الموضوع: ميجان 2 هاتشباك للبيع

المشاركة الأصلية كتبت بواسطة eslam.elrefaey

عجبانى اوى العربية و عاجبنى اكتر مصداقيتك التى لا تقدر بثمن و عاجبنى اكتر و اكتر انك بتعمل فيها كل حاجة بنفسك وربنا يوفقك ان شاء الله فى بيعها

متشكر جدا لحضرتك يا استاذ اسلام وربنا يبارك لحضرتك وميرسى جدا على الدعوه الحلوه

المشاركة الأصلية كتبت بواسطة Karim_Monir

ملحوظة :
بتاع الكاوتش اللي قال كدة مابيفهمش حاجة
عمر الكاوتش بين اربع سنوات الي 5 سنوات بالكتير
يعني الكاوتش ده مهدد بالانفجار لو اتمشي بيه بسرعه اكبر من 80 ده اللي بيقولة الصانع مش انا

الزيوت التخليقية عمرها سنة او 14 شهر بالكتير وبعدها لازم تنزل حتي لو ممشيتش بيها كم واحد لانها بتفقد الخواص اللازمة لعملية اللزوجة بتاعتها
كل السيور الكاوتش جوة العربية صلاحياتها 3 سنين حد اقصي
زيت الفرامل ومية التبريد الحد الاقصي للصلاحية 3 سنين


ده للعلم ليس اكثر وبالتوفيق في البيع

متشكر لحضرتك يا استاذ كريم .. موضوع الكاوتش متفق مع حضرتك فيه اما موضوع زيت الفرامل حضرتك انا معايا عربيه بيجو 405 موديل 98 من الزيرو مغيرتش لها زيت فرامل وماشاء الله زى الفل وكذلك الحال فى سينيك 2005 وبيجو 605 من سنه 2001 والحمدلله مفيش مشكله اطلاقا اللى بيعمل فيها رطوبه ان حضرتك ممكن تفتح الخزنه الصبح بدرى مع الندى والشبوره فتاخد رطوبه ... بالنسبه للسيور بردو حضرتك طول ما هى lax ومفيهاش اى شقوق مفيش منها مشكله وبالنسبه لزيت الموتور فدا اكيد طبعا بيتغير كل سنه .. اما ودا الأهم موضوع سوائل التبريد بتتغير يا فندم بره مصر عشان الماده المضاده للتجمد واحنا فى بلدنا مش محتاجين خالص الموضوع دا لذلك ملوش اى لازمه افتح دورة السياره واغيرها بسوائل اخرى محتممل تكون مغشوشه وتعمل صدأ فى الموتور والريداتير وهى الحمدلله مؤشر على التلت بالظبط لا بتزيد ولا بتقل والحمدلله مستوى سائل التبريد ثابت