استلمت العربيه من يوم 10/10 ولسه مستلمتش الورق ومش عارف اعمل ايه؟؟؟!!!!!!

**mans336** · 27-10-2013 06:53 PM

السلام عليكم ورحمة الله وبركاته
انا استلمت العربيه يوم 10/10 من موزع بيجو اللى فى الحصرى
وقاللى انى هستلم الورق بعد العيد على طول
ومن ساعتها خدت العربيه وركنتها فى الجراج وغطيتها علشان لسه مستلمتش الورق
المهم لحد دلوقتى كل يوم اكلمه يقولى ناقص ورقة شهادة البيانات بتاعة المرور اللى بتيجى من الدراسه
وراكن العربيه من ساعتها ومقضيها مواصلات
هل ده طبيعى التأخير ده كله فى الورق؟؟؟؟؟
ولو ده طبيعى اعمل ايه علشان انا زهقت؟؟؟؟
ولو كده مش المفروض انه يجيبلى نمر تجاريه ولا الموزعين مش زى المعارض؟؟؟؟
وشكرااااااااااااااااااااا ا

**maxx** · 27-10-2013 07:22 PM

متابع ... جداً

**Ahmedshalaby** · 27-10-2013 07:37 PM

الطبيعي الورق بييجي في خلال اسبوع لكن طبعا اسبوع العيد و الانتخة هما اكيد السبب في اطالة المدة كده

**mahmoud_afifi** · 27-10-2013 08:25 PM

حصلت مع اخويا بس في ستروين الورق اتأخر فتره طويله جدا مع ان ماكانش في اجازات ساعتها. والكتالوج اتأخر كمان فوق الشهرين

**zsecsqxsw** · 27-10-2013 09:53 PM

المشاركة الأصلية كتبت بواسطة mans336

السلام عليكم ورحمة الله وبركاته
انا استلمت العربيه يوم 10/10 من موزع بيجو اللى فى الحصرى
وقاللى انى هستلم الورق بعد العيد على طول
ومن ساعتها خدت العربيه وركنتها فى الجراج وغطيتها علشان لسه مستلمتش الورق
المهم لحد دلوقتى كل يوم اكلمه يقولى ناقص ورقة شهادة البيانات بتاعة المرور اللى بتيجى من الدراسه
وراكن العربيه من ساعتها ومقضيها مواصلات
هل ده طبيعى التأخير ده كله فى الورق؟؟؟؟؟
ولو ده طبيعى اعمل ايه علشان انا زهقت؟؟؟؟
ولو كده مش المفروض انه يجيبلى نمر تجاريه ولا الموزعين مش زى المعارض؟؟؟؟
وشكرااااااااااااااااااااا ا

على فكرة انا نفس كلام حضرتك بالمللي ... واستلمت برده من الموزع اللي في الحصري

وقبل العيد علطول .. وقاللي انه الورق هيجي بعد العيد برده علطول .. يا سبت او احد

:d :d ولحد دلوقتي لسة .. واقفة على شهادة البيانات من المرور

لسة مكلمه النهاردة وقالي نفس الكلام ...!

مش عارف الواحد يعمل ايه بصراحة .. يا رب الورق يجي بكره مع الورق اللي هيخلص والواحد يعرف يتحرك ذي بقيت البني ادمين

وسألته على كتيب الضمان وكده .. قاللي اني هستلمه في الصيانة الاولى هنالك .. مش عارف بقى ايه الكلام

**mans336** · 27-10-2013 09:58 PM

المشاركة الأصلية كتبت بواسطة zsecsqxsw

على فكرة انا نفس كلام حضرتك بالمللي ... واستلمت برده من الموزع اللي في الحصري

وقبل العيد علطول .. وقاللي انه الورق هيجي بعد العيد برده علطول .. يا سبت او احد

:d :d ولحد دلوقتي لسة .. واقفة على شهادة البيانات من المرور

لسة مكلمه النهاردة وقالي نفس الكلام ...!

مش عارف الواحد يعمل ايه بصراحة .. يا رب الورق يجي بكره مع الورق اللي هيخلص والواحد يعرف يتحرك ذي بقيت البني ادمين

وسألته على كتيب الضمان وكده .. قاللي اني هستلمه في الصيانة الاولى هنالك .. مش عارف بقى ايه الكلام

طيب بردو ايه العمل؟؟؟؟
لو الواحد واخد العربيه من اى معرض كان خد نمر تجاريه بالعافيه لحد ما يجيبو الورق
حرام لما اركن عربيه جديده بقالها 17 يوم متحركتش
انا هروح لماجد بكره اللى هناك واشوف حل بقى
ياريت لو انت كمان تروحله ونقلب الدنيا علشان يتصرفلنا فى نمر نمشى بيها

**zsecsqxsw** · 27-10-2013 10:06 PM

المشاركة الأصلية كتبت بواسطة mans336

طيب بردو ايه العمل؟؟؟؟
لو الواحد واخد العربيه من اى معرض كان خد نمر تجاريه بالعافيه لحد ما يجيبو الورق
حرام لما اركن عربيه جديده بقالها 17 يوم متحركتش
انا هروح لماجد بكره اللى هناك واشوف حل بقى
ياريت لو انت كمان تروحله ونقلب الدنيا علشان يتصرفلنا فى نمر نمشى بيها

المشكلة انه انا كلمت ماجد فعلا .. وقلتله مش ينفع كده وكذا وكذا ...

وقالي انه مفيش حاجة يقدر يعملها بنفسه
(( النمر التجارية سألته عليها اول ما اخدت العربية وقاللي مش عندهم ..!! ))

وانه من جهة (( من جهة ورق المعرض فكله خلصان تماما .. من اسبوع كمان ))

بس قالي لو عايز ممكن انت تروح المرور وتخلص الورق بنفسك

ولكن انهم كمعرض بيكون تخليصه اسهل وبتاع ..

المشكلة انه انا لو حبيت فعلا اخلصه بنفسي بيكون فين الكلام ده يعني في اي مرور ولا فين ؟!!

**mans336** · 27-10-2013 10:16 PM

معرفش حاجه عن موضوع ان الواحد يخلص الورق بنفسه
والله اللى شفته طول حياتى ان المعرض اللى بيجيبلك الورق ولو الورق اتأخر بيجيبلك نمر تجاريه تمشى بيها لحد ما يخلصلك الورق

**zsecsqxsw** · 27-10-2013 10:24 PM

المشاركة الأصلية كتبت بواسطة mans336

معرفش حاجه عن موضوع ان الواحد يخلص الورق بنفسه
والله اللى شفته طول حياتى ان المعرض اللى بيجيبلك الورق ولو الورق اتأخر بيجيبلك نمر تجاريه تمشى بيها لحد ما يخلصلك الورق

ده الي المفروض يحصل .

عموما خير ان شاء الله الحاجة تيجي بكره بإذن الله

الحقيقة انا مش عارف الواحد يعمل ايه ولا يتصرف الزاي .. خايف لا يكون يوم ولا اثنين وناخد الورق ويا دار ما دخلك شر

هو ماجد شخصية محترمة عموما .. ولو فيه حاجة في ايده كان عملها (( لاني كلمته اكثر من مرة قبل كده وكلامه كان التأخير من المرور مش منهم ابداااااا وانه ورق المعرض جاهز بقاله فتره ... ولكن المشكلة في العدد الكبير للعربيات اللي ورقها بيطلع وفي المرور بيكون كوسه كله على بعضه مش بنظام مين قبل مين ده اللي قاله ليا ))

لو لحضرتك رأي ثاني يريت تشاركني بيه ؟

"" اللهم اني فوضت امري اليك ""