بسم الله الرحمن الرحيم
من كام يوم كدا، دخلت علي أحد مواقع بيع العربيات المستعملة الغير مصرية. المفاجأة كانت إن العربيات كلها فارهة و بأسعار في الأرض خالص، الـ BMW 318 عاملة 60 ألف جنيه مصري و الـ A4 و غيرهم. المهم شفت إعلان لسيارة Toyota Camry معروضة ب 13 ألف دولار أمريكي. بعت إيميل لصاحب الإعلان، و رد عليا قال لي إن هو أمريكي و اشتري العربية من أمريكا موديل 2012 و جاء بيها إلي قبرص علشان يشتغل، و فوجئ لمّا جه إن العربيات في قبرص تارة القيادة فيها علي اليمين و القانون لا يسمح بالـ Left-handed wheel drive زي الموجودة في مصر كدا مثلا، و علشان كدا عرضها للبيع. أول شئ فكرت فيه إن لو شحن العربية من هناك لهنا و الجمارك اللي هتتدفع عليها و كل الكلام ده هيعمل أد تمنها مرة كمان، و تبقي ب 26 ألف دولار يعني 180 ألف جنيه، في حين إن علي حد علمي عربية زي دي موديل 2012 بحالة الجديدة ماشية 12 ألف كيلو بس تكون عاملة في مصر 550 ألف جنيه ف هي مكسب رهيب لو الموضوع ينفع.
مساعدتكوا ليا هتكون في إيه بقي؟ هرفعلكم صور العربية اللي صاحبها هيبعتهالي و فيديو لو بعتلي كمان، و هرفعلكوا موديلها و كل البيانات اللي صاحبها هيديهالي، و انتو تقيموا و تقولولي السعر مناسب ولا لا؟ و لو حد يعرف إجرائات الشحن ايه؟ الجمارك كام؟ أفادكم الله أفيدوني.
صاحب السيارة قاللي ما تدفعليش فلوس إلا لما السيارة توصل مصر و تجربها كام يوم، و معاك 30 يوم ترجعلي خلالهم السيارة و أرجعلك فلوسك، ف ده طمني شوية ناحية إنه ما يكونش نصاب، لكن بعيدا عن دا، ايه إجرائات الشرائ يعني هنعمل عقد بيع سيارة ما بين مصر و قبرص إزاي؟
شكرا ليكم و مساعدتكم ليا في عنيا.
أخوكم/ محمد الحاج.
المفضلات