الموضوع: ماهو تقييمك لمراكز الصيانة و وارش الاصلاح و محلات بيع قطع غيار سكودا فيفوريت و فليشيا

المشاركة الأصلية كتبت بواسطة jojoamr

[frame="3 80"]اولا الموضوع جميل جدا ومفيد جدا لاعضاء الفليشيا وده مش غريب عليك يابشمهندس لان مواضيعك كلها مفيده جداويشرفنى انى اكون اول واحد يرد عليه
بالنسبة لقطع الغيار هى متوفره جدا وجميع الماركات فى كل مكان المعادى ووسط البلد وبين السريات وصقر قريش وكل الماركات فيه منها الصينى والالمانى والتشيكى والاسبانى
فيه فى وسط البلد سيد صلاح وده انا جربته شخصيا ويقولك الحاجة اصلى ولا صينى
وفيه النبيل بردو كويس وفرق السعر بينهم مش كتير يعنى ممكن تلاقى ده ارخص من ده او العكس
وفيه فى المعادى كرم الحاوى جربته بردو ومش وحش رغم ان في كلام عليه انه استغلالى بس انا حاسيت انو عادى
وفيه فى صقر واحد اسمه سعيد اسكودا جربته بس مش كتير مقدرش احكم عليه دول المحلات اللى انا اتعاملت معاهم فقط
اما ورش الاصلاح فانا اتعاملت مع ناس كتير وكلهم فيهم صفة انهم صنايعية بصراحة ومقدرش اكتب عن حد انو كويس فى كل حاجة وامين وووو
بس فيه واحد جربته ده فاهم فى العربية كويس فى عرب المعادى اكتر واحد فاهم فيها بس بردو اسمه صنايعى يعنى لازم تبقى رايح وانت فاهم انت عايز تعمل ايه عشان ميعملش عليك شغل وخلاص بس هو جامد رغم انى مقتنع ان الفليشيا مش معقده ميكانيكيا بس عايزة واحد شاطر فقط
[/frame]

انا بشكرك على تجاوبك معانا
فى عرض الموضيع و الردود اللى بتيبقى اهم من الموضوع نفسه
و بتكون افادتها و نصيحها كتيرة

جزاك الله كل خير

المشاركة الأصلية كتبت بواسطة jojoamr

لا شكر على واجب يابشمهندس احمد احنا كلنا بنستفاد منك ومن مواضيعك المهمة وإن شاء الله الموضوع يكون مهم جدا ومفيد لاصحاب الفليشيا وكلنا نفيد بعض باذن الله

ان شاء الله يكون مهم و مفيد لمالكى سكودا جميعا و شكرا على الرد الجميل من حضرتك و دة اقل واجب اقدر افيد بيه اخوانى هنا فى القسم
و بالتوفيق ان شاء الله

ربك المستعان