مرسى فى تعليقاته ليس له مثيل لذلك لن يكون له نظير و لا يوجد منافس يستطيع انتزاع هذه المكانة منه :-) و باسم يوسف ما كانش بيبذل مجهود كبير انما التجويد كله على الاصل دور :-) و دور باسم بس كان بروزة و تلميع الالماظات بتاعته :-)
اول تعليق لباسم يوسف على عزل مرسى كان انه قال . . . شقى عمرى ضاع :-)
انا شخصيا هضحك على اى حاجة و اى حد بدون حساسية لانى من النوع الساخر فى اعماقه لدرجة انى لو ملقتش احيانا حاجة اتريق عليها ممكن اتريق على حاجة فيا انا شخصيا :-)
و انا ليا رأى فى ان باسم يوسف من اسباب كره الناس لمرسى. . . الحقيقة ان العكس تماما هو الحقيقة. . . ليه بقى. . .لانك لما تبقى متضايق من حاجة. . . يعنى جواك شحنة سلبية من ناحيتها. . . فالانسان بيحاول يدور على مخرج للطاقة السلبية دى عشان يستريح. . . المخرج ده عند ناس كتير خلال السنة اللى فاتت كان بيتمثل فى حلقة باسم يوسف اللى الشحنة السلبية اللى جوة الناس كان بتطلعها فى الضحك و السخرية. . . و ترجع الشحنة السلبية تتكون تانى بسبب ازمات المعيشة فيرجع التنفيس عنها من خلال الضحك فى حلقة الاسبوع اللى بعده و هكذا. . . فباسم يوسف فى الحقيقة كان مصدر للتنفيس مش الشحن. . . على عكس اللى الناس فاهماه . . . نفس نظرية السجاير كده بتاعة نفخ الدخان فى الهوا تريح :-) ده غير طبعا تأثير نيكوتين ابداعات ابو المرس :-)