شاكر جدا.
وكنت عايز أخد رأيك في حاجه مضيقاني قوي
من يوم ما جيبت العربية من ثﻻتة أشهر وغطاء قربة مياة الردياتير بيسرب وينزل ميه في حوض العربية.
غيرت الكاوتشه بواحده تانية أسمك وبردو مفيش فايدة.
عرض للطباعة
السلم عليكم
انا من يومين اشتريت ماروتى 2013 زيورو وبصراحه اتفاجئت ببعض المشاكل
الفتيس ناشف جدا فى الغيارات وخصوصا الغيار التانى
لمبه الصالون بترعش مع الفرامل ولو لمست اوكره الباب بعد قفل العربيه
انا استعملت العربيه لمده يومين وماشيه 350 كيلو مش عارف ده طبيعى ولا لا
تانى حاجه انا استلمت العربيه من معرض محترم جدا ومش معاها ورق وقالى يومين وهجيبلك الورق بس مسإلتش على الضمان
هل ممكن ميجبليش ورقه الضمان
طيب صيانه الالف كيلو فين وهل هتفيدنى بحاجه وتستاهل المشوار انا اسمع ان توكيلها وحش
وجزاكم الله خيرا
وعليكم السﻻم
بالنسبة لتأخير أستﻻم الورق والضمان دا طبيعي
الورق جابوه بعد حوالي عشر أيام.
أما بالنسبة للضمان فأنا بقالي ثﻻثة أشهر مستلم العربية ولسه مختدوش.
والضمان مش هيأخرك عن عمل أي شئ في العربية سواء الصيانة أو غيرها.
طالما إنك مﻻقتش أي عيوب ضد الصناعة في العربية.
أما بالنسبة لصيانة اﻷلف :
فأنا أعتقد أنك تعملها في التوكيل أفضل.
أنا عملتها في فرع مصر الجديدة الموجود في شارع جوزيف تيتو.
بس ﻻزم تتصل اﻷول عشان تاخد معاد.
والله يا جماعة عربية اصيلة ومعمرة وبتشيل الواحد ف مواقف كتير بس بصراحة من بعد ما بقيت بمشي ف زحمة القاهرة والدائري وهي بدات تزعل يعني بتسخن كتير وغيرتلها مياة الردياتير ودلوقتي عندي مشكلتين نفسي حد ربنا يكرمه ويكرمني بمساعدته العربية بتعمل صوت زي تزييق مسمار كده وانا ماشي وحاسس بصعوبة ف الغيار الاول والمرشدير حد قالي ان دي اسمها الفتيس بيعضعض وانا مش فاهم قالي انها عايزة ديسك وبلي واسطوانة باين العربية موديل 2009 وعامله 40 الف ارجو حد من رجالة الماروتي يساعدوني
السخونية مش مياه بس ممكن مروحة او ترموستات او الرادياتير نفسه مش فاه موضوع تزييق المسمار دة بلية الدبرياج بتعمل صوت صفير لما تدوس ع الدبرياج و الاسطوان دردرة ف الطلعة و ضعف سحب لو عندك المشاكل دي غير و غير زيت فتيس بالمرة
الكندنسر ضرب مكملش 700 كيلو
السلام عليكم
أستأذنكم لو أمكن توضحولي الموديلات اللي في الماروتي ممكن تكون بتكيف
و ايه الأسعار و أفضل أماكن شراء حاجة مستعملة
و انا برط العفشة الميكانيكي قالي القاعدة بتاعة المتور مشروخة المهم بصت عليها شكلها عادي مش باين عليها تعبانة و لا حاسس باي فر و بتعامل عادي و لسة جايب 120
ازاي تاكد ؟
السلام عليكم انا جديده هنا وعجبني الموضوع وحبيت اشارك معاكم
انا اشتريت سوزوكي ماروتي 2013 نبيتي من المصريه للسيارات الموضوع كله اخد يومين بالظبط واستلمت العربيه ورخصت بعدها بيوم بس لسه ما اخدتش الضمان
بس في ملاحظات شويه الفرامل فيها صوت ونه كده لما بتيجي تهدي من السرعه
وتاني حاجه بتنتش شويه لما بكون علي سرعة 30 وممكن تبطل
ولما بتكون واقف في اشاره او حاجه تحس ان العربيه بترعش شويه كل كام ثانيه
واهم حاجه بقي مش بتدور من اول مره
في البداية احب اقولك هلا بيك في المنتدي
ثانيا اهلا بيا في نفس المنتدي ودي لاول مرة بشارك فيها بعد سنتين تقريبا من المتابعة وبس بدون مشاركة يعني بتعلم ولما جاتني الفرصة اني اشارك كان شرف لي انه يبقي علي ايديك
بالنسبة للعربية
المشكلة الاولي هي ارتفاع السيارة عن الارض وده حله بسيط جدا وهو انك تغير جنط وكاوتش
طبعا الخوة الاحباء هايقولو دا يأثر علي ثبات السيارة علي سرعات عالية
وانا احب اقول انه مش هايأثر لو ركبت عجلة ممقاس13/65/165
وده هايكون اكبر مقاس واعرض مقاس ممكن يركب للسيارة وهيحقق الثبات المطلوب وتحس انك راكب سيارة كبيرة
وكمان هوا السيارات النقل عمرك ما هتحس بيه و هايبقي عادي بالنسبالك زي اي سيارة اخري
بس لاحظ ان سيارتك هاتشباك يعني خفيفة لوحدها من غير اي مؤثرات
طبعا هتواجهك مشكلة الحك في الفردتين اللي ورا ودا حله انك تركب صدادات ككاوتش ولا بتأثر علي المساعد ولا السست
وبعشرة جنيه بس واخيرا احب اوجه رسالة لسيارتك
ياجبل مايهزك ريح
ارتفاع العربية كويس اللي بيحك الدلايات البلاستيك ف المطبات العالية ف العربية مش محتاجة تعلي
تكبير الجنط و الكاوتش شايف ان ضرره اكتر من نفعه لو جد له نفع لانه هياثر ع العفشة و التسارع انسب مقاس ليها هو مقاسها الاصلي
غادي ان العربيات الكبيرة تحس بالهوا بتاعها بس مش بطريقة مرعبة
العربيةممتازة لحد ال 100 عايز تزود ممكن تحس بضعف ثبات ف المنحنيات ف الطوالي مبحسش بحاجة
السلام عليكم ورحمة الله وبركاته
أنا والحمد لله أشتريت ماروتي 800 موديل 2013 من يومين من شركة الطارق إللي في مول العرب 6 أكتوبر .
ولكن عندي ملاحظه وأرجوا الإفادة
العربية أول ما بتحرك بيها بسمع صوت حكه في العجل الأمامي ولما بدوس فرامل بسمع نفس الصوت برضه ومش عارف ده إيه .
هل عشان العربيه لسه جديدة ولا ده عيب فيها .:shyy:
وشكرا ً
ازاي حكة مش فاهمك
الصوت دة ممكن يكون من تيل الفرامل و دة عادي
حاجة غريبة بتحصل
بتروح و تيجي
العربية تقطع كهربا خالص ماعدا نور الصالون
كان الظن لنه فيوز و اتغير و تمام علي كة 3 اربع ايام و تعملها تاني تفتح البوت و تقفله او تستني شوية ترجع تاني
رحت للكهربائي تاني النهاردة قالي الاسلاك سليمة ممكن العيب يكون م الطبلة و قالي لو عملت كدة تاني جرب دور من
حاجة شبه العلبة البيضا تحت الدركسيون بتفكها تلاقي اربع فتحات بيشغلوا الكونتاك و المرش لو دارت يبقي عيب طبلة و نروح التوكيل نغيرها
و سو ف نوافيكم بالتطورات العداد 13000
انا اشتريتها برضو من الطارق عربيه تحفه ب 45000
السؤال انا جبتها من شهر ودلوقت انا مسإلتش على التوكيل ولا الضمان وعملت بيها 3000 كيلو
هل كده الضمان راح عليا ولا ينفع اروح دلوقت
طيب انا مش معايا ورقه الضمان ولا اى ورق يخص التوكيل
ابدا منين دلوقت:majd(4)::majd(4)::majd(4)::majd(4):
روح ع الالف التوكيل و قولهم ع الحوار مطلعتش منهم بحاجة سيبك م الحوار دة طالما مش ماثر علي حاجة
لسة مديها شوية wd- 40 عالابواب و الكربراتير من برة زاولتني شوية عقبل مادارات بس دلوقتي تمام
السلام عليكم ورحمة الله وبركاته اهل المنتدى الكرام
والله ياشباب عايز اشتري ماروتي بس مستعمله موديل تسعينات والفضل يرجع لمنتداكم الكريم هوا اللي حببني ف الماروتي مع اني معايا ريجاتا وشغاله زي الفل بس بتشرب بنزين وده عشان متورها 1600 وبعدين انا مشواري 10 كيلو يوميا تقريبا وكمان لسه سنجل ولذلك اقتنعت جدا بالماروتي بعد بحث شاق
طيب دلوقت اشتري منين ...موقع دوبيزل مثلا وللا سوق مدينه نصر مع العلم اني من المنيا والماروتي مش مشهوره اوي هنا
تنصحوني بإيه يا اخواني الكرام
انا متابع
متاااااااابع للاهميه
مبرررروك على الربطة احسن عربية فى الدنيا
بس انا عندى سوال عاووز ازود الااءة بدل من السهاري اللى موجودة فيها وياترى هغير الكتاوت ولا اعمل اية
النهاردة غيرت قاعدة ماتور الكاوتش اللي ف النص ف الضمان
تشكر يا توكيل
اولا شكرا على المنتدى الجميل وبصراحه انتو حببتونى فى العربيه وكل ما اصرف نظرعنها ارجع احبها تانى السؤال هنا اللى مخلينى فى حيره هو انى
العربيه سعرها 45000 والسعر ده يخلينى اركب لاونس مستعمل وكتير بينصحنى بكده
رايكو انى اجيب ماروتى مستعمل احسن ولا ايه
ولو هجيب مستعمل ايه هو احسن موديل
بص علي حسب استخدامك لو مشاوير كتر بلاش الممستعمل لانك متعرفش اللي قبلك كان بيصون العربية و لا سايبها كدة يعني مش مضمون وكذلك الزيرو بقي مليان عيوب صناعة
فانت اضمنلك تجيب زيرو و هيريحك سنين قدام
ياشباب انا معي ماروتي وعايزة ابيعها وانا بصراحة عمري مابعت حاجة قبل كده وخايف يضحك علي اتمنها ازاي وخصوصا اني هبيع علشان احط فلوسها في عربية تانية يعني محتاج كل قرش
هي موديل 2009 ماشي 33 الف كيلو حالة فوق الممتازة
لو حد عايز يبيع ماروتى ب مقدم 14 الف والباقي علي سنة يبعتلى
عربيتي ماروتي موديل 2010 فجأة وبدون مقدمات بقيت بطيئة جداً في الطالعة وميتة لو علي طلعت كوبري ولازم ادوس بنزين جامد عشان تتحرك زي متكون عجزت وبقي عندها 70 سنة وبتشحر بيبقي هاين عليا اقول للناس ذقوني ياجدعان العربية بتموت
وبصراحة مبيقتش عايز امشي بيها لتقف مني علي مطلع واللا في زحمة واتفضح ويبقي شكلي زبالة وكمان بقي استهلاك البنزين عالي جداً انا مش بحسب بظبط بس بالويم كدة "اصل العداد عندي مش شغال" يعني انا ماعرفش الصراحة هي ماشية كام كيلو لأن العداد واقف بس نقول ماشية من55 ال 65 الف كيلو
بصراحة انا مفهمش لا في ميكانيكا ولا كهربا ولا عفشة
ومغيرتش فيها اي حاجه غير حاجة اسمها موبينا وابلتين وكوندنسر وبغير زيت وباستخدم موبيل ال5000 وحاسس انه تعبان وبقالي 6 مرات او سبعة بغير زيت وبنسي اغير فلتر وحاسس ان الاهمال ده هو اللي دمر العربية
عايز نصايحكم اغير فيها ايه واكشف علي ايه بظبط علشان ترجع خفيفة وسريعة زي زمان وباستخدم بنزين 80 باستمرار بس اخر مرة حطيت 92 قولت يمكن البنزين اثر عليها ايام ازمة البنزين كنت بحط 92 علي طول وكانت شغال زي الاكس بس التوفير بقي وتواجد ال 80 خلاني استرخص
اسف علي الاطالة وفي انتظار نصايحكم
وجزاكم الله خيراً