50% مجانا عاااااااااش te data

**AhMeD MeTwAlY** · 27-10-2013 11:19 PM

فاكس شركات بتحاول تجيب عمﻻء باي وسيله والسﻻم وستظل الخدمه محدوده
الناس شغال بالميجا وانا بنتكلم فؤ الكيلو بايت

**S O P H O S** · 29-10-2013 01:28 PM

مفيش عروض كويسة
كل هدفهم ان العملاء الحاليين يحولوا للعرض ده
وبعدين يفقدوا انهم سرعة غير محدودة التحميل
ويبقوا وصلوا لهدفهم ان جميع العملاء الحالين والجدد سرعة عالية
ولكن محدودة بأختلاف السعة
فرأي مفيش عروض من الاساس ..

**midoabdeen** · 29-10-2013 01:32 PM

المشاركة الأصلية كتبت بواسطة s o p h o s

مفيش عروض كويسة
كل هدفهم ان العملاء الحاليين يحولوا للعرض ده
وبعدين يفقدوا انهم سرعة غير محدودة التحميل
ويبقوا وصلوا لهدفهم ان جميع العملاء الحالين والجدد سرعة عالية
ولكن محدودة بأختلاف السعة
فرأي مفيش عروض من الاساس ..

بالظبط كده الله ينور عليك

هما عايزين يوصلوا ان الناس كلها تكون على سرعات عاليه محدوده
يقوم يقولك ايه بقى
الباقات الغير محدوده اتلغت
بس لو العملاء كلها وقفت للشركه وقدمت شكاوى فيهم يمكن يخلوا عندهم دم

**besso** · 29-10-2013 07:10 PM

اه ياولاد الحراميه صحيح بيعرفوا يجيبوا القرش اازى

انا مشترك على نظام خصم 25% على السرعات الغير محدوده والراوتر خصم 50 % والعرض ده اللى كان فى الصيف وما ينفعش الغيه لان فيه شرط جزائى هادفعه لو لاغيته قبل دفع 12 شهر يعنى مربوط ومش هاعرف اخلع منهم

**المنسي** · 29-10-2013 07:22 PM

انا استخدامى للنت فى البيت مجرد تصفح فقط لاغير ومشترك على سرعة 256 ومحدش يضحك عليا لان استخدامى للنت تصفح فقط ومش بعمل تحميل لحاجة لما ربنا كرمنى واشتريت 2 موبايل اندرويد ليا وللمدام وابتدينا ندخل من عليه من خلال wifi لقيت ان التصفح من على الموبايل بمثابة تحميل ولقيت نفسى بدفع فلوس زيادة فوق الاشتراك الشهرى العادى بتاعى فاضطريت انى اغير لسرعة 512 غير محدودة

**Ahmed Amin** · 29-10-2013 11:55 PM

المشاركة الأصلية كتبت بواسطة s a m a

للعملاء الحاليين
لأننا نقدرك كعميل عزيز لتي.إي.داتا إستمتع الآن بعروضنا التي تم تصميمها خصيصا لك.
تتيح عروضنا لك الفرصة للإستمتاع بسرعات أعلى وضعف سعات التحميل أوشهر مجاني وكل ذلك بدون أي مصاريف إضافية.
فلعملاء الباقات غير المحدودة يمكنك الآن كعميل على سرعة 512kbps الإستمتاع بأربعة أضعاف السرعة كما يمكنك كعميل 1mbps الإستمتاع بضعف السرعة بمجرد التجديد لمدة 3 أشهر وذلك بالحصول على باقات tal2a الجديدة وبنفس سعر باقتك الحالية بالإضافة إلى الحصول على ضعف سعة التحميل على tal2a. وإذا كنت أحد عملاء السرعات الأعلى يمكنك لحصول على شهر مجانا عند التجديد الآن لمدة 3 أشهر.
لعملاء tal2a يمكنك الآن الإستمتاع بضعف سعة التحميل عند التجديد لمدة 3 أشهر وبدون أية مصاريف إضافية.
وإذا كنت من عملاء optimum المشتركين على إحدى السرعات التي تصل حتى 8mbps يمكنك الإستمتاع بضعف سعة التحميل عند التجديد لمدة 3 أشهر، أما إذا كنت من عملاء السرعات 16mbps و 24mbps إستمتع الآن بشهرك المجاني.
جدد الآن وإستمتع بعروضنا الخاصة بك كعميل عزيز لتي.إي.داتا.

يعنى ال 512 عشان يضاعف السرعة لازم يتحول لنظام طلقة ؟
ياريت لو حد فاهم يفهمنا :-)

العرض دا أنا أشتركت فيها قبل كدا مرتين, وهوا حلو مش وحش,,

يعني أنا لما كنت 1 ميجا كنت بروح بدفع تلات شهور 1 ميجا مقدم وأخد تلات شهور بسرعة 2 ميجا,
وأبقي أستفدت من ضعف السرعة بنفس سعر السرعة ال 1 ميجا الأبطئ,,

والعرض التاني أني كنت ببقي علي سرعة 1 ميجا, وأروح أدفع 3 شهور مقدم, وأخد شهر مجاناً,
وأبقي وفرت أني أدفع 140 جنيه في الشهر الرابع,

يعني اللي أنا فهمته إن العرض الحالي أنك لو دفعتي 3 شهور مقدم علي سرعة 512 أو 1 ميجا
هتاخدي 3 شهور بسرعة أعلي الضعف يعني 1 ميجا لو كنتي 512, أو سرعة 2 ميجا لو كنتي علي سرعة 1 ميجا,

وبعد ما بيخلص العرض ويعدو ال 3 شهور,, بترجعي لنظامك الطبيعي والسرعة العادية,
وهوا عرض حلو لأن كدا كدا اللي موصل 1 ميجا أو 2 ميجا مش بتوصله كل السرعة اللي متعاقد عليها والنت أوقات كتير بطئ,, يعني العرض مفيد أني باخد سرعة أعلي بنفس تكلفة السرعة العادية بتاعتي.

**Ahmed Amin** · 29-10-2013 11:57 PM

المشاركة الأصلية كتبت بواسطة midoabdeen

بالظبط كده الله ينور عليك

هما عايزين يوصلوا ان الناس كلها تكون على سرعات عاليه محدوده
يقوم يقولك ايه بقى
الباقات الغير محدوده اتلغت
بس لو العملاء كلها وقفت للشركه وقدمت شكاوى فيهم يمكن يخلوا عندهم دم

بس العرض دا قديم وبيتعمل علي طول,, ومقالوش أنهم هيلغو الباقات الغير محدودة,
يعني انت هتدفع 3 شهور مقدم,, وهتاخد سرعة أعلي غير محدودة برضه
وترجع بعد ال 3 شهور دول علي السرعة القديمة الغير محدودة من غير مشاكل.