حاجة غريبة اوى هو شغل الست بقى اهم من شغل الراجل ما تقعد هى وما تشتغلش خالص (اصلا شغل المراة دة للضرورة بس )
زمن غريب بجد
عرض للطباعة
انا مع رأى ا.احمد كمال
اخلع عشان بالنظام دا هتتنازل عن الشغل النهارده وغيره بكره
وبرده انت ادرى بظروفك وربنا يقدملك الى فيه الخير.
شغل اية الى تسيبة يا باشا ولو محصلش نصيب تبقى ترجع للشركة تقولهم انا فشكلت رجعونى سورى ابوها مستغل وحسبها كويس
بص لو كنت جرئ و ليك كلام كتير معاها يبقى كلمها انتا
لكن لو كنت خجول او شاكك انك تعك الدنيا يبقى خلى واحده تالته زميلتكم تبقى محل ثقه تفاتحها هى الاول و بعد كده لو وافقت ابقى كمل انتا
انا عملت الاقتراح التانى ده مع زميلتى فى الشغل سابقا و مراتى حاليا من 5 سنين :)
معلشى انا ماكنتش قريت كل المشاركات قبل ما اقول تعليقي السابق
موضوع انهم فضلو شغلها عليك ده معناهه انهم مش شارينك من الاول بالاضافه الى انهم متصلبين فى رأيهم من الاول كده
رأى لو ماكنتش متعلق بيها يبقى اقلب الموضوع احسن بس بعد ماتقولها على الاسباب فى جلسه خاصه بينكم
اقلب الموضوع من اوله لاخره ومتزعلش لحظه
ده انت كده الناجى واللى ربنا بيحبك
أفهم من كده إن فى الشركة بتاعتك مفيش جواز حصل بين أى إتنين فى نفس الشركة
علشان أنا أعتقد إنك فاهم غلط
والله لو فيه نصيب
دور على شغل ليها فمكان تاني يكون قريب من بيت أهلها
ولو فعلا فيه نصيب ربنا هيوفقك وتلاقيلها شغل وتلبي طلبهم
غير كده البنات كتير وربنا يكرمك بوحدة أحسن مليون مرة بره الشركة
رأي واحد متزوج من فترة كبيرة
اولا بدايه غير موفقه
ثانيا موضوع تسيب شغلك انساة عارف ليه عشان اولا احترامك لذاتك و ثانيا عشان انت من غير شغل لا تستطيع انك تفتح بيت
ثالثا نفترض انك معجب بالبنت و هتموت عليها و مش شايف غيرها
و انك وافقت على انك تسيب الشغل و عملت خطوبه و كله تمام تاني يوم بعد يوم الخطوبه هى هتروح الشغل فرحانه و انت قاعد جنب امك عمال تدور على شغل و طبعا هتكون مستعجل نفسك تشتغل و خلاص و ممكن ترضي بأي شغل عشان تفرح نفسك و تقول انك مخسرتش حاجه كده انت ظلمت نفسك مدى الحياه.
اسف لو كان كلامي قاسي بس خدها من واحد متزوج
الحاجه المتنازل عنها لا يمكن استردادها
و كنت عايز اعرف موضوع انك تسيب الشغل البنت رأيها فيه ايه
عشان دي نقطه مهمه جدا يترتب عليها حاجات كتير
نصيحه لوجه الله سيبك من موضوع انك تسيب الشغل عشان لو سيبت الشغل فرحتك بيها هتكون معدومه عشان دا في رأي تنازل كبيررررررر في البدايه
و انت حر بس انشف شويه عشان ألى جي اصعب سواء كملت الموضوع ده او نسيته
للاسف الموضوع تقريبا باااااااااظ
هية واهلها متمسكين انها تفضل في شغلها في نفس المكان علشان قريب من بيت اهلها مع انو بعيد عن شقتي
ودة شرط عندهم مع اننا متفقين في الماديات انما هية لازم تفضل في مكانها
انا خايف اكون ظلمتها بس انا حبيت اتكلم في النقطة دي من الاول علشان الامور تكون واضحة
الحقيقة انا معجب بيها جدا وخايف ملاقيش حد تاني زيها ابدا.
حالتي النفسية زي الزفت مش عارف اعمل اية
انت فعلا مش هتلاقي زيها ........ مش هتلاقي واحدة تقول لك سيب شغلك عشاني !!!!
باشا انا مريت بالتجارب دي و شكل سنك صغير (اوائل العشرينيات)
اتقل هتلاقي الاحسن و تقول انك كنت ازاي بتفكر كده
الحب الاعمى اول طريق التنازلات اللي اخره يا - لا مؤاخذة - تتركب و تنبسط بانك مركوب يا اما تطلق لانك ما استحملتش
قريت كل المشاركات إللي الناس قالتها .. وعايز الصراحة .. إنتا لازم تخلع بجد لأنهم ناس مش شاريينك بيدوروا علي مصلحة بنتهم الفردية وبس
هوا إنتا إللي هتفتح البيت ولا هي؟؟ .. عارف الموضوع ممكن يكون صعب عليك شوية بس فكر شوية ولو يوم بهدوء كده مع نفسك .. دي مش حجة إن الشغل قريب من بيت مامتها .. فااااااكس الموضوع ده .. إبقي قولهم الشغل ده قريب من بيتي أنا كمان :d :d
انا عندي 30 سنة ودة مخليني نفسي الحق اتجوز وكنت حاسس انها فيها مميزات كتير جدا مناسبة ليا
وخايف فعلا مقابلش حد تاني زيها . لاني انتظرت كتير الحقيقة
افيدونا يا ناااس
كل المشاركات دى ولسه مستفدتش ........... قولها يا عم بحبك وعايز اتجوزك
موضوع شيق. :)
اوعي تسيبها اصل دي فرصه مش هتتكرر واكيد مفيش منها تاني....
شغل ايه اللي تسيبه يا بيه !!!
للاسف الاعضا بيتكلموا عن الشغل من الناحيه الماديه وفتح البيت
بس في نقطه اهم من ماديات الشغل.... انهم ببساطه مش شارينك
حبيبك يبلعلك الظلط وعدوك يتلككلك علي الشغل
علي فكره البنت لما بتبقي عايزه واحد مفيش حاجه بتمنعها لا شغل ولا اهل.. دماغهم جزم بعيد عنك
استنيت كتير وعندك تلاتين سنة, يبقى متجيش فى الاخر تدخل فى مشروع جواز يقرفك فى عيشتك.
بأذن الله هتقابل صاحبة النصيب اللى تسعدك قريب.
سيبك من الموضوع كله, انزل اشترى هدوم واحلق شعرك وتلبس وتتشيك وتروح الشغل برنس زمانك.
حياتك مش هتقف على الواحدة دة ولا على غيرها.
هو الشغل حاليا قريب من بيت اهلها
طب وبعد الجوااز مش هيكوون قرييب يبقي كدة مفيش فرق او استفادة وفي الاخر حضرتك الخسراان هتفضل تدور علي شغل عشان تقدر تفتح بييت ولو تعثرت هيبيعوك في لحظة
وتلحق لية
ومع شديد احترامى هو حضرتك متخيل هيفوتك اية من الجواز
وصدقنى يا عزيزى الستات مفيش فيهم اى ميزة
وكل الى فيهم حاجتين
النكد
والولاء التام لاهلهم حتى لو جبتلهم لبن العصفور
ثم شفت بداية الجواز عاملة ازاى
تسيب شغلك
وحالتك النفسية زى الزفت
ودة كله وانت لسة يدوب على البر وقبل البر كمان
امال لما تخش فى الغميق هيجرالك اية
وعلى فكرة طريقتهم معاك هى بداية انهم يركبوك وانا اسف فى اللفظ بس هى دى الحقيقة
نصيحة مخلصة من القلب
اهرب
انفد بجلدك
ومقدرش اقولك فى النهاية غير عبارة شفتها توقيع لاحد الاعضاء بالمنتدى وعاجبانى جدااااااااااوهى
لا تحزن ان فاتك قطار الزواج
فخير لك ان يفوتك من ان يدهسك
واضح من كلامك انهم مستغلين اعجابك بيها عشان يتشرطوا براحتهم!
وشكلك عاوز تضيع كمان سنة او اتنين من عمرك فى علاقة مش مكتوبلها النجاح..رايى حتى لو لقيت شغل تانى احسن فكك خالص
يعني هي مش فارقه معاها يكون شغلها بعيد عن بيتك او انك تسيب شغلك عشانها المهم تكون قريبه من اهلها و لسه برضه متمسك بيها ؟؟؟؟؟؟ انت شايف انك تستاهل تاخد واحده بالتفكير ده ؟؟؟
الصراحة طلبهم غريب شوية يعني هما مش قلقانين علي مصلحتك.ايوة هية اكيد تعبت لحد اما لقت شغل بس انت برضة تعبت وحال البلد اليومين دول ميسرش في موضوع الشغل دة يعني
عاوز رقم بابا وبس كدة
معتقدش فى كلام يتقال تانى بعد الكلام اللى اتقال من الاخوه
خلاصه الخلاصه اخلع يا معلم وانهارده مش بكره
يا باشا اخلع ،، كل الاعجاب بيها ده و مع الدماغ دى من بعد شهر جواز هينتهى و هترجع تتمنى اليوم اللى تخلص منها و من دماغها اللى هتقرفك لان مهما كان دماغها عاجباك دلوقتى قدام شوية هتبان العيوب ،، و صدقنى انت لو نفذت طلبهم كده اتعلم عليك و هتعيش طول حياتط كده فى تنازل دائم ،، حتى لو لقيت شغل و بمرتب اعلى كمان برضه مش فى مصلحتك انك تسيب الشغل علشانها لان مفيش حاجه تستاهل ،، اخلع و انت عالبر بدل ما بعد الشر تعوز تخله و شبكه تروح عليك او لا قدر الله يكون طفل بينكم يخليك تعيش متنكد طول عمرك علشان ماينفعش تخلع .
و بعد كد مين عارف يمكن هما يتنازلوا لما يلاقوك خلاص بجد ماشى و يبقى ساعتها انت كسبان لأن اهم حاجه السيطرة ،، مش بقول كده معنى الكلام انك ما تتنزلش عن اى حاجه ،، انا بقول بس علشان اللى طلبوه منك ده و فى وضع البلد دى بصراحه اسمه ..............
اخلع يا كبير انا كنت في موقف مشابه و خلعت برضو
حتى لو اتنزلوا اخلع لآن ده لو حصل يبقى اسمه استنزاف وكل حاجه بعد كده تمشى بمبدأ خلينا نشوف خلينا نجيب أخره
انا مش عارف ازاى اصلا قدروا يطلبوا الطلب ده !!!!!
لو عجباك سواء جمالااو روحا او مالا او تدين والله فى زيها كتير وجدا كمان
اصبر ومتستعجلش الطريق اللى انت داخل عليه ده طريق مفيهوش U Turn
يعنى لازم تاخد الموضوع يا واش يا واش
أهم من كل ده تختار الوقت المناسب
والظروف المناسبه
كام من الزيجات فشلت بسبب الظروف الوقت الغير مناسبين
الحمد لله علي كل شئ
الموضوع يعتبر انتها
مع اننا اتفقنا علي كل شئ بخصوص الماديات انما انا مش هينفع ابدا اسيب الشغل وهية واهلها مصرين انها تكمل وانا الي اشوف مكان تاني.
مش عارف اية سبب الاصرار دة .والله كان نفسي الموضوع يتم بس اللي حصل بقي
الحمد لله لا تنسونا من صالح دعائكم
ياريت لو تدعوا ليا بالتوفيق في موضوع الجواز والبحث عن بنت الحلال بظهر الغيب
ايه الهبل ده معقولة فى ناس بتتشرط على الراجل انه زوجته تفضل شغالة بعد الزواج ؟
ده شئ متلروك ليه هو اساسا دى علاقة شرعية ربنا هو اللى حددها ولو هو مالوش مزاج انها تشتغل اساسا فهذا حقه الشرعى
وكمان هو يروح يدور لنفسه على شغل تانى حاجة جميلة جدا
هى الدنيا خربت من شوية
الحمد لله الذى عافانا مما ابتلى به غيرنا