السلام عليكم
ماهو تقييمك لمراكز الصيانة و وارش الاصلاح و محلات بيع قطع غيار
سكودا فيفوريت و فليشيا
http://nileup.com/up/uploads/nilemotors_13829876231.jpghttp://nileup.com/up/uploads/nilemotors_13829876232.jpg
الموضوع بسيط انى كل واحد ينقل تجربته سواء اصلاح او شراء قطع غيار
و يكون شاهد عليه ربنا فى الكلام المكتوب
و تكون التجربة ناجحة او سيئة
لتكون الاستفادة للجميع
من خلال التجارب السابقة للاعضاء
تحياتى للجميع بالتوفيق
م / أحمد سيد
منسق قسم سكودا
منتظرين المشاركة و التقييم
و التقرير عن اماكن بيع قطع الغيار و وارش الصيانة و المراكز
ربك المستعان
[frame="3 80"]اولا الموضوع جميل جدا ومفيد جدا لاعضاء الفليشيا وده مش غريب عليك يابشمهندس لان مواضيعك كلها مفيده جداويشرفنى انى اكون اول واحد يرد عليه
بالنسبة لقطع الغيار هى متوفره جدا وجميع الماركات فى كل مكان المعادى ووسط البلد وبين السريات وصقر قريش وكل الماركات فيه منها الصينى والالمانى والتشيكى والاسبانى
فيه فى وسط البلد سيد صلاح وده انا جربته شخصيا ويقولك الحاجة اصلى ولا صينى
وفيه النبيل بردو كويس وفرق السعر بينهم مش كتير يعنى ممكن تلاقى ده ارخص من ده او العكس
وفيه فى المعادى كرم الحاوى جربته بردو ومش وحش رغم ان في كلام عليه انه استغلالى بس انا حاسيت انو عادى
وفيه فى صقر واحد اسمه سعيد اسكودا جربته بس مش كتير مقدرش احكم عليه دول المحلات اللى انا اتعاملت معاهم فقط
اما ورش الاصلاح فانا اتعاملت مع ناس كتير وكلهم فيهم صفة انهم صنايعية بصراحة ومقدرش اكتب عن حد انو كويس فى كل حاجة وامين وووو
بس فيه واحد جربته ده فاهم فى العربية كويس فى عرب المعادى اكتر واحد فاهم فيها بس بردو اسمه صنايعى يعنى لازم تبقى رايح وانت فاهم انت عايز تعمل ايه عشان ميعملش عليك شغل وخلاص بس هو جامد رغم انى مقتنع ان الفليشيا مش معقده ميكانيكيا بس عايزة واحد شاطر فقط
[/frame]
اقتباس:
المشاركة الأصلية كتبت بواسطة jojoamr
انا بشكرك على تجاوبك معانا
فى عرض الموضيع و الردود اللى بتيبقى اهم من الموضوع نفسه
و بتكون افادتها و نصيحها كتيرة
جزاك الله كل خير
اقتباس:
المشاركة الأصلية كتبت بواسطة engahmedsayed
لا شكر على واجب يابشمهندس احمد احنا كلنا بنستفاد منك ومن مواضيعك المهمة وانشاء الله الموضوع يكون مهم جدا ومفيد لاصحاب الفليشيا وكلنا نفيد بعض باذن الله
اقتباس:
المشاركة الأصلية كتبت بواسطة jojoamr
ان شاء الله يكون مهم و مفيد لمالكى سكودا جميعا و شكرا على الرد الجميل من حضرتك و دة اقل واجب اقدر افيد بيه اخوانى هنا فى القسم
و بالتوفيق ان شاء الله
ربك المستعان
كل التقدير لصاحب الفكره جزاه الله خيرا
هاكون اول واحد بتكلم الاسكندرانيه
بالنسبه للصيانه والاصلاح
طبعا الكل يعلم ان الفليشيا واخوتها فى غاية البساطه ميكانيكا وعفشه وكله واصبح الشغل فيها اسطنبات معروفه وسيناريوهات سابقة التجهيز.... المهم ............ الميكانيكى الجيد
الميكانيكى اللى بيشتغل فى عربيتى ميزته انه بيشتغل لنفسه وليس لصاحب العربيه .. بمعنى
بيعمل شغلانه لازم ينجح فيها بامتياز ويكون ضامن النتائج كويس لنفسه ولشهرته ثم ممكن يستفيد من ذلك صاحب العربيه .. وكمان لايقوم بتركيب قطعة الغيار اللى يشك فيها وفى جودتها ... بيعتذر عن الشغل
بالنسبه لتجار قطع الغيار .. علشان قريب من دوران السيوف فمعظم تعاملى مع (الفرقان -وشاكر )فى الجديد
وتقريبا البضاعه واحده وكل التجار تقريبا عايزين يكسبوا زباين
اما المستعمل معظم تعاملى مع (الرسام) ودا بيركب لك القطعه فى الحال وتعرف راسك من رجليك قبل ان تغادر المحل وده افضل ولكن فقط فى الاجزاء قليلة الخطور او التى لاتتطلب دقه وتحضير فى الفك والتركيب اما القطع الكبيرة تشتريها على التجربه
الميكانيكى بتاع فييين فى اسكندرية .......
اقتباس:
المشاركة الأصلية كتبت بواسطة tamer0101
اسف على التأخير فى الرداقتباس:
المشاركة الأصلية كتبت بواسطة tamer0101
بالنسبه للميكانيكى ليس هو افضل واحد فالاسكندريه مليانه صنايعيه كويسه اختار الاقرب لك منعا للمشقه فى الانتقال
الورشه دى فى العوايد بجواره اخوه سمكرى نمره واحد
التليفون لو رغبت : 01224276186 اسمه/ اشرف زكريا
بالنسبة لقطع الغيار كويسة واسعارها متقاربة من عند
السيد صلاح- شارع عرابي وسط البلد
رشاد عثمان- شارع مجلس الأمة
الصياد- الدقي
ودول اللي باشتري منهم حاجة الفيليشيا والبورا سابقا وبصراحة اسعارهم كويسة
اقتباس:
المشاركة الأصلية كتبت بواسطة benmatar
السيد صلاح تمام
و الصياد صاحبه الحج مصطفى راجل محترم
اما رشاد ده تعبان لانى عمل معايا حركة مش ظريفة فى مستر فرامل عمومى