بخصوص فليوانس 2011

**elzayett** · 27-10-2013 02:09 PM

السلام عليكم
انا اشتريت فليوانس 2011 مستعملة .....هيا فول اوبشن بفتحة السقف انا عايز اعرف مش المفروض انها تكون زينون لانى مش شايف ان انوارها زينون و لو حبيت اغيرها لزينون اعمل اية ... تانى حاجة المدخل بتاع الولاعة الى فى التابلوة الى قدام مش شغال دا سهل تصليحة ولا لا ....... 3- الكاسيت دخلت فية سي دى و كل ما اضغط على زرار انى اخرجة مش بيرضى .....4- بتطلعلى رسالة ان بطارية المفتاح عايزة تتشحن يا ترا لو حطيتها فى الفتحة بتاعتها فى التابلوة تشحن ولا لأ

و شكرا و اسف للتطويل

**تامر.محمد** · 27-10-2013 02:18 PM

.هيا فول اوبشن بفتحة السقف انا عايز اعرف مش المفروض انها تكون زينون لانى مش شايف ان انوارها زينون و لو حبيت اغيرها لزينون اعمل اية

اللي اعرفه ان مافيش فلوينس قبل الفيس ليفت نزلت بزينون خالص
عايز تركب لها زينون
ممكن تمشي في الطريق اللي اغلب الناس بيمشوه , تركبه في اي محل اكسسوارات و دي قصة تانية
و ممكن تسأل التوكيل تشوف ايه الظروف و تحكم بنفسك لأن هايبقى فيه فرق تكلفة طبعا لو عندهم اصلا

ملحوظة : غالبا فانوسك على عاكس مش على عدسات
الافضل للزينون انه يتحط على عدسات , فلو قدرت تغير فوانيسك بفوانيس فلوينس فيها عدسات , او تعدل الفوانيس و تركب فيها عدسات يبقى احسن , لكن طبعا الاتنين تكلفة

**horas3000** · 27-10-2013 04:14 PM

الف مبروك يا زعيم
و انت كده معاك الفئه e3 s
و الزنون كان بينزل في ال e4 بس و غالبا لو عايز تركب الاصلي هتغير الفانوس كله و اعتقد الواحد عامل في حدود ال 6000 جنيه
الحل تركبه بره بس هتعمي الناس لو معندكش عدسات
موضوع الولاعه امره سهل ان شاء الله و غالبا فيوز
موضوع ال cd اعتقد ده عيب شائع و حصل لاكتر من حد و حله في التوكيل
البطاريه لو اتكرر الموضوع ده كتير يبقي غالبا هتتغير و حاول تبقي تستخدم الكرتين عشان بطارياتهم متبوظش من الركنه