استخدمت مياه خضرا العربية حرارتها عليت عن الاول

السلام عليكم
كنتفى كارفور المعادى لقيت جركن المياه الخضراء ب 17 جنيه
جبت 3 جراكن وفضيت الردياتير وغيرت كل خراطيم دائرة المياه وركبت قربة وحطيت ميه خضرا لأول مره
الحمدلله الميه زى ماهية مش بتنقص خالص لاكن حرارة العربية كانت دايما على النص ايام المياه العادية الان معدية النص بشرطة يعنى فاضل شرطتين وندخل فى اللون الاحمر فى مؤشر الحرارة
معقوله المياه الخضرا ادائها اقل من المياه العادية بتاعة الحنفيه ولا المياه الخضرا اللىانا جبتها وحشه
بالمناسبة الميه اللى انا جبتها عليها علامه كارفور وشعار وان بتاع كارفور والجركن 4 لتر
العربية نيفا ثمانينات ولانى بحب العربية دى قررت اغيرلها الزيت المرة الجاية ان شاء الله بموبيل وان 10000
بس الاستفسار الرئيسى ايه سبب ان العربية حرارتها عليت لما غيرت للميه الخضرا؟

اكيد المياه مضروبه

الميه سواء خضرا او حنفيه ملهاش دعوه بمؤشر الحراره ... هل المروحه بتشتغل فى وقتها؟
ممكن يكون فى هوا فى دورة التبريد لو عربيتك فيها دورة تبريد مغلقه

المية دى مضروبة او ممكن تكون حطيت المية وماغسلتش دورة التبريد كويس فالمية الخضراء حلت الصداء اللى فى الموتور وبقى فيها رواسب كتير قللت سرعة دوران المية انصحك بغسيل الموتور والرادياتير الاول غسيل كيماوى فى البنزينة او بالفلاش وبعدين حط مية نظيفة توتال او موبيل علشان المية المضروبة بتبوظ الموتور تحياتى !!

اعتقد ان العربية مش دورة تبريد مغلقة والردياتير نحاس لانها موديل قديم ثمانينيات
بس هى الاول مكانتش محكمة ومكانش فيها قربة بفكر الغى القربة واجرب

اقتباس:

---

المشاركة الأصلية كتبت بواسطة aw2100

المية دى مضروبة او ممكن تكون حطيت المية وماغسلتش دورة التبريد كويس فالمية الخضراء حلت الصداء اللى فى الموتور وبقى فيها رواسب كتير قللت سرعة دوران المية انصحك بغسيل الموتور والرادياتير الاول غسيل كيماوى فى البنزينة او بالفلاش وبعدين حط مية نظيفة توتال او موبيل علشان المية المضروبة بتبوظ الموتور تحياتى !!

---

هجرب بس الميه لسه على لونهاما غيرتش للون صدء
هنزل الميه واعمل دورة غسيل واشوف

كمان على فكرة فتحت الردياتير وزودت بنزين لقيت التقليب جيد جدا

متابع ................. ونسبه التركيز فى الميه دى كانت كام %

اعتقد ان دى حاجة طارئة وهتروح لوحدها
بس معلش طالما انت حضرتك الردياتير نحاس لازم تعمل الاتى

اولا \ تجيب لتر جاز وتحط نصه وتقفل الغطا والعربية بارده وتدور شوية لغاية ما تبدا تسخن وتشيل الغطا وتحط بالخرطوم او جراكن ورا بعض ميا وتفضى قديم والجديد معاه بتملى من خلال فك خرطوم الميا بالموتور

ثانيا \ بعد ما تربط الخرطوم تكرر اولا تانى

ثالثا \ تغسل مكان الجاز بكيسين بريل كيس ورا كيس ومابينهم تنزل الميا من خرطوم الموتور لغاية ما مية الردياتير تبقى بلا صابون خالص يعنى بيضا

وبالتوفيق

انا عملت كده فى الهوندا والمازدا شرط ريداتير نحاس
الحراة بتبقى مثالية جدا بعدها

وبالتوفيق

اقتباس:

---

المشاركة الأصلية كتبت بواسطة hobyana47

السلام عليكم
كنتفى كارفور المعادى لقيت جركن المياه الخضراء ب 17 جنيه
جبت 3 جراكن وفضيت الردياتير وغيرت كل خراطيم دائرة المياه وركبت قربة وحطيت ميه خضرا لأول مره
الحمدلله الميه زى ماهية مش بتنقص خالص لاكن حرارة العربية كانت دايما على النص ايام المياه العادية الان معدية النص بشرطة يعنى فاضل شرطتين وندخل فى اللون الاحمر فى مؤشر الحرارة
معقوله المياه الخضرا ادائها اقل من المياه العادية بتاعة الحنفيه ولا المياه الخضرا اللىانا جبتها وحشه
بالمناسبة الميه اللى انا جبتها عليها علامه كارفور وشعار وان بتاع كارفور والجركن 4 لتر
العربية نيفا ثمانينات ولانى بحب العربية دى قررت اغيرلها الزيت المرة الجاية ان شاء الله بموبيل وان 10000
بس الاستفسار الرئيسى ايه سبب ان العربية حرارتها عليت لما غيرت للميه الخضرا؟

---

السلام عليكم ورحمة الله

باختصار لابد من عمل تنضيف بطريقتين:
1- عن طريق مادة التنضيف " فلش" , وتكون بتفريغ الريداتير من الماء عن طريق الحنفيه التي فى اسفل الريداتير ثم تقوم بملأها مرة اخري بماء عادي ثم قم باضافة المادة "فلش" الي دورة التبريد واغلقه ثم قم بادارة السياره مدة لاتقل عن 15 دقيقه حتي تتأكد ان المروحة تعمل ويتم تقليلب الماء من الريداتير الي الموتور , اغلق المحرك وانتظر حتي يبرد تماما ثم اعد تفريغ الريداتير كما فى السابق ثم اعد ملئه مرة اخري بماء عادي واعد التشغيل 15 دقيقه حتي تعمل المراوح , ثم اطفئ المحرك حتي يبرد تماما ثم فرغه من الماء كليا ,
ثم اضف الماء الاخضر الاصلي (من اي بنزينه توتال او موبيل) بدون اي اضافات من الماء العادي (حوالي 2 جركن)
ان شاء الله ستجد الوضع اصبح افضل

اذا استمر الوضع علي ماهو عليه من السخونه...... عليك باتباع الخطوة رقم 2

2- اذهب لاي اخصائى ريداتيرات تثق فيه ........ ودعه يفك غطاء الريداتير ويعمله عملية "تسييخ"
يعني يقوم بوضع سيخ رفيع فى كل قناة للماء (المواسير الرفيعه) بهدوء وحذر حتي تنضف تماما ..... ثم ضيف ايضا الماء الاخضر او الاحمر الاصلي (لاتدعه يفتي باضافة اي ماء عادي مع الماء المعالج)
وقم بالتشغيل والتجربه
ان شاء الله ستجد مايسرك

برجاء التواصل واخبارنا بالنتيجه

دمت فى امان الله

لو كنت غيرت المياه والعربيه ساخنه يبقي الثرموستات الحراره المسؤل عن تشغيل المروحه ضرب
ويجب تغييره

عندي مشكلة شبيهة بألتو سوزوكي حطيت مياه خضراء المياه بقت تنقص عن الأول وبدأت تتعكر
وكنت حاططت مياه حنفيه مكنتش بتنقص كده
هل العربية واخده هوا
ولا اعمل غسيل كيماوي شامل في بنزينة؟
بس المؤشر مبيزدش عن النص
بس حاسس ان المروحه بتشتغل كتير
ارجو الإفادة المشكلة دي مجنناني

اقتباس:

---

المشاركة الأصلية كتبت بواسطة kokololososo

عندي مشكلة شبيهة بألتو سوزوكي حطيت مياه خضراء المياه بقت تنقص عن الأول وبدأت تتعكر
وكنت حاططت مياه حنفيه مكنتش بتنقص كده
هل العربية واخده هوا
ولا اعمل غسيل كيماوي شامل في بنزينة؟
بس المؤشر مبيزدش عن النص
بس حاسس ان المروحه بتشتغل كتير
ارجو الإفادة المشكلة دي مجنناني

---

هل كنت بتحط مية حنفية من مده طويلة ؟
نوع المية الخضراء اللى حطتها اية؟

نصييييييييييييييحه
روح بسرعه فضي الميه دي
انا غيرتلها مره والراديتير قلب منخل وغيرته وربنا العربيه مكنتش مكمله 35 الف كيلو!!!

مخلوطه بمية نار وزبالة الزباله

هات نوع موثوق احسن


تحياتي