سبت نفسك ليهم عمرك مهتشترى اى عربية من كتر الهرى و الشتايم
ربنا يوفقك للخير

+1111111111111
اهم حاجه تكون مقتنع تماما بالحاجه اللى حتجبها ومتعتمدش على كلام الناس