الموضوع: ابتعد عن الفيرنا.. الفيرنا فيها سم قاتل

العبد لله برضو اول خبطة لعربيتي كانت على أيد فيرنا في صلاح سالم عند عمارات العبور (كان الطريق واقف وبيمشي شوية بشوية وهوب لقيت تاكسي فرنا رشق في العربية من وراء طبق الاكصدام شوية صغيرين والغريبة انة السواق نزل بيقولي انت عايزني اغيرك الاكصدام علشان الخبطة الصغيرة دي قلتلة روح حسبي الله ونعم الوكيل فيك

المشكلة مش في العربية المشكلة في اللي سايق العربية مع اختلاف بسيط (انه محدش هيركب الماني ويبلطج بية على الناس علشان عارف انة كل خربوش بثمن )انما لما واحد مستهتر ويركب فيرنا او النترا او اية عربية تكلفته اصلاحها بسيطة اكيد هيعمل فيها فهمي ويبلطج ودي عندة فهلوة او حرفنة او سميها زي ما تسميها

أكيد في علاقة وربط بين العربية وصاحبها ودا معظم شغل ال-MARKETING بيكون على أن هما كل عربية ليها TARGET أوشريحة مستهلكين معينة
يعني أكيد مش هتلاقي إعلانات للفرنا على ART أو الجزيرة المشفرة بيكون في إعلانات الفئات أعلى وبي TARGET ناس تانية بمستوى دخل أعلى

the main goal of the marketing of any company is launching an advertising campaign witch will be targeting a specified class or sector for the product
مثلاً عمرك ما هتلاقي إعلان مرسيدس أو BMW في outdoor بانر في حتة شعبية وبرد عمرك ما هتلاقي إعلان فيرنا في مكان زي كمبوند أو نادي كبير
و ببساطة بردو شوف معدل حوادث الفرنا مقارنة بأي عربية تانية هي مش محتاجة كلام

بسم الله الرحمن الرحيم
ياعم احمد ربنا انها جت على قد كده

وحمد الله على سلامتك

طيب تقول ايه وانا ماشى على مهلى بعدى مزلقان سكة حديد واللى ماشى على رجله اسرع منى
و عربية قلاب مرسيدس بتاع رمل ماشى جنبى من الشمال ..وفجأة راح كاسر على جامد ولا كأنه شايفنى
وراح مدمر البابين الشمال تماما ومعاهم المراه الشمال بدوبل العجل الخلفى ولولا انى حدفت بالعربية يمين وانتهاء الرصيف الجانبى للمزلقان لوجود قضبان السكة الحديد كان فعصنى والعربية فى الرصيف
كل ده فى ثوانى كانك فى فيلم رعب والعربية بتتحطم ابوابها والمراه ولدرجة انه ازاح العربية من طريقى
واتشهدت على ر وحى..وفوجئت بعدها بأن سواق السيارة القلاب قصير جدا لايتعدى 140 او 150 سم زى القزم
سايق عربية زى الجبل وشكله كان غاطس فى مقعد السيارة وماكنش شايفنى وكسر عليا عشان يتفادى حفرة صغيرة فى المزلقان وبدون مايبص فى المراة الجانبية
(يعنى السرعة )هنا لا دخل لها فيما حدث انما هو غباء من السائق وسوء تصرف
والضحية كانت سيارتى الفيرنا الجديدة اللى الاخ الفاضل بيتريق عليها
وطبعا دخت على ماشتريت بابين من الحرفيين وفك وتركيب ودهان للسيارة بالكامل
غرمت حوالى خمسة الاف جنيه
ولكن كله يهون وسلامة الواحد لانه لم يصبنى بفضل الله خدش واحد
ربنا يكفينا شر الطريق وشر الاغبياء

المشاركة الأصلية كتبت بواسطة eltanamly

من أسوأ العربيات في مصر هي الفيرنا أنا لو شفت وحدة ببعد عنها وش عشان أنا مقتنع أن لو الراكبها ده بيفهم أصلن مكنش اشتراها ، كل الركبانها فاكرين نفسهم راكبين عربية بجد ومعظمهم أول مرة يركب عربية فخلاص فكر نفسو الجامد إلي مفش زيو وله الحق يجري وياخد غرز و يتنطط برحتو وكمان لم يخبطك ينزل يبجح ويالك اعملك اه هو كدة ، وكمان موضوع العوض ده أنا مش باخد عوض من حد لو هو كان غلطان ونزل اتكلم بالراحة و إعتذر بس لو هو كان غلطان وبي بلطج بطلع ............ امو. الفيرنا عربية قذرة وبجد مش عارفين نمشي فالشوارع منها و على فكرة كل العربيات بتجري مش عشان الفيرنا بس البتجري يبقى حلال لهم الشارع ونقعد احنا في بيوتنا

حضرتك ماعندكش ذوق ومريض نفسيا
لانك اتهمت ملاك الفيرنا وبوقاحة بانهم عديمى الفهم وانهم يسيئوا التصرف
انا سيارتى تعرضت لخبطات من مركات مختلفة لعدم احترام سلوكيات وقواعد واداب المرور
والاهم من كده الذوق فى التعامل مع الاخرين خلال الطريق