ان شاء الله نويت علي الهجره بس مش عارف ابتدي منين

**mastr_n** · 27-10-2013 04:48 PM

المشاركة الأصلية كتبت بواسطة korkor

هو ايه الموضوع اللى مكتوب بالحبر السرى ده

الأدارة حذفت المشاركات السياسية
الموضوع كان هايقلب سيسى مرسى وانت بقى عارف الباقى كان هيتحول لمعارك سياسية

**saddam** · 27-10-2013 04:55 PM

صديقي المواطن
مصر لو فضلت كده كام سنة كمان بسوء اﻷخلاق التي تسود الموقف وجيل التكاتك لما حيكبر خلال 10 سنين ساعتها الهجرة من البلد حتكون إجباري من البلد لكل إنسان بيحترم نفسه وليست إختياري زي دلوأتي
وبالتوفيق وإلى اﻷمام ومن نصر إلى نصر ودمتم للنضال
اللجوء الصح هو كندا ثم النرويج ثم أستراليا والسويد مش أوي

**Bassem Youssef** · 27-10-2013 08:37 PM

شكرا لحذف المشاركات السياسيه

**prof2013** · 27-10-2013 09:36 PM

احسن بلد للهجرة دالوقتي من وجهه نظري الشخصيه هي سيناء سيبك لا تقولي نرويج ولا دنمارك ولا امريكا حتى
كلها يومين وواحد ينشنا رصاصه ونتكل على الله ههههههههههههههههههههه

**mohamed_selim** · 27-10-2013 09:56 PM

الموضوع يا ساده يا مشرفين مينفعش ينفصل عن واقعنا السياسى .... لو المشاركات السياسيه ممنوعه يبقى غلق الموضوع من اصله اولى .... دمتم للنضال على راى صديقنا صدام

غير مسموح بالتعليق على المداخلات الإداريه
ومخالفه ذلك يعرضك للإيقاف
يرجى مراجعه قواعد المنتدى
مشرف 9 ب
28/10/2013
11:44am

**buksh** · 28-10-2013 12:16 AM

نصيحتى ليك المانيا ليا 2 قرايبى هناك وبيقولولى الدنيا هناك حلوة اوى وزى ما بتشتغل بتاخد على قد شغلك مافيش نصب مافيش معاملة عنصرية مرتبك بتاخده بما يرضى الله بيقولى كل واحد فى حاله وناس مثقفين جدا جدا ومحترمين اوى
ده مش كلامى ده قريبى وشغال هناك فى مصنع لقطع غيار السيارات
تحياتى

**zico707** · 28-10-2013 12:29 AM

قكر في دول جنوب شرق اسيا زي ماليزيا واندونيسيا وتايلاند وفيتنام فيها potential حلو للتجارة واكل العيش لو معاك راس مال كويس ممكن تبدا مشروع هناك
وكان فيه موضوع جميل للاخ ابو رقية بيتكلم عن ماليزيا
http://www.nilemotors.net/Nile/234718-a.html

**Bassem Youssef** · 28-10-2013 12:37 AM

المشاركة الأصلية كتبت بواسطة buksh

نصيحتى ليك المانيا ليا 2 قرايبى هناك وبيقولولى الدنيا هناك حلوة اوى وزى ما بتشتغل بتاخد على قد شغلك مافيش نصب مافيش معاملة عنصرية مرتبك بتاخده بما يرضى الله بيقولى كل واحد فى حاله وناس مثقفين جدا جدا ومحترمين اوى
ده مش كلامى ده قريبى وشغال هناك فى مصنع لقطع غيار السيارات
تحياتى

انا ممكن اتعلم الماني بسهوله لان عندي خلفيه عنه
بس هل طلب هجره مثلا هيتقبل حاليا ؟ و هيتكلف كام ؟ او حتي عقد عمل مثلا ؟

المشكله كمان ان احنا معانا شويه شهادات نبيع بيها ترمس علي الساحل
علي الاقل معظمنا كده

و ربنا يخلي لينا التعليم المصري المجاني

**eslamrace** · 28-10-2013 01:30 AM

قرعه الهجره للولايات المتحده مفتوحه حاليا ممكن تقدم وانت وحظك بالتوفيق وكان فى موضوع هنا فى المنتدى حاطط رابط التقديم ممكن تبص عليه .

**khaled_sabry** · 28-10-2013 02:10 AM

المشاركة الأصلية كتبت بواسطة buksh

نصيحتى ليك المانيا ليا 2 قرايبى هناك وبيقولولى الدنيا هناك حلوة اوى وزى ما بتشتغل بتاخد على قد شغلك مافيش نصب مافيش معاملة عنصرية مرتبك بتاخده بما يرضى الله بيقولى كل واحد فى حاله وناس مثقفين جدا جدا ومحترمين اوى
ده مش كلامى ده قريبى وشغال هناك فى مصنع لقطع غيار السيارات
تحياتى

اللى اعرفه ان اوروبا كلها تقريبا قافله باب الهجره اصلا و مش مسموحه الا للى طالع فى بعثه دراسه و لا حاجه كده
اللى اعرفه ان الدول النضيفه و فاتحه باب الهجره هى كندا و استراليا - و الاتنين صعوبتهم انك لازم تجيب درجه معينه فى امتحان ايتلس
و فيه ماليزيا زميلنا (ابو رقيه) بيشكر فيها جدااا و كان عامل اكتر من موضوع كامل عنها
اما روسيا فبلاش لأن اقتصادها واقع اكتر مننا و الروس هما اللى بيهاجرو مصر و حتلاقيهم قد كده فى الغردقه
اوكرانيا ماسمعتش ان حد بيهاجر ليها - بس فيها بنات حلوه اوى

الموضوع: ان شاء الله نويت علي الهجره بس مش عارف ابتدي منين

LinkBack

أدوات الموضوع

عرض

-

-

-

-

المواضيع المتشابهه

نويت إن شاء الله أشد اللانوس

نويت اجيب قشقاى بس الوكيل والمصريه وكله بالحجز اشتريها منين من الاسكندريه؟؟

نويت عالفلوانس إن شاء الله

نويت اشترى كاميرا ومش عارف انواعهم ....

نويت ان شاء الله على الاوكتافيا

الكلمات الدلالية لهذا الموضوع

المفضلات

المفضلات

ضوابط المشاركة