السلام عليكم جميعا دى اول مشاركة لية وعاوز نصائحكم بخصوص شراء ماروتى مستعملة لان العربية عجبانى حجمها جدا وياريت اخبار اخر اسعار المستعمل
عرض للطباعة
السلام عليكم جميعا دى اول مشاركة لية وعاوز نصائحكم بخصوص شراء ماروتى مستعملة لان العربية عجبانى حجمها جدا وياريت اخبار اخر اسعار المستعمل
السﻻم عليكم
إزيك يا أحمد
أنا لسه شاري ماروتي زيرو 2013 والعربية ما شاء الله ممتازة.
وعلي قد خبرتي البسيطة في العربيات أقدر أقولك خليك في حدود موديل خمس سنين فاتو.
عشان العربية تكون لسه بخيرها.
وأنا كان مغروض عليا من فتره ماروتي 2011 عامله 11 الف كيلو بس.
فبريكه وكان مطلوب 30000 الف بس محصلش نصيب.
وربنا يوفقك.
يسعدني الانضمام الي الرابطة
أنا لسه جايب ماروتي موديل 2013
من شهرين
وحابب جدا أتواصل معاكو.
وعندي بعض الاسئله .....
السؤال الاول
لما بمشي بالعربيه بحس انها بتنتش
اول ما ادوس بنزين شويه
وخلي بالكم العربيه لسه جديده موديل 2013
وعامله 1000 كيلو بس
لاني ما بسفرش بيها ؟؟؟؟
السؤال التاني
العربيه كل شويه بتشتغل المروحه بتاعتها بتاعة التبريد
يعني تقريبا كل 4 دقائق او 6 دقائق او اكثر او اقل
هل ده طبيعي ولا لاء ؟؟؟
السؤال الثالث
لما باجي اسخن العربيه قبل ما اطلع بيها وخصوصا الصبح بلاحظ
خروج دخان اسود من الشكمان لحد ما تسخن
وخروج نقط من الماء كمان
هل ده طبيعي ولا لاء ؟؟؟؟؟؟
ربنا يكرمك يارب
بس معلش في السؤال
انا رحت لكذا كهربائي
يقلولي كاربرتير
ورحت لكذا مكنينيكي
يقل كهربا
عموما انا اهتديت في الاخر انها كهربا فعلا
بس السؤال بقا
ايه هي الكهرباء اللي يتم ضبطها بالضبط للموضوع بتاعي ده ((التنتيش ))
علشان لما اروح للكهربائي بتاع السيارات افهمه المكان اللي يصلحه ؟؟؟؟؟؟
{{علشان الكهربائيه اللي في منطقتي لمؤاخذه ....:cat13:.... وانا اسف للفظ }}
عزيزي
ظبط الكهرباء بيتعمل عند الميكانيكي او اخصائي كربيراتير غير كده انسى
تحياتي
Sent from my Xperia Arc S using Forum Runner
السلام عليكم ورحمة الله وبركاته
إن شاء الله قررت شراء مــاروتــــي :B4_007: ( زيرو ) وهذا سيكون بإذن الله في منتصف شهر فبراير القادم http://www.nilemotors.net/Nile/image...5C8%7E1107.gif
ولكن عندي سؤال ماهو أخر موديل لهذه السيارة وهل يوجد منها موديل 2014 وما هي كمالياتها ؟
وشكرا ً:shine[1]:
أخوكم محمد
أنا لسه شاري ماروتي موديل 2013 ولما سألت علي أخر موديل قالولي مفيش 2014.
كمان العربية بتنزل فاضية مفيهاش حاجه خالص.
تحياتي.
سؤال
مساعدين الماروتى .هل ممكن استبدالهم بمساعدين أكبر ؟؟عشان هما ضعاف نوعا ما ؟؟
اول مرة اسمع مساعدينها ضعاف دي بص يا سيدي ي حاجة ف الماروتي ضعيفة لا المساعدين بالذات اولا العربية هندي يعني ارض مليانة حفر ومطبات و في اعلان ليها بيوضح انها مساعدينها بيستحملوا عفشتها ع الاقل فراي مش ناعمة بس بتمتص الصدمة الي حد معقول بالاضافة انهم مساعدين غاز
سؤال للرجالة لكاوتش الراديال اسمه اية عندنا ويسلام لو حد يوضحلي يعني اية راديال
عايز أعرف ترخيص الزيرو بيتكلف كام تقريبا ً وشكرا ً
انا شوفته بالصدفة دورت شوية مش لاقيه
شكرا ياجماعة على مجهودكم فى الرد على الاستفسارات
رحت للعفشجى فقالى العربية محتاجة مساعدين امامى وخلفى ومقصات وطقم كاوتش ميزان أمامى وخلفى
احسن سعر واحسن جودة الاقيهم فين ؟؟وأشترى ماركة اية ؟؟؟
العفشجى مصنعيتة تكون فى حدود كام ؟؟؟؟
ثانيا :
الفوانيس مش عارف اظبطهم خالص ...هل ليهم حل ؟؟؟
الفوانيس مالها عيزة رجلاش و لا اية الرجلاش هتلاقي المسامير علي شاسية الفانوس
بالنسبة للعفشة معرفش حد ف القاهرة الرجال هيردوا عيك
بسم الله.
دي أول مشاركة ليا في الرابطة وحبيت أوريكو تجربتي في تركيب فلتر بنزين أضافي.
ودا طبعا عشان بستعمل بنزين 80 وخايف من الشوائب بتاعته.
أن كنت شفت مشاركة سابقة عن تركيب فلتر أضافي بس كان بعد الفلتر اﻷساسي ، وكانت حقيقي مشاركة جميلة وجهد مشكور من صاحبها.
بس جيت أطبقها لقيتني هقطع في الخراطيم وأنا مش بحب أبوظ حاجه خصوصا أن العربية جديدة.
فكرت شوية لقيت أن تركيبه قبل الفلتر اﻷساسي أسهل كتير ومش هيخليني أقطع حاجه خالص خصوصا أني لقيت وصله معدن صغيره طولها حوالي 5 سم موجوده ما بين الخرطوم اللي جاي من التانك والخرطوم اللي داخل ع الفلتر اﻷساسي.
فقلت فكره كويسه أشيل الوصله دي وأحط بدالها الفلتر.
وفعﻻ ركبته مكانها وأستخدمت الﻷفايز بتاعة الوصلة.
يعني أشتريت الفلتر بس.
ودا رابط الصورة بعد التركيب.
Download 2014-01-12_16.07.37.jpg - zSHARE
تحياتي
السلام عليكم ورحمة الله وبركاته
جماعة انا محتاج استفسار ضرورى و رد سريع الله يكرمكوا انا اول مرة اشترى زيرو و حجزت عند سمير ريان ماروتى 2013 نبيتى بس وبعد ماحجزت كان فيه فعلا واحدة تبعهم نبيتى واقفة قدام المحل فقولت اشوفها .. المهم بفتح الكبوت ابص اول حاجة لقيت حوض الموتور لونه مش نبيتى زى بقية العربية لقيته برتقالى غامق كده فهل ده طبيعى ؟؟؟؟
تانى حاجة ودى الاهم لقيت اجزاء فى بعض المواسير فيها صدأ والنص السفلى من الموتور لونه بنى تماماً من الصدأ فقولت للمندوب إللى بتفق معاه من المعرض لو سمحت انا عايز واحدة غيرها وقلتله إللى شفته .. انا قولت ابص على واحده لون تانى واقفة عنده اشوف فيها نفس الكلام لقيت السودة بفتح كبوتها لقيته من جوة اسود زى العربية بس لقيت نفس الصدآ فى نفس الحتة فى الموتور .. أفيدونى هو ده طبيعى مطرح التخزين ولا ايه ده ؟:dumb:
أنا شاري ماروتي 2013 نبيتي زيرو.
ولقيت نفس اللي أنت شفته وخدتها وأمري إلي الله.
وفعﻻ لون الحوض برتقالي.
تحياتي
بالنسبة لموضوع لون دهان حوض المتور انا ف عربيتي النبيتي لونه افتح شوية بس مش برتقاني بالنسبة للصدا لة قصدك ع الشكمان و الشجرة فدة عادي اما انا الماتور ذات نفسه يصدي فدي حاجة صعبة جدا حتي لو العربية بقالها 30 سنه ممكن يكون طين من التخزين اما الشكمان ودة فكا العربيات فبيصدي بس مش بيتاكل عشان مينفعش يدهن علي ما اظن مشوفتش عربي شكمنها معلهوش طبقة صدا خفيفة
النهاردة رحت رصصت بالاستبن وعملت صليبة الاستبن مكانش متترصص و الراجل قالي ان العجل بينزل مش مترصص ؟؟؟؟؟؟؟؟
يعنى موضوع ان اللون مخلف ده عادى فى الحوض ؟
انا سألت على موضوع لون الحوض ده فى ناس قالولى عادى بيبقوا كسلوا يرشوا الحوض وسابوه بلون المعجون بتاع المصنع بس مش عارف ليه مش داخل دماغى موضوع كسلوا ده
عندى سؤال
هو المنسوب المظبوط لزيت الفتيس اعرفة ازاى ؟؟؟؟؟
يعنى فين علامة الزيت فى مقياس زيت الفتيس ؟؟؟
تمام ذي ما قال الدكتور.
طبة الزيت فيها عمود صلب بطول حوالي 5 سم في أخرة شرشرة طولها حوالي 2 سم. هي دي مقياس الزيت.
أخوتى الاعزاء فى الجروب ..شكراا ليكم جداا على مجهوداتكم فى الرد
انا عربيتى بتستهلك 25 لتر بنزين تقريبا كل 400 كيلو وطريقى كلة طرق فاضية يعنى نقدر نقول 15 % من المسافة طرق مزدحمة
هل المعدل دة كويس ولا كتير لأن فى واحد قالى ان عربيتة بتمشى 450 كيلو كل 25 لتر
ولو كتير يكون السبب منين ؟؟كربراتير ولا اية ؟؟؟
بالنسبة ﻷستهﻻك البنزين :
العربية جديدة بس ﻻحظت عندي أنها بتعمل حوالي 300 كم في كل التانك
يا تري أيه رأيكو في الموضوع دا.
علما بأني مشاويري كلها جوا البلد.
نفس الاستهلاك 10 لتر 100 كيلو ف اسوء الظروف