ارجو المساعدة بخصوص كاسيت لانسر بوما 2013انا لسة مشتري العربية بس بصراحة شكل الكاسيت

**rawman2015** · 27-10-2013 07:14 PM

انا لسة مشتري العربية بس بصراحة شكل الكاسيت مش عاجبني
ارجو من حضراتكم ترشيح كاسيت يليق بالعربية ويكون في شاشة dvd ويكون شكله كويس وهل ينفع يركب مكان الكاسيت القديم ياريت لو حد يقدر يساعدني يقول النوع وصورة للكاست وسعره

**muhmado_furp** · 27-10-2013 08:06 PM

حضرتك هات كاسيت بيونير ويكون دي في دي وكمان جي بي اس وتكون خبطة مره واحده
حضرتك ممكن تشوف التوكيل وتكلمهم وتسألهم
اعتقد حاجه بالمواصفات دي هتعمل 2500 تقريبا بس مش متأكد
حضرتك اعمل جولة في قسم الصوتيات وهتلاقي كلام كتير
علي فكره انا بفكر معاك لاني مش خبره اووي في موضوع الصوتيات ده
وبالتوفيق

**mohamedxsayed** · 28-10-2013 12:34 AM

البيونير مفيهوش جى بى اس انا سألت برضه عليه
بيبدأ سعره من 2600 ومعاك فرق الموديلات لغايه 3900 جنيه
بس أسال فى التوكيل الاول بيركبوه ولا لا عشان متخسرش ضمان الكهربا

**rawman2007** · 28-10-2013 11:28 AM

الف شكر يارجالة بس السعر عالي شوية هل في انواع ارخص من كدة شوية

**Dragon78** · 29-10-2013 08:22 AM

ياجماعه ماينفعش يركب كاسيت دي في دي في العربيه البومه .. عشان مكان الكاسيت 1 Din وكل الدي في دي اللي في السوق بتحتاج مكان 2 Din وصعب تعديل مكان الكاسيت عشان مفاتيح التكييف اللي تحتيه , هو في ناس عاملينها .. بس بتحتاج تشتري حاجه Custom كده من على النت عشان تركب ومحتاج صنايعي شاطر عشان يقدر ينزلك مفاتيح التكييف مكان الدرج الفاضي .. وأعتقد واحد لسه شاري العربيه جديد مش هيخاطر ويعمل كل الكلام ده .. في موضوع معمول عن تركيب الدي في دي موجود هنا في المنتدى ياريت تقروه .

مافيش دي في دي ينفع يركب في مكان 1 Din غير نوع واحد بس كده من كينوود في شاشه بتدخل وتطلع وقت التشغيل بس أعتقد انه مش عملي لأنه هايبوظ بسرعه .

أو ممكن اللي عايز يركب كاسيت DVD أي نوع ويركب هو شاشه منفصله بقى في مكان تاني (على الإزاز أو على المرايا ) .

**muhmado_furp** · 30-10-2013 10:47 PM

المشاركة الأصلية كتبت بواسطة dragon78

ياجماعه ماينفعش يركب كاسيت دي في دي في العربيه البومه .. عشان مكان الكاسيت 1 din وكل الدي في دي اللي في السوق بتحتاج مكان 2 din وصعب تعديل مكان الكاسيت عشان مفاتيح التكييف اللي تحتيه , هو في ناس عاملينها .. بس بتحتاج تشتري حاجه custom كده من على النت عشان تركب ومحتاج صنايعي شاطر عشان يقدر ينزلك مفاتيح التكييف مكان الدرج الفاضي .. وأعتقد واحد لسه شاري العربيه جديد مش هيخاطر ويعمل كل الكلام ده .. في موضوع معمول عن تركيب الدي في دي موجود هنا في المنتدى ياريت تقروه .

مافيش دي في دي ينفع يركب في مكان 1 din غير نوع واحد بس كده من كينوود في شاشه بتدخل وتطلع وقت التشغيل بس أعتقد انه مش عملي لأنه هايبوظ بسرعه .

أو ممكن اللي عايز يركب كاسيت dvd أي نوع ويركب هو شاشه منفصله بقى في مكان تاني (على الإزاز أو على المرايا ) .

حضرتك كلامك سليم طبعا
بس الكاسيت دي في دي الي بشاشة بتخرج وتطلع في انواع غالية وعملية
وفي انواع رخيصه
فطبعا الافضل الاغلي

**iNjECTOR** · 30-10-2013 11:35 PM

السلام عليكم اخى العزيز
بداية اذا كان الكاسيت الموجود هو Telefunken فورا وبدون تردد اهبط بالبارشوت فوق دماغ التوكيل علشان بداية يغيرهولك بـــ Kenwood وبعدين ابقى غير ذى منتا عايز