رابطة ملاك سوزوكي ماروتي 800

**ahmed rashed** · 29-12-2013 10:41 PM

السلام عليكم جميعا دى اول مشاركة لية وعاوز نصائحكم بخصوص شراء ماروتى مستعملة لان العربية عجبانى حجمها جدا وياريت اخبار اخر اسعار المستعمل

**moudnigm** · 31-12-2013 01:45 PM

السﻻم عليكم
إزيك يا أحمد
أنا لسه شاري ماروتي زيرو 2013 والعربية ما شاء الله ممتازة.
وعلي قد خبرتي البسيطة في العربيات أقدر أقولك خليك في حدود موديل خمس سنين فاتو.
عشان العربية تكون لسه بخيرها.
وأنا كان مغروض عليا من فتره ماروتي 2011 عامله 11 الف كيلو بس.
فبريكه وكان مطلوب 30000 الف بس محصلش نصيب.
وربنا يوفقك.

**ابومصطفي وعمر** · 04-01-2014 06:44 PM

يسعدني الانضمام الي الرابطة
أنا لسه جايب ماروتي موديل 2013
من شهرين
وحابب جدا أتواصل معاكو.
وعندي بعض الاسئله .....

**ابومصطفي وعمر** · 04-01-2014 06:51 PM

السؤال الاول
لما بمشي بالعربيه بحس انها بتنتش
اول ما ادوس بنزين شويه
وخلي بالكم العربيه لسه جديده موديل 2013
وعامله 1000 كيلو بس
لاني ما بسفرش بيها ؟؟؟؟

السؤال التاني
العربيه كل شويه بتشتغل المروحه بتاعتها بتاعة التبريد
يعني تقريبا كل 4 دقائق او 6 دقائق او اكثر او اقل
هل ده طبيعي ولا لاء ؟؟؟

السؤال الثالث
لما باجي اسخن العربيه قبل ما اطلع بيها وخصوصا الصبح بلاحظ
خروج دخان اسود من الشكمان لحد ما تسخن
وخروج نقط من الماء كمان
هل ده طبيعي ولا لاء ؟؟؟؟؟؟

**dr.hazem** · 04-01-2014 07:38 PM

المشاركة الأصلية كتبت بواسطة ابومصطفي وعمر

السؤال الاول
لما بمشي بالعربيه بحس انها بتنتش
اول ما ادوس بنزين شويه
وخلي بالكم العربيه لسه جديده موديل 2013
وعامله 1000 كيلو بس
لاني ما بسفرش بيها ؟؟؟؟

السؤال التاني
العربيه كل شويه بتشتغل المروحه بتاعتها بتاعة التبريد
يعني تقريبا كل 4 دقائق او 6 دقائق او اكثر او اقل
هل ده طبيعي ولا لاء ؟؟؟

السؤال الثالث
لما باجي اسخن العربيه قبل ما اطلع بيها وخصوصا الصبح بلاحظ
خروج دخان اسود من الشكمان لحد ما تسخن
وخروج نقط من الماء كمان
هل ده طبيعي ولا لاء ؟؟؟؟؟؟

الكهربا عندك عايزة ظبط...
انت عملت صيانة الالف ولا لسا؟؟
التنتيش والمروحه هيروحو لما تظبط الكهرباء
الدخان الاسود لو انت بتشد الشفاط متشدهوش عالآخر
كفايه درجه بالكتير اتنين
تحياتي

Sent from my Xperia Arc S using Forum Runner